ఈ భాగంలో అనుభవాలు:
- బ్రతుకు భారమైనవేళ అండగా నిలిచి నడిపిస్తున్న బాబా
- ఊదీ మహిమ
బ్రతుకు భారమైనవేళ అండగా నిలిచి నడిపిస్తున్న బాబా
ప్రియమైన సాయిభక్తులకు నమస్కారం. నేను సాయిభక్తుడిని. కొన్ని కారణాల వలన నా పేరు తెలియజేయాలని అనుకోవడం లేదు. నేను మహాపారాయణ గ్రూపులో సభ్యుడిని. ఎమ్.పి 9425, సంకల్ప సాయి గ్రూపు క్లాస్ టీచర్ని. నేను నా అనుభవాన్ని తోటి భక్తులతో పంచుకోవాలని దీనిని వ్రాస్తున్నాను. నేను నా తల్లిదండ్రులననుసరించి దేవతలందరినీ ప్రార్థిస్తుండేవాడిని. 2018, డిసెంబరులో నేను ప్రేమించిన అమ్మాయితో నాకు నిశ్చితార్థం అయింది. అయితే నా చెడు కర్మ కారణంగా 2019, జనవరిలో అమ్మాయి కుటుంబం వాళ్ళు ఆ నిశ్చితార్థాన్ని రద్దు చేసుకున్నారు. వాళ్ళనుండి నేను చాలా నిందలను ఎదుర్కొన్నాను. చివరికి నేను ప్రేమించిన అమ్మాయి కూడా నన్ను తప్పుగా అర్థం చేసుకొని నన్ను చాలా నిరాశకు గురిచేసింది. సమస్యను పరిష్కరించుకోవడానికి ఎంతగానో ప్రయత్నించినప్పటికీ నాకు కాలం కలిసి రాలేదు. ప్రాణంగా ప్రేమించిన అమ్మాయి దూరమవడంతో నేను పడ్డ బాధ, అనుభవించిన వ్యధ వర్ణనాతీతం. తను లేని బ్రతుకు భారంగా అనిపించి మనసులో ఏవేవో చెడు తలంపులు. అయినా నా తల్లిదండ్రులకోసం నా మనసును దృఢపరచుకున్నాను. అటువంటి పరిస్థితుల్లో స్నేహితులు, కుటుంబసభ్యుల సలహా మేరకు నేను జ్యోతిష్కుల వద్దకు వెళ్ళాను. ప్రేమించిన అమ్మాయిని వివాహం చేసుకోవడానికి వాళ్ళు చెప్పిన అనేక పూజలు, ఇతర కార్యక్రమాలు చేశాను. ఆ అవసరాలకోసం స్నేహితులు, బంధువులు, మరియు బ్యాంకు ద్వారా అప్పుగా 8 లక్షల రూపాయలు తీసుకున్నాను. నాకు కుజదోషం, కాలసర్పదోషం ఉన్నాయని చాలామంది చెప్పారు. మరికొంతమంది మేమంటే గిట్టనివారు మామీద క్షుద్రపూజలు చేశారని చెప్పారు. అందువలన నా కుటుంబంలో ఎవరికీ ఏమి కాకూడదని, ప్రేమించిన అమ్మాయితో వివాహమై మా ఇంట సంతోషం వెల్లివిరియాలని అంత డబ్బు ఖర్చు పెట్టాను. కానీ పరిస్థితిలో ఎటువంటి మార్పూ లేదు. దాంతో ఏమి చేసినా నా తలరాత మారడం లేదని నేను చాలా నిరాశకు గురయ్యాను.
ఇలా ఉండగా 2019, ఏప్రిల్ నెలలో ఒకరోజు మా మావయ్య నాతో బాబాను ప్రార్థించమని చెప్పారు. అప్పటినుండి నేను బాబాను నమ్మడం మొదలుపెట్టాను. 2019, మే నుండి సాయిసచ్చరిత్ర చదవడం మొదలుపెట్టాను. మహాపారాయణలో కూడా చేరాను. బాబా ఆశీర్వాదంతో ఒక మహాపారాయణ గ్రూపుకి టీచర్ని కూడా అయ్యాను. ఆ తరువాత నెమ్మదిగా నా జీవితంలో మార్పులు మొదలయ్యాయి. జ్యోతిష్యులు చెప్పింది నిజమో, కాదో తెలియకపోయినా మంచి జరుగుతుందన్న గుడ్డినమ్మకంతో తీసుకున్న అప్పులన్నీ బాబా ఆశీస్సులతో తీర్చగలిగాను. కేవలం బాబా కృపవలన ఈరోజు నాపై ఎటువంటి ఆర్థిక భారం లేదన్న నిశ్చింతతో సంతోషంగా ఉన్నాను. "బాబా! అంతపెద్ద భారాన్ని తొలగించిన మీకు కృతజ్ఞతలు తెలుపుకుంటున్నాను. జీవితంలో నాకున్న కోరికను నెరవేర్చమని మీ పాదాల వద్ద నా శిరస్సు ఉంచి వేడుకుంటున్నాను".
ఎన్ని చేసినా నా తలరాత మారలేదు. నా జీవితంలోకి ఆమె మళ్ళీ రాలేదు. ఇక రాదు కూడా. ఏ జన్మ పాపమో ఇప్పుడు అనుభవిస్తున్నాను. అయినా అన్నీ వదిలేసి బాబా, గురువుగారి మీద భారం వేసి బ్రతుకుతున్నాను. ప్రస్తుతం గురువుగారితో భక్తులు తమకు గల అనుభవాలు రోజూ పంచుకుంటుంటే వాటిని వింటూ కొంచెం కొంచెం ధైర్యం తెచ్చుకుంటున్నాను. బాబా కోరిన శ్రద్ధ, సబూరీలను అలవర్చుకోవడానికి ప్రయత్నిస్తున్నాను. నిజంగా బాబా లేకపోతే నేనేమైపోయేవాడినో నాకు తెలియదు. ఆయన నాకు అండగా ఉంటూ నన్ను నడిపిస్తున్నారు. "బాబా! మీకు చాలా చాలా ధన్యవాదాలు".
చివరిగా బాబా, గురువుగారిని అడిగేది ఒకటే - "నా మీద పడ్డ నిందలు తొలగిపోవాలి. వీలయితే ఆ అమ్మాయిని, నన్ను కలపండి. మీ కృప ఉంటే నా కోరిక నెరవేరవచ్చని, మీరు తలచుకుంటే నా తలరాత మరొచ్చునేమోనని చిన్న ఆశ. ఈ ఆశ కూడా ఒక భక్తుని అనుభవం విన్నపుడు కలిగింది. ఇక మీ దయ".
ప్రియమైన సాయిభక్తులకు నమస్కారం. నేను సాయిభక్తుడిని. కొన్ని కారణాల వలన నా పేరు తెలియజేయాలని అనుకోవడం లేదు. నేను మహాపారాయణ గ్రూపులో సభ్యుడిని. ఎమ్.పి 9425, సంకల్ప సాయి గ్రూపు క్లాస్ టీచర్ని. నేను నా అనుభవాన్ని తోటి భక్తులతో పంచుకోవాలని దీనిని వ్రాస్తున్నాను. నేను నా తల్లిదండ్రులననుసరించి దేవతలందరినీ ప్రార్థిస్తుండేవాడిని. 2018, డిసెంబరులో నేను ప్రేమించిన అమ్మాయితో నాకు నిశ్చితార్థం అయింది. అయితే నా చెడు కర్మ కారణంగా 2019, జనవరిలో అమ్మాయి కుటుంబం వాళ్ళు ఆ నిశ్చితార్థాన్ని రద్దు చేసుకున్నారు. వాళ్ళనుండి నేను చాలా నిందలను ఎదుర్కొన్నాను. చివరికి నేను ప్రేమించిన అమ్మాయి కూడా నన్ను తప్పుగా అర్థం చేసుకొని నన్ను చాలా నిరాశకు గురిచేసింది. సమస్యను పరిష్కరించుకోవడానికి ఎంతగానో ప్రయత్నించినప్పటికీ నాకు కాలం కలిసి రాలేదు. ప్రాణంగా ప్రేమించిన అమ్మాయి దూరమవడంతో నేను పడ్డ బాధ, అనుభవించిన వ్యధ వర్ణనాతీతం. తను లేని బ్రతుకు భారంగా అనిపించి మనసులో ఏవేవో చెడు తలంపులు. అయినా నా తల్లిదండ్రులకోసం నా మనసును దృఢపరచుకున్నాను. అటువంటి పరిస్థితుల్లో స్నేహితులు, కుటుంబసభ్యుల సలహా మేరకు నేను జ్యోతిష్కుల వద్దకు వెళ్ళాను. ప్రేమించిన అమ్మాయిని వివాహం చేసుకోవడానికి వాళ్ళు చెప్పిన అనేక పూజలు, ఇతర కార్యక్రమాలు చేశాను. ఆ అవసరాలకోసం స్నేహితులు, బంధువులు, మరియు బ్యాంకు ద్వారా అప్పుగా 8 లక్షల రూపాయలు తీసుకున్నాను. నాకు కుజదోషం, కాలసర్పదోషం ఉన్నాయని చాలామంది చెప్పారు. మరికొంతమంది మేమంటే గిట్టనివారు మామీద క్షుద్రపూజలు చేశారని చెప్పారు. అందువలన నా కుటుంబంలో ఎవరికీ ఏమి కాకూడదని, ప్రేమించిన అమ్మాయితో వివాహమై మా ఇంట సంతోషం వెల్లివిరియాలని అంత డబ్బు ఖర్చు పెట్టాను. కానీ పరిస్థితిలో ఎటువంటి మార్పూ లేదు. దాంతో ఏమి చేసినా నా తలరాత మారడం లేదని నేను చాలా నిరాశకు గురయ్యాను.
ఇలా ఉండగా 2019, ఏప్రిల్ నెలలో ఒకరోజు మా మావయ్య నాతో బాబాను ప్రార్థించమని చెప్పారు. అప్పటినుండి నేను బాబాను నమ్మడం మొదలుపెట్టాను. 2019, మే నుండి సాయిసచ్చరిత్ర చదవడం మొదలుపెట్టాను. మహాపారాయణలో కూడా చేరాను. బాబా ఆశీర్వాదంతో ఒక మహాపారాయణ గ్రూపుకి టీచర్ని కూడా అయ్యాను. ఆ తరువాత నెమ్మదిగా నా జీవితంలో మార్పులు మొదలయ్యాయి. జ్యోతిష్యులు చెప్పింది నిజమో, కాదో తెలియకపోయినా మంచి జరుగుతుందన్న గుడ్డినమ్మకంతో తీసుకున్న అప్పులన్నీ బాబా ఆశీస్సులతో తీర్చగలిగాను. కేవలం బాబా కృపవలన ఈరోజు నాపై ఎటువంటి ఆర్థిక భారం లేదన్న నిశ్చింతతో సంతోషంగా ఉన్నాను. "బాబా! అంతపెద్ద భారాన్ని తొలగించిన మీకు కృతజ్ఞతలు తెలుపుకుంటున్నాను. జీవితంలో నాకున్న కోరికను నెరవేర్చమని మీ పాదాల వద్ద నా శిరస్సు ఉంచి వేడుకుంటున్నాను".
ఎన్ని చేసినా నా తలరాత మారలేదు. నా జీవితంలోకి ఆమె మళ్ళీ రాలేదు. ఇక రాదు కూడా. ఏ జన్మ పాపమో ఇప్పుడు అనుభవిస్తున్నాను. అయినా అన్నీ వదిలేసి బాబా, గురువుగారి మీద భారం వేసి బ్రతుకుతున్నాను. ప్రస్తుతం గురువుగారితో భక్తులు తమకు గల అనుభవాలు రోజూ పంచుకుంటుంటే వాటిని వింటూ కొంచెం కొంచెం ధైర్యం తెచ్చుకుంటున్నాను. బాబా కోరిన శ్రద్ధ, సబూరీలను అలవర్చుకోవడానికి ప్రయత్నిస్తున్నాను. నిజంగా బాబా లేకపోతే నేనేమైపోయేవాడినో నాకు తెలియదు. ఆయన నాకు అండగా ఉంటూ నన్ను నడిపిస్తున్నారు. "బాబా! మీకు చాలా చాలా ధన్యవాదాలు".
చివరిగా బాబా, గురువుగారిని అడిగేది ఒకటే - "నా మీద పడ్డ నిందలు తొలగిపోవాలి. వీలయితే ఆ అమ్మాయిని, నన్ను కలపండి. మీ కృప ఉంటే నా కోరిక నెరవేరవచ్చని, మీరు తలచుకుంటే నా తలరాత మరొచ్చునేమోనని చిన్న ఆశ. ఈ ఆశ కూడా ఒక భక్తుని అనుభవం విన్నపుడు కలిగింది. ఇక మీ దయ".
ఊదీ మహిమ
సాయిబంధువులందరికీ నా నమస్కారాలు. నేను ఒక సాయిభక్తురాలిని. 2020, మే నెల మూడవ వారంలో హఠాత్తుగా మా అమ్మ కుడిచేయి పటుత్వం కోల్పోయింది. ఏ వస్తువు పట్టుకోవాలన్నా తన చేతకాలేదు. ఏ కష్టం వచ్చినా పిలిచినంతనే అండగా నిలిచే బాబాకి అమ్మ నమస్కరించుకుని ఊదీని చేతికి రాసుకుంది. నేను కూడా అమ్మకి నయమవ్వాలని బాబాను ప్రార్థించి, 'ఓం శ్రీసాయి ఆరోగ్యక్షేమదాయ నమః' అనే మంత్రాన్ని 108 సార్లు జపించాను. నాలుగైదుసార్లు ఊదీ రాసుకున్నాక బాబా కృపతో గుణం కనిపించింది. ఇప్పుడు అమ్మకి కాస్త బాగానే వుంది. త్వరలోనే అమ్మకి పూర్తిగా నయమయ్యేలా బాబా చేస్తారని ఆశిస్తున్నాను. "బాబా! మీకు ధన్యవాదాలు. నా తప్పులు ఏవైనా ఉంటే మన్నించండి".
సాయిబంధువులందరికీ నా నమస్కారాలు. నేను ఒక సాయిభక్తురాలిని. 2020, మే నెల మూడవ వారంలో హఠాత్తుగా మా అమ్మ కుడిచేయి పటుత్వం కోల్పోయింది. ఏ వస్తువు పట్టుకోవాలన్నా తన చేతకాలేదు. ఏ కష్టం వచ్చినా పిలిచినంతనే అండగా నిలిచే బాబాకి అమ్మ నమస్కరించుకుని ఊదీని చేతికి రాసుకుంది. నేను కూడా అమ్మకి నయమవ్వాలని బాబాను ప్రార్థించి, 'ఓం శ్రీసాయి ఆరోగ్యక్షేమదాయ నమః' అనే మంత్రాన్ని 108 సార్లు జపించాను. నాలుగైదుసార్లు ఊదీ రాసుకున్నాక బాబా కృపతో గుణం కనిపించింది. ఇప్పుడు అమ్మకి కాస్త బాగానే వుంది. త్వరలోనే అమ్మకి పూర్తిగా నయమయ్యేలా బాబా చేస్తారని ఆశిస్తున్నాను. "బాబా! మీకు ధన్యవాదాలు. నా తప్పులు ఏవైనా ఉంటే మన్నించండి".
