సాయి వచనం:-
'భగవంతుడే సర్వాధికారి. ఇతరులెవ్వరూ మనలను కాపాడువారు కాదు. భగవంతుని మార్గము అసామాన్యము. మిక్కిలి విలువైనది. కనుగొన వీలులేనిది. వారి ఇచ్ఛానుసారమే మనము నడిచెదము. చేసేవాడూ, చేయించేవాడూ అన్నీ ఆ దైవమే. ఆయన దయవుంటే దుర్లభమైన కార్యాలు కూడా సులభసాధ్యమౌతాయి. మన కోరికలను వారు నెరవేర్చెదరు, మనకు దారి చూపెదరు.'

'సాయిభక్తులకు శ్రీసాయినాథుడే దైవం, సాధన, మార్గం, గమ్యం' - శ్రీబాబూజీ.

డెంగ్యూ జ్వరం రాకుండా బాబా రక్షణగా నిలిచారు


షిర్డీ సాయిబాబా వాట్సప్ గ్రూపులోని సాయిబంధువు జగన్ గారి అనుభవం.

2017, సెప్టెంబర్ 17వ తేదీన బాబాగారు చూపిన ఒక లీలను సాయిబంధువులతో పంచుకోవాలనే కోరికతో ఈ అనుభవాన్ని మీకు తెలియజేస్తున్నాను.

17వ తేదీన మా చిన్న అమ్మాయికి తీవ్రమైన జ్వరం వచ్చింది. టెంపరేచర్ 103-104 డిగ్రీలు ఉంది. శరీరం ఎర్రగా కమిలిపోయినట్లు అయిపోయింది. మరుసటి రోజు హాస్పిటల్ కు తీసుకొని వెళ్ళాము. డాక్టర్ గారు మందులు ఇచ్చి, జ్వరం తగ్గకపోతే రెండు రోజుల తరువాత రమ్మన్నారు. మూడు రోజులు గడిచినా జ్వరం కాస్తయినా తగ్గలేదు.

20వ తేది అర్థరాత్రి బాబా ఫోటో ముందు కూర్చుని 30 నిమిషాలు సాయినామం చేసి, పాపకు జ్వరం తగ్గించమని బాబాని ప్రార్ధించాను. రాత్రి 12 గంటల 40 నిమషాల సమయంలో నా శరీరమంతా రోమాంచితమై ఆనందభాష్పాలు వచ్చాయి. అది బాబా అనుగ్రహమని తలచి బాబా పటం ముందు నిల్చున్నాను. మళ్ళీ అదే అనుభూతి కలుగసాగింది. మనస్సులో బాబా ఆజ్ఞగా స్ఫురించి బాబా విభూతిని మా అమ్మాయి శరీరానికి పూసి, నుదుటన పెట్టి, నోట్లో కొంచెం వేశాను. చిత్రంగా జ్వరం తగ్గటం ప్రారంభమైంది. కొద్ది క్షణాలలో 104 డిగ్రీల నుండి 100 డిగ్రీలకు వచ్చింది. తరువాత హాస్పిటల్ లో బ్లడ్ టెస్ట్ చేయిస్తే మాములు జ్వరం అని చెప్పారు. మా అమ్మాయి ఇప్పుడు ఆరోగ్యంగా ఉంది. కేవలం బాబా దయవల్ల మాత్రమే జ్వరం తగ్గింది. నిజానికి ఆ లక్షణాలు డెంగ్యూకు సంబంధించినవట. బాబాగారు రక్షణగా నిలిచారు.

జై సాయిబాబా!

2 comments:

  1. సాయినాథ మీకు ఇవి మా సాష్టాంగ దండ ప్రణామములు కరుణించి కాపాడు ఆశీర్వదించి షిరిడి సాయినాథ

    ReplyDelete

సాయి మహారాజ్ సన్నిధి సోషల్ మీడియా లింక్స్:

Subscribe Here

బ్లాగ్ అప్డేట్ నోటిఫికేషన్స్ నేరుగా మీ మెయిల్ కే వచ్చేందుకు క్రింద బాక్సులో మీ మెయిల్ ఐడి టైపు చేసి subscribe పై క్లిక్ చేసి, తరువాత స్టెప్స్ పూర్తీ చేయండి.

Delivered by FeedBurner

Followers


Blog Logo