ఈ భాగంలో అనుభవాలు:
- బాబా మాకు బిడ్డను అనుగ్రహించారు
- ప్రార్థించినంతనే అమ్మకు స్వస్థత చేకూర్చిన సాయి
బాబా మాకు బిడ్డను అనుగ్రహించారు
సాయిభక్తురాలు చేతన తన అనుభవాన్ని ఇలా పంచుకుంటున్నారు:
ఓం సాయిరామ్! నేను చాలా సంవత్సరాలుగా బాబాకు చిన్న భక్తురాలిని. ఇది నా మొదటి అనుభవం. నాలుగు సంవత్సరాల క్రితం నేను సాయిభక్తుల బ్లాగ్ ద్వారా "నాకు సంతానం ప్రసాదించమ"ని సాయిని ప్రార్థించాను. నా తరఫున బాబాను ప్రార్థించిన తోటి సాయిభక్తులకు నా ధన్యవాదాలు. వాళ్ళందరి ప్రార్థనలు ఫలించి 34 సంవత్సరాల వయస్సులో నేను సాయి ఆశీస్సులతో ఒక ఆడపిల్లకు జన్మనిచ్చాను. ఆ అనుభవాన్ని నేనిప్పుడు మీతో పంచుకుంటాను.
మా అమ్మ అనారోగ్యం పాలై దాదాపు 9 సంవత్సరాలు మంచంపట్టింది. నేను రోజూ ఆమెకు బాబా ఊదీ రాస్తుండేదాన్ని. ఆ తొమ్మిదేళ్ళలో బాబా నాకు ఎంతగానో సహాయం చేశారు. నా వివాహమైన సంవత్సరం తరువాత ఆమె చనిపోయింది. అదే నాకు పెద్ద బాధయితే, గర్భం దాల్చడంలో కూడా నాకు సమస్యలు ఎదురయ్యాయి. నేను పూర్తిగా నిరాశకు లోనయ్యాను. ఆ సమయంలో బాబా భక్తులైన నా స్నేహితులు నేను ఆశను కోల్పోకుండా మనోధైర్యాన్నిచ్చారు. అప్పుడు నేను చాలా ఆలస్యంగా సప్తాహ పారాయణ, నవగురవార వ్రతం ప్రారంభించాను. తరువాత కూడా సంవత్సరం ఐదు నెలలు గడిచినా నేను గర్భం దాల్చలేదు. అయినప్పటికీ నేను డాక్టరును సంప్రదించడానికి ఇష్టపడలేదు. నా చుట్టూ ఉన్నవాళ్ళు ఇప్పటికే చాలా ఆలస్యం అయిందన్న కారణంతో నన్ను డాక్టర్ దగ్గరకు వెళ్ళమని ఒత్తిడి చేయసాగారు. అయినా కూడా నేను చలించలేదు. బాబానే నమ్ముకుని మళ్ళీ నవగురవార వ్రతం ప్రారంభించాను. 9వ వారం వచ్చాక నేను ఇంకా వ్రతం కొనసాగించాలని అనుకున్నాను. అయితే బాబా అద్భుతం చేశారు. నా నెలసరి ఐదురోజులు ఆలస్యం అయ్యింది. ఏడురోజుల తర్వాత గురువారంనాడు నేను గర్భధారణ పరీక్ష చేసుకున్నాను. ఆశ్చర్యం! ఫలితం సానుకూలంగా వచ్చింది. ఆనందంతో నా కళ్ళు కన్నీళ్ళతో నిండిపోయాయి. ఆ ఆనందపారవశ్యంలో బాబాకు చాలాసార్లు కృతజ్ఞతలు చెప్పుకున్నాను. బాబాకు తనకంటూ సమయాలుంటాయి. సమయం వచ్చినప్పుడు ఆయన తప్పక అనుగ్రహిస్తారు. కానీ మనకు శ్రద్ధ, సబూరీ అవసరం.
నేను చాలాసార్లు ఆశను కోల్పోయాను. కానీ నా బెస్ట్ ఫ్రెండ్స్ నన్ను ప్రోత్సహిస్తుండేవారు. వాళ్ళకి నా కృతజ్ఞతలు. ఇప్పుడు నా కుమార్తెకు ఎనిమిది నెలల వయస్సు. నా అనుభూతిని వ్యక్తం చేయడానికి పదాలు లేవు. గర్భం ధరించడంలో సమస్య ఉన్నవారికి నా మాట: “చింతించకండి. బాబా మీకు సరైన సమయంలో సంతానాన్ని అనుగ్రహిస్తారు". జీవన ప్రయాణంలో ప్రశాంతంగా ఉండటం చాలా అవసరం. ప్రశాంతంగా ఉండటాన్ని బాబా నాకు చాలాసార్లు నేర్పించారు. నేను అలా ఉండేందుకు ప్రయత్నిస్తున్నాను. సహనం అంటే చింతిస్తూ ఉండటం కాదు, ప్రశాంతంగా ఉండటం. నేటి ప్రపంచంలో మనం దాన్ని సాధారణంగా కోల్పోతూ ఉంటాము. సహనాన్ని కలిగి ఉండేలా నన్ను, మనందరినీ బాబా ఆశీర్వదించాలని కోరుకుంటున్నాను.
source:http://www.shirdisaibabaexperiences.org/2019/12/shirdi-sai-baba-miracles-part-2575.html
సాయిభక్తురాలు చేతన తన అనుభవాన్ని ఇలా పంచుకుంటున్నారు:
ఓం సాయిరామ్! నేను చాలా సంవత్సరాలుగా బాబాకు చిన్న భక్తురాలిని. ఇది నా మొదటి అనుభవం. నాలుగు సంవత్సరాల క్రితం నేను సాయిభక్తుల బ్లాగ్ ద్వారా "నాకు సంతానం ప్రసాదించమ"ని సాయిని ప్రార్థించాను. నా తరఫున బాబాను ప్రార్థించిన తోటి సాయిభక్తులకు నా ధన్యవాదాలు. వాళ్ళందరి ప్రార్థనలు ఫలించి 34 సంవత్సరాల వయస్సులో నేను సాయి ఆశీస్సులతో ఒక ఆడపిల్లకు జన్మనిచ్చాను. ఆ అనుభవాన్ని నేనిప్పుడు మీతో పంచుకుంటాను.
మా అమ్మ అనారోగ్యం పాలై దాదాపు 9 సంవత్సరాలు మంచంపట్టింది. నేను రోజూ ఆమెకు బాబా ఊదీ రాస్తుండేదాన్ని. ఆ తొమ్మిదేళ్ళలో బాబా నాకు ఎంతగానో సహాయం చేశారు. నా వివాహమైన సంవత్సరం తరువాత ఆమె చనిపోయింది. అదే నాకు పెద్ద బాధయితే, గర్భం దాల్చడంలో కూడా నాకు సమస్యలు ఎదురయ్యాయి. నేను పూర్తిగా నిరాశకు లోనయ్యాను. ఆ సమయంలో బాబా భక్తులైన నా స్నేహితులు నేను ఆశను కోల్పోకుండా మనోధైర్యాన్నిచ్చారు. అప్పుడు నేను చాలా ఆలస్యంగా సప్తాహ పారాయణ, నవగురవార వ్రతం ప్రారంభించాను. తరువాత కూడా సంవత్సరం ఐదు నెలలు గడిచినా నేను గర్భం దాల్చలేదు. అయినప్పటికీ నేను డాక్టరును సంప్రదించడానికి ఇష్టపడలేదు. నా చుట్టూ ఉన్నవాళ్ళు ఇప్పటికే చాలా ఆలస్యం అయిందన్న కారణంతో నన్ను డాక్టర్ దగ్గరకు వెళ్ళమని ఒత్తిడి చేయసాగారు. అయినా కూడా నేను చలించలేదు. బాబానే నమ్ముకుని మళ్ళీ నవగురవార వ్రతం ప్రారంభించాను. 9వ వారం వచ్చాక నేను ఇంకా వ్రతం కొనసాగించాలని అనుకున్నాను. అయితే బాబా అద్భుతం చేశారు. నా నెలసరి ఐదురోజులు ఆలస్యం అయ్యింది. ఏడురోజుల తర్వాత గురువారంనాడు నేను గర్భధారణ పరీక్ష చేసుకున్నాను. ఆశ్చర్యం! ఫలితం సానుకూలంగా వచ్చింది. ఆనందంతో నా కళ్ళు కన్నీళ్ళతో నిండిపోయాయి. ఆ ఆనందపారవశ్యంలో బాబాకు చాలాసార్లు కృతజ్ఞతలు చెప్పుకున్నాను. బాబాకు తనకంటూ సమయాలుంటాయి. సమయం వచ్చినప్పుడు ఆయన తప్పక అనుగ్రహిస్తారు. కానీ మనకు శ్రద్ధ, సబూరీ అవసరం.
నేను చాలాసార్లు ఆశను కోల్పోయాను. కానీ నా బెస్ట్ ఫ్రెండ్స్ నన్ను ప్రోత్సహిస్తుండేవారు. వాళ్ళకి నా కృతజ్ఞతలు. ఇప్పుడు నా కుమార్తెకు ఎనిమిది నెలల వయస్సు. నా అనుభూతిని వ్యక్తం చేయడానికి పదాలు లేవు. గర్భం ధరించడంలో సమస్య ఉన్నవారికి నా మాట: “చింతించకండి. బాబా మీకు సరైన సమయంలో సంతానాన్ని అనుగ్రహిస్తారు". జీవన ప్రయాణంలో ప్రశాంతంగా ఉండటం చాలా అవసరం. ప్రశాంతంగా ఉండటాన్ని బాబా నాకు చాలాసార్లు నేర్పించారు. నేను అలా ఉండేందుకు ప్రయత్నిస్తున్నాను. సహనం అంటే చింతిస్తూ ఉండటం కాదు, ప్రశాంతంగా ఉండటం. నేటి ప్రపంచంలో మనం దాన్ని సాధారణంగా కోల్పోతూ ఉంటాము. సహనాన్ని కలిగి ఉండేలా నన్ను, మనందరినీ బాబా ఆశీర్వదించాలని కోరుకుంటున్నాను.
source:http://www.shirdisaibabaexperiences.org/2019/12/shirdi-sai-baba-miracles-part-2575.html
ప్రార్థించినంతనే అమ్మకు స్వస్థత చేకూర్చిన సాయి
పేరు వెల్లడించని ఒక సాయి భక్తురాలు తన అనుభవాన్నిలా పంచుకుంటున్నారు:
ఓం శిరిడీనాథాయ నమః.
ముందుగా ఈ బ్లాగ్ నడిపిస్తున్నటువంటి సాయిబిడ్డలకు నమస్కరిస్తూ నా మొదటి అనుభవాన్ని సాటి సాయిబిడ్డలతో పంచుకుంటున్నాను.
నాకు అయిదు సంవత్సరాలు వయస్సున్నప్పుడే మా నాన్నగారు మరణించారు. నాన్న లేకపోయినా అన్నీ తానై అమ్మే నన్ను జాగ్రత్తగా చూసుకునేది. నేను ఆరవ తరగతి చదువుతున్నప్పటి నుండి సాయిభక్తురాలిని. తరచూ నా స్నేహితులతో కలిసి 5 కిలోమీటర్ల దూరంలో ఉన్న బాబా గుడికి నడిచి వెళ్ళేదాన్ని. బాబాను చూస్తుంటే ఎంతో సంతోషంగా, ఆనందంగా ఉండేది. కానీ బాబాని నేను ఎప్పుడూ ఏ కోరికలూ కోరేదాన్ని కాదు. కొన్ని సంవత్సరాల తరువాత నేను డిగ్రీ చదువుతుండగా మా అమ్మకి తీవ్రమైన జ్వరం వచ్చింది. తెలిసిన డాక్టరుని తీసుకొచ్చి ఇంట్లోనే ట్రీట్‌మెంట్ చేయించాము. కానీ ప్రయోజనం లేకపోయింది. జ్వరం ఏమాత్రం తగ్గలేదు. రెండు రోజులు అయింది, ఇంకా జ్వరం తగ్గలేదని పక్కవూర్లో వున్న హాస్పిటల్‌కి తీసుకెళ్ళాము. హాస్పిటల్లో రెండు రోజులున్నాము. అయినప్పటికీ అమ్మ పరిస్థితిలో ఏ మార్పూ కనిపించలేదు. ఆ సమయంలో చాలామందికి స్వైన్ ఫ్లూ జ్వరాలు వచ్చాయి. మామూలుగా మా అమ్మకి ఎప్పుడూ జ్వరం రాదు. అలాంటి తను నాలుగు రోజులుగా మంచంమీద నుండి లేవకుండా జ్వరంతో బాధపడుతుండేసరికి నాకు చాలా భయమేసింది. అప్పుడు నాకు ఎంతో ఇష్టమైన సాయిబాబాని తలచుకొని. “బాబా! నువ్వు నాయందు ఉంటే సాయంత్రానికల్లా అమ్మ జ్వరం తగ్గిపోవాలి, తను ఆరోగ్యంగా ఇంటికి వెళ్ళాలి” అని ప్రార్థించాను. వెంటనే బాబా నామీద, మా అమ్మమీద ఎంతో దయ చూపించారు. ఆ సాయంత్రానికల్లా అమ్మ జ్వరం పూర్తిగా తగ్గిపోయింది. ఎంతో సంతోషంతో బాబాకు మనసారా కృతజ్ఞతలు తెలుపుకున్నాను. ఇది నా మొదటి అనుభవం. తండ్రిలేని నేను బాబానే నా తండ్రిగా భావిస్తాను. నా బాధ, సంతోషం అన్నీ బాబాతోనే చెప్పుకుంటాను. ఆ సాయినాథుడు నేను కోరినవన్నీ ఇప్పటివరకు ఇచ్చారు. ఇకపై కూడా ఇస్తారన్న దృఢనమ్మకం బాబాపై నాకున్నది. బాబా అనుగ్రహం అందరికీ ఉండాలని, ఆయన తమ భక్తులు కోరుకొనే కోరికలు నెరవేర్చాలని, అందరూ సంతోషంగా ఉండాలని బాబాను కోరుకుంటున్నాను.
అఖిలాండకోటి బ్రహ్మాండనాయక రాజాధిరాజ యోగిరాజ పరబ్రహ్మ శ్రీ సచ్చిదానంద సద్గురు సాయినాథ్ మహరాజ్ కీ జై!
పేరు వెల్లడించని ఒక సాయి భక్తురాలు తన అనుభవాన్నిలా పంచుకుంటున్నారు:
ఓం శిరిడీనాథాయ నమః.
ముందుగా ఈ బ్లాగ్ నడిపిస్తున్నటువంటి సాయిబిడ్డలకు నమస్కరిస్తూ నా మొదటి అనుభవాన్ని సాటి సాయిబిడ్డలతో పంచుకుంటున్నాను.
నాకు అయిదు సంవత్సరాలు వయస్సున్నప్పుడే మా నాన్నగారు మరణించారు. నాన్న లేకపోయినా అన్నీ తానై అమ్మే నన్ను జాగ్రత్తగా చూసుకునేది. నేను ఆరవ తరగతి చదువుతున్నప్పటి నుండి సాయిభక్తురాలిని. తరచూ నా స్నేహితులతో కలిసి 5 కిలోమీటర్ల దూరంలో ఉన్న బాబా గుడికి నడిచి వెళ్ళేదాన్ని. బాబాను చూస్తుంటే ఎంతో సంతోషంగా, ఆనందంగా ఉండేది. కానీ బాబాని నేను ఎప్పుడూ ఏ కోరికలూ కోరేదాన్ని కాదు. కొన్ని సంవత్సరాల తరువాత నేను డిగ్రీ చదువుతుండగా మా అమ్మకి తీవ్రమైన జ్వరం వచ్చింది. తెలిసిన డాక్టరుని తీసుకొచ్చి ఇంట్లోనే ట్రీట్‌మెంట్ చేయించాము. కానీ ప్రయోజనం లేకపోయింది. జ్వరం ఏమాత్రం తగ్గలేదు. రెండు రోజులు అయింది, ఇంకా జ్వరం తగ్గలేదని పక్కవూర్లో వున్న హాస్పిటల్‌కి తీసుకెళ్ళాము. హాస్పిటల్లో రెండు రోజులున్నాము. అయినప్పటికీ అమ్మ పరిస్థితిలో ఏ మార్పూ కనిపించలేదు. ఆ సమయంలో చాలామందికి స్వైన్ ఫ్లూ జ్వరాలు వచ్చాయి. మామూలుగా మా అమ్మకి ఎప్పుడూ జ్వరం రాదు. అలాంటి తను నాలుగు రోజులుగా మంచంమీద నుండి లేవకుండా జ్వరంతో బాధపడుతుండేసరికి నాకు చాలా భయమేసింది. అప్పుడు నాకు ఎంతో ఇష్టమైన సాయిబాబాని తలచుకొని. “బాబా! నువ్వు నాయందు ఉంటే సాయంత్రానికల్లా అమ్మ జ్వరం తగ్గిపోవాలి, తను ఆరోగ్యంగా ఇంటికి వెళ్ళాలి” అని ప్రార్థించాను. వెంటనే బాబా నామీద, మా అమ్మమీద ఎంతో దయ చూపించారు. ఆ సాయంత్రానికల్లా అమ్మ జ్వరం పూర్తిగా తగ్గిపోయింది. ఎంతో సంతోషంతో బాబాకు మనసారా కృతజ్ఞతలు తెలుపుకున్నాను. ఇది నా మొదటి అనుభవం. తండ్రిలేని నేను బాబానే నా తండ్రిగా భావిస్తాను. నా బాధ, సంతోషం అన్నీ బాబాతోనే చెప్పుకుంటాను. ఆ సాయినాథుడు నేను కోరినవన్నీ ఇప్పటివరకు ఇచ్చారు. ఇకపై కూడా ఇస్తారన్న దృఢనమ్మకం బాబాపై నాకున్నది. బాబా అనుగ్రహం అందరికీ ఉండాలని, ఆయన తమ భక్తులు కోరుకొనే కోరికలు నెరవేర్చాలని, అందరూ సంతోషంగా ఉండాలని బాబాను కోరుకుంటున్నాను.
అఖిలాండకోటి బ్రహ్మాండనాయక రాజాధిరాజ యోగిరాజ పరబ్రహ్మ శ్రీ సచ్చిదానంద సద్గురు సాయినాథ్ మహరాజ్ కీ జై!
ప్రభో ఆశీర్వధించు...నా జీవితాన్ని ఉధ్ధరించు...
ReplyDeleteOm Sai Ram 🙏🌹🙏🌹
ReplyDelete