సాయి వచనం:-
'నా భక్తుణ్ణి నేనే ఎన్నుకుంటాను.'

'మనస్సు వివిధ రూపాలు ధరించడం మాని ఒకే రూపం ధరించడం ద్వారా చైతన్యఘనత లేదా బ్రహ్మతథాకారవృత్తి సిద్ధిస్తుంది' - శ్రీబాబూజీ.

కదిలే ట్రైన్ నుండి పడిపోతున్న భక్తుని కాపాడిన బాబా


కదిలే ట్రైన్ నుండి పడిపోతున్న తనని బాబా ఎలా రక్షించారో శ్రీR.మెర్‌వాలా ఇలా చెప్తున్నారు...

నేను ముంబాయిలో వకీలుగా పనిచేసేవాడిని. నేను దేవీ, దేవుళ్ళను అంతగా నమ్మేవాణ్ణికాదు. కానీ నాకు సాయిబాబాపై నమ్మకం వుండేది. అది 1963వ సంవత్సరం. ఒకరోజు నేను లోకల్ ట్రైన్‌లో ప్రయాణం చేస్తున్నాను. ట్రైన్‌లో చాలా రద్దీగా ఉండటం వలన నేను ఎంట్రన్స్ దగ్గరే నిలబడి ఉన్నాను. లోపల అంతా తోపులాటగా ఉంది. అంతలో నేను రన్నింగ్ ట్రైన్ నుంచి క్రిందపడబోయాను.  ఆ సమయంలో వెంటనే నాకు బాబా గుర్తుకువచ్చి మనసులో బాబా స్మరణ చేసుకున్నాను. అంతే! ఎలా వచ్చారో, ఎక్కడ నుంచి వచ్చారో గానీ ఒక వృద్ధుడు వచ్చి ట్రైన్ ఆపడానికి ఉపయోగించే 'అలారం చెయిన్' పట్టుకొని లాగారు. ట్రైన్ ఆగిపోయింది. ఇంతలో ట్రైన్ స్టాఫ్ వెతుక్కుంటూ వచ్చి‌, 'చెయిన్ ఎవరు లాగార'ని అడిగారు. అందరూ ఆ వృద్ధుని కోసం చూశారు. కానీ ఆ వృద్ధుడు ఎవరికీ కనపడలేదు. అందరూ ఆశ్చర్యచకితులయ్యారు. నేను ఇంటికి వెళ్లి మావాళ్ళతో జరిగినదంతా చెప్పాను.

ఈ సంఘటన జరిగిన 11 సంవత్సరాల తరువాత మా అబ్బాయి ఒక సత్పురుషుడిని కలవడానికి 'చాలీస్‌గాఁవ్' అనే ఊరికి వెళ్ళాడు. ఆ సత్పురుషుడు, "ఏమి? నేను ఆరోజు మీ నాన్నను ట్రైన్ నుంచి పడబోతుంటే రక్షించలేదా?" అని అడిగారు. అంతే! అక్కడున్న అందరూ ఆశ్చర్యచకితులయ్యారు. దీనివలన, బాబా సర్వవ్యాపకుడు, జగదీశ్వరుడు అనీ, పిలిచిన వెంటనే సమయానికి వస్తారనీ, తన భక్తులను కంటికి రెప్పలా కాపాడుతారనీ స్పష్టమవుతుంది.

2 comments:

  1. Babaaa babaaaa baaaba🥲🥲🥲….. Ee August month last loga ma rendo adabidda Pelli kudurchu Sai… tandri.. kanniti tho vedukuntunna… neeku sathakoti Vandanalu 🙏

    ReplyDelete

సాయి మహారాజ్ సన్నిధి సోషల్ మీడియా లింక్స్:

Subscribe Here

బ్లాగ్ అప్డేట్ నోటిఫికేషన్స్ నేరుగా మీ మెయిల్ కే వచ్చేందుకు క్రింద బాక్సులో మీ మెయిల్ ఐడి టైపు చేసి subscribe పై క్లిక్ చేసి, తరువాత స్టెప్స్ పూర్తీ చేయండి.

Delivered by FeedBurner

Followers


Blog Logo