ఈ భాగంలో అనుభవం:
- సాయి దివ్యపూజ సమయంలో బాబా ప్రసాదించిన అనుభవాలు - మొదటి భాగం
సాయిభక్తురాలు శ్రీమతి సంధ్య తనకి బాబా ప్రసాదించిన అనుభవాలను మనతో పంచుకుంటున్నారు:
ఓం సద్గురవే నమః
ఓంసాయి శ్రీసాయి జయజయ సాయి
ఓం ప్రథమం సాయినాథాయ, ద్వితీయం ద్వారకామాయినే, తృతీయం తీర్థరాజాయ, చతుర్థం భక్తవత్సలే, పంచమం పరమాత్మాయ, షష్టంచ శిరిడివాసినే, సప్తమం సద్గురునాథాయ, అష్టమం అనాథనాథనే, నవమం నిరాడంబరాయ, దశమం దత్తావతారనే - ఏతాని దశనామాని త్రిసంధ్యం యః పఠేన్నిత్యం సర్వ కష్ట భయోన్ముక్తో సాయినాథ గురోకృపా!
‘సాయి మహారాజ్ సన్నిధి’ బ్లాగ్ నిర్వహిస్తున్న సాయికి, సాయిబంధువులకు నా నమస్కారాలు. శ్రీ శిరిడీ సాయినాథుని దివ్యపాదాలకు నమస్కరిస్తూ సాయి దివ్యపూజ సమయంలో బాబా ప్రసాదించిన అద్భుతలీలలను సాయిబంధువులతో పంచుకోబోతున్నాను.
మొదటి అనుభవం:
ప్రతి ఉదయం బాబా దర్శనాలతో మేల్కొనే నాకు 2020, జనవరి చివరివారంలో బ్రాహ్మీముహూర్తంలో బాబా దర్శనమిచ్చారు. అప్పుడు బాబా తమ నోటిలో తెల్లటి పొగ వంటి వాయువును బంధించి ఉన్నారు. ‘బాబా తమ నోటిలో తెల్లటి వాయువును ఎందుకు బంధించారా?’ అని ఆలోచించాను. నాకేం అర్థం కాలేదు. మరొకరోజు ‘రామరక్షాస్తోత్రం’ చదవమని బాబా సూచిస్తున్నట్లు దర్శనమైంది. “సాయీశ్వరుడు ఉండగా భయమెందుకు? అంతా ఆ సద్గురువే చూసుకుంటార”ని నిశ్చింతగా ఉండిపోయాను. ఆ తరువాత, నవగురువార వ్రతం చేసే నాకు సాయి దివ్యపూజ చేయాలని గాఢంగా అనిపించింది. ఐదు వారాలు పూజ చేయాలని సంకల్పించుకుని, కోరకనే సర్వం ప్రసాదిస్తున్న సాయీశ్వరునికి మనసారా సంతోషంగా కృతజ్ఞతలు తెలుపుకుని, కోరికలతో కాకుండా దివ్యపూజను బాబాకు ప్రేమతో చేయాలని 2020, ఫిబ్రవరి 27, గురువారంనాడు సాయి దివ్యపూజ ప్రారంభించాను. అయితే, దివ్యపూజలో ‘కోరికలు చెప్పుకొని ముడుపుకట్టాలి’ అని ఉంది. దాంతో, ‘నా తండ్రి సాయీశ్వరునికి కాక ఎవరికి చెప్పుకోను నా కోరికలను?’ అని అనుకుని, ఒక బిడ్డగా కొన్ని కోరికలను నా సాయితండ్రికి విన్నవించుకుని రెండు రూపాయలు ముడుపుకట్టాను. 108 నామాలతో, 108 పువ్వులతో పూజ చక్కగా, శ్రద్ధగా చేశాను. కిచిడీ తయారుచేసి బాబాకు నైవేద్యంగా సమర్పించుకున్నాను. హారతి పూర్తి కాగానే మనసుకు చాలా ప్రశాంతంగా అనిపించింది. ఆ ప్రశాంత మనస్సుతో బాబాను ధ్యానించాను. అద్భుతం! అపారప్రేమతో బాబా క్షణాల్లో నాకు ధ్యానస్థితిని కలిగించారు. ధ్యానంలో, పచ్చని పంటపొలాలు, ఆ పొలంలో రైతులు కనిపించారు. నేను ఆ రైతులను చూస్తున్నాను. వాళ్ళు నన్ను కోపంగా చూస్తున్నట్లుగా ఉన్నారు. సూర్యకిరణాల తీవ్రతకు వాళ్ళ మొహాలు అలా కనబడుతున్నాయేమోనే భ్రమతో నేను పొలంలోకి వెళ్ళాను. ఆ రైతులు పొలం సరిహద్దులగుండా వెళ్తున్నారు. ఆ రైతులను నేను గమనిస్తున్నాను. నేను చూస్తుండగానే ఆ రైతులలో ఒకరు తెల్లటి వస్త్రాలతో, భుజాన జోలెతో సాయిబాబాగా దర్శనమిచ్చారు. క్షణాలలో జాగ్రదావస్థలోకి వచ్చాను. నా మనసు చాలా ప్రశాంతంగా, తేలికగా ఉంది. ఆ పచ్చని పంటపొలాలు, రైతులు, సరిహద్దులు, బాబా ప్రత్యక్షమవడం చాలా స్పష్టంగా ఉంది. ఆ మధ్యాహ్నం భోజనం చేద్దామని కూర్చున్నాను. అప్పుడు, కిచిడీలో ఉప్పు వేయడం మరచిపోయానని గుర్తుకు వచ్చి, బాబాకు క్షమాపణలు చెప్పుకుని, మిగిలిన కిచిడీలో ఉప్పు వేసి బాబాకు నైవేద్యంగా సమర్పించి, హారతి ఇచ్చి, భోజనానికి కూర్చున్నాను. ధ్యానంలో నాకు బాబా పొలంలో ఉన్నట్టు దర్శనమిచ్చారని మావారితో చెప్పాను. ‘దాని అర్థం ఏమై ఉంటుందా?’ అని ఇద్దరం ఆలోచించాము, కానీ మాకు ఎంతకీ బోధపడలేదు. ఆ తరువాత కూడా ఆ విషయం గురించే ఆలోచించసాగాను. నేను కిచిడీలో ఉప్పు వేయడం మరచిపోయినా బాబా నా పూజను స్వీకరిస్తున్నారని, నేను కోరనివాటిని కూడా తాను చూసుకుంటానని చెబుతున్నట్లుగా అనిపించింది.
మేము కొంతకాలం క్రితం ఒక భూమిని కొనుక్కున్నాం. ఆ భూమిని మాకు అమ్మినవాళ్లు ఇటీవల ఫోన్ చేసి, "ఆ భూమి సర్వే నెంబర్, వేరొకరి సర్వే నెంబర్ ఒకటిగా ఉన్నందువలన రెండు మూడు రోజుల్లో భూమిని మళ్ళీ ఒకసారి సర్వే చేసి, సరిహద్దులు సరిగా ఉన్నాయో లేదో చూడాల"ని చెప్పారు. అయితే అసలు వాస్తవమేమిటంటే, మేము కొన్న భూమిని లాక్కొని, అదే సర్వే నెంబర్ మీద పనికిరాని వేరొక పొలాన్ని మాకు ఇవ్వాలనే దురుద్దేశ్యంతో వాళ్ళు ఫోన్ చేశారు. రాబోయే ఈ సమస్యనే నేను దివ్యపూజ ప్రారంభించిన రోజున బాబా నాకు ధ్యానంలో చూపించి, సరిహద్దులను చక్కగా చూపించారు. ముందుగానే సమస్యను పసిగట్టి మాలో ధైర్యాన్ని నింపే ప్రయత్నం చేశారు బాబా. అయితే వాళ్ళ దురుద్దేశ్యం తెలిసి మావారు కంగారుపడుతుంటే, “సద్గురువు సాయినాథుడు ఉండగా భయమెందుకు? అంతా బాబా చూసుకుంటారు” అని మావారికి ధైర్యం చెప్పాను. మేము పూర్తిగా బాబాపై విశ్వాసముంచాము. మేము విశ్వసించినట్లే బాబా దయతో మాకు రావాల్సిన భూమి మాకు వచ్చింది. దురుద్దేశ్యంతో మా భూమిని లాక్కోవాలని చూసి సర్వే జరిపించినప్పటికీ బాబా దయతో మునుపటి సరిహద్దుల కంటే ఇప్పుడు సరిహద్దులు చక్కగా ఉన్నాయి. ధ్యానంలో బాబా ఎక్కడెక్కడ సరిహద్దులు తిరిగారో అక్కడివరకు బాబా దయతో మాకు వచ్చింది. “మీకు నేనున్నాను” అని భూమి సరిహద్దులను కాపాడి బాబా మాకు న్యాయం చేశారు. "నా భక్తుల గృహకృత్యాదులలో కూడా సహాయం అందిస్తాను" అన్న బాబా మాటలు పొల్లుపోలేదు. "సర్వకాల సర్వావస్థలందు నేనున్నాను" అని బాబా అంటారు. అది నిజం! 'సాయిబాబా ఇప్పటికీ సజీవులే' అని నాకు మరోసారి దృఢవిశ్వాసం కలిగింది. “బాబా! మీరు అప్పుడూ ఇప్పుడూ సాకారంగా, నిరాకారంగా, నిశ్శబ్దంగా ఉంటూ భక్తులను కాపాడుతున్నారు” అని ఆనందాశ్రువులతో బాబాకు మనసారా నమస్కరించి కృతజ్ఞతలు తెలుపుకున్నాను. కానీ, కొంతభాగం భూమిని అన్యాయంగా సర్వే నెంబర్ ఆధారం చేసుకుని మరొకచోట చూపారు. అయితే సద్గురు సాయి అండగా ఉండగా మాకు న్యాయం జరుగుతుంది. బాబా ప్రణాళికలు అద్భుతం. వాటిని మనం ఊహించలేము. అందుకే సహనంగా ఉన్నాము. సాయి తన బిడ్డలను ఎన్నటికీ నష్టపోనివ్వరు. “బాబా! మీ పాదాలే శరణం”.
రెండవ అనుభవం:
ఒకరోజు సాయిబాబా నన్ను రామరక్షాస్తోత్రాన్ని పఠించమని సూచిస్తున్నట్లుగా మెలకువ సమయంలోనే నాకు గాఢంగా అనిపించింది. అప్పటికే ఒకసారి ‘రామరక్షాస్తోత్రం’ పఠించమని బాబా సూచిస్తున్నట్లు దర్శనమై ఉన్నందువలన దాన్ని పఠించాలని అనుకున్నాను. నియమం ప్రకారం ప్రతి గురువారం సాయి దివ్యపూజ చేస్తున్న ఆ సమయంలోనే వీలుచూసుకుని రాత్రి వేళల్లో రామరక్షాస్తోత్రాన్ని పఠించడం ప్రారంభించాను. శ్రీరామచంద్ర ప్రభువు దివ్యమంగళరూపాన్ని బుధకౌశికమహర్షి వర్ణిస్తూ, రామరక్షాస్తోత్రాన్ని చదివే భక్తుని శరీరభాగాలను రామచంద్ర ప్రభువు రక్షిస్తారని వర్ణించారు. ‘రామా, రామా’ అని ఘోషించడం సంసార బీజాలను వేయించేది, సమస్త సంపత్తులను ప్రాప్తింపజేసేది, యమదూతలను భయభీతులనొనర్చునదై ఉన్నది. శంకర భగవానుడు ‘రామా’ అనే నామంలోనే లయమై ఉంటానని పార్వతీదేవికి చెప్పే సందర్భంలో నేను ఆనందానికి లోనయ్యాను. రామరక్షాస్తోత్రాన్ని నన్ను చదవమని బోధించడం ద్వారా ‘బాబా నన్ను ఎంతలా కనిపెట్టుకొని ఉన్నారా!’ అని నా కళ్లలో ఆనందాశ్రువులు పొంగిపొర్లాయి. రామరక్షాస్తోత్రం చదవడం ప్రారంభించాక, నాకు హనుమాన్ ప్రభువు రామనామాన్ని జపిస్తూ దర్శనమిచ్చారు. మరోసారి ఉదయం మెలకువలోనే నాకు ఒక ఏనుగు కనిపించింది. ఆ ఏనుగు మూలాధార చక్రం (గుదస్థానం) నుండి నేను లోపలికి ప్రవేశించాను. లోపలంతా ఎర్రటి వర్ణంలో ఉంది. నేను వెళ్ళగా వెళ్లగా సహస్రారచక్రం వద్ద ధ్యానంలో కూర్చున్న ఆంజనేయస్వామి దర్శనమిచ్చారు.
మరికొన్ని అనుభవాలు రేపటి భాగంలో పంచుకుంటాను.
om sai ram this devotee is very lucky.she had sais darshan.she also saw hanuman in life
ReplyDeleteJai sairam 🙏
ReplyDeleteBaba kapadu thandri sainatha
ReplyDeleteOm Sai ram
ReplyDeleteఓం సద్గురవే నమః
ReplyDeleteఓంసాయి శ్రీసాయి జయజయ సాయి
Om Sairam
ReplyDeleteSai always be with me
Om sairam
ReplyDeleteOm Sai Ram 🙏🌹🙏
ReplyDeleteఓం శ్రీ సాయినాథాయ నమః 🙏
ఓం శ్రీ సాయి ఆరోగ్య క్షేమదాయ నమః🙏
⭐⭐🎆🌺🌺🙏🙏🙏🌺🌺🎆⭐⭐
ReplyDeleteఓం శ్రీ సాయి రామ్ ....
ReplyDelete