సాయిభక్తుల అనుభవమాలిక 729వ భాగం....

---

ఈ భాగంలో అనుభవాలు:

1. అడిగినంతనే బాబా చూపిన దయ
2. బాబా కృపతో దొరికిన బంగారు గొలుసు - చేకూరిన ఆరోగ్యం

3. కలలో ఇచ్చిన హామీని నిజం చేసిన బాబా

---

అడిగినంతనే బాబా చూపిన దయ

పేర్లు వెల్లడించని ఒక సాయి భక్తురాలు తనకి బాబా ప్రసాదించిన అనుభవాలను మనతో పంచుకుంటున్నారు:

అందరికీ నమస్కారం. బాబా నాకు ప్రసాదించిన రెండు అనుభవాలను మీతో పంచుకోవాలని అనుకుంటున్నాను. ఒకసారి ఆఫీసులో సెలవులు తీసుకుని మేము మా అమ్మావాళ్ళింటికి వెళ్ళాము. తిరిగి వచ్చేటప్పుడు ట్రైనులో రిజర్వేషన్ దొరకటం కష్టమైంది. చివరికి ఎలాగో రిజర్వేషన్ దొరికింది. అయితే, మేము ట్రైన్ దిగినరోజు రాష్ట్రబంద్ కారణంగా బస్సులు తిరగట్లేదని తెలిసింది. దాంతో ఇంటికి ఎలా చేరుకోవాలా అని చాలా భయమేసింది. రైల్వేస్టేషన్ నుంచి బయటికి వచ్చి బాబాను తలచుకున్నాను. వెంటనే నాకు బాబా మందిరం కనిపించింది. మనసులోనే బాబాకు నమస్కరించుకుని, “బాబా, ఎలాగైనా బస్సు దొరికేలా చూడండి” అని కోరుకున్నాను. బాబా దయవల్ల వెంటనే ఒక ప్రైవేట్ బస్సు దొరికింది. ఆ బస్సు ఎక్కి క్షేమంగా ఇంటికి చేరుకున్నాము. “థాంక్యూ సో మచ్ బాబా!”

మరొక అనుభవం:

నాకు నైట్ షిఫ్టులంటే అస్సలు నచ్చదు. కానీ ఉద్యోగ నిర్వహణలో భాగంగా నైట్ షిఫ్టులు తప్పదు కదా! ఒకరోజు నాకు నైట్ షిఫ్టుకి వెళ్ళటం అస్సలు ఇష్టంలేక, అక్కడ వర్క్ ఉండకపోతే బాగుండు అనుకుని, “బాబా! అక్కడ వర్క్ లేకుండా ఖాళీగా ఉండేలా చూడండి” అని బాబాను కోరుకున్నాను. నిజంగా బాబా అలానే చేశారు. అక్కడ చిన్న వర్క్ కూడా లేదు. అలాగే, ఒకసారి వర్కులో చిన్న సమస్య వచ్చినప్పుడు కూడా ఎలాంటి గొడవా జరగకుండా బాబా కాపాడారు. “థాంక్యూ సో మచ్ బాబా! ఎప్పుడూ నాకు తోడుగా ఉండండి బాబా!”

---

బాబా కృపతో దొరికిన బంగారు గొలుసు - చేకూరిన ఆరోగ్యం

సాయిభక్తురాలు సుమిత్ర తనకు ఇటీవల బాబా ప్రసాదించిన అనుభవాన్ని మనతో ఇలా పంచుకుంటున్నారు:

అందరికీ నమస్కారం. నా పేరు సుమిత్ర. ఈ బ్లాగు నిర్వహిస్తున్నవారికి నా అభినందనలు. ఈమధ్యకాలంలో మా అమ్మ బంగారు గొలుసు ఒకటి ఇంట్లో కనపడకుండా పోయింది. ఆ విషయమై అమ్మ దిగులుగా ఉంటుండేది. అప్పుడు నేను బాబాకు నమస్కరించుకుని, "బాబా! అమ్మ గొలుసు దొరికినట్లయితే సచ్చరిత్ర సప్తాహపారాయణ చేస్తాను. అలాగే నా అనుభవాన్ని తోటి సాయిబంధువులతో పంచుకుంటాను" అని చెప్పుకున్నాను. బాబా కృపవలన నాలుగు రోజుల తర్వాత మా ప్రక్కింటి వ్యక్తి ఆ గొలుసును పోలీస్ స్టేషన్లో మా అమ్మకు అప్పగించారు. "బాబా! మీరు చేసిన సహాయానికి చాలా చాలా ధన్యవాదములు".

మరొక అనుభవం:

ఈమధ్య నాకు ఆరోగ్యం బాగుండేది కాదు. అప్పుడు నేను, "బాబా! నాకు ఆరోగ్యాన్ని ప్రసాదించండి. మీ కృపతో నాకు ఆరోగ్యం చేకూరితే నా అనుభవాన్ని 'సాయి మహారాజ్ సన్నిధి' బ్లాగు ద్వారా తోటి సాయిబంధువులతో పంచుకుంటాను" అని మ్రొక్కుకున్నాను. బాబా నాపై దయచూపారు. ఇప్పుడు నా ఆరోగ్యం బాగుంది. "థాంక్యూ బాబా! మీ భక్తులందరికీ మంచి ఆరోగ్యాన్ని ప్రసాదించండి. తెలిసీ తెలియక ఏమైనా తప్పులు చేసివుంటే నన్ను క్షమించండి బాబా".

---

కలలో ఇచ్చిన హామీని నిజం చేసిన బాబా

ఒక అజ్ఞాత సాయిభక్తుడు తన అనుభవాన్నిలా పంచుకుంటున్నారు:

ఓం సాయిరామ్. నేను 2016 నుండి సాయి భక్తుడిని. సాయి నాకు చాలా అనుభవాలిచ్చారు, ఎన్నో విషయాలు నేర్పించారు. 2019-2020లో జరిగిన నా అనుభవాన్ని నేనిప్పుడు మీతో పంచుకోబోతున్నాను. ఇది నా హృదయాన్ని బాగా స్పృశించిన అనుభవం.

2019లో నేను ఇంజనీరింగ్ చివరి సంవత్సరంలో ఉన్నాను. నేను నా తల్లిదండ్రులపై ఇంకా ఆధార పడకూడదని అనుకున్నాను. అందువలన కాలేజీ విడిచిపెట్టే సమయానికి నా చేతిలో ఉద్యోగం ఉండాలని ఆశించాను. అయితే నేను సగటు విద్యార్థిని. పైగా మెకానికల్ ఇంజనీరింగ్ కి సంబంధించిన ఉద్యోగావకాశాలు 2019లో భారీగా పడిపోయాయి. ఒకరోజు నేను సమీపంలోని సాయి మందిరానికి వెళ్లి, "నా కాలేజీ చదువు పూర్తి అయ్యేలోపు నాకొక ఉద్యోగం ఇవ్వమ"ని ప్రార్థించాను. అదేరోజు రాత్రి నాకొక కల వచ్చింది. ఆ కలలో బాబా దర్శనమిచ్చి, "కాలేజీ విడిచిపెట్టే లోపు ఉద్యోగం ఇస్తాన"ని హామీ ఇచ్చారు. రోజులు గడిచిపోయాయి, 2020 జనవరి వచ్చింది. కాలేజీ క్యాంపస్ ఇంటర్వ్యూలలో ఏడు కంపెనీలలో ప్రయత్నించిన తర్వాత కూడా నాకు ఉద్యోగం రాలేదు. దాంతో నేను ఆశను కోల్పోయాను. 'ఆశలు ఆవిరైపోయిన చోట బాబా అద్భుతాలు చేస్తార'ని నేను విన్నాను. అదే నిజమైంది. ప్లేస్‌మెంట్‌లన్నీ ముగిసాయనుకున్న సమయంలో అకస్మాత్తుగా మరో ప్లేస్‌మెంట్ గురించి నోటిఫికేషన్ వచ్చింది. నేను ఎప్పటిలాగే ఆ ఇంటర్వ్యూకి హాజరు అయ్యాను. అయితే పర్సనల్ ఇంటర్వ్యూను నేను మునుపెన్నడూ లేనంత దారుణంగా చేశాను. ఆ ఉద్యోగానికి ఎంపిక అవుతానన్న ఆశ నాకు అస్సలు లేదు. బాబా ఇచ్చిన హామీ గురించి ఆలోచిస్తూ ఇంటికి వెళ్ళాను. నేను ఇంటికి చేరుకున్న మరు నిమిషంలో 'నేను ఆ ఉద్యోగానికి ఎంపిక అయ్యానని, వెంటనే ఆఫీసుకు రమ్మని' ఫోన్ వచ్చింది. అది చాలా ప్రఖ్యాత MNC సంస్థ. నా ఆనందానికి అవధుల్లేవు. నేను నేరుగా బాబా మందిరానికి వెళ్లి, ఆయన  పాదాల మీద పడ్డాను. మరుక్షణంలో నా తలపై ఒక పువ్వు పడింది. అలా బాబా నన్ను ఆశీర్వదించారు. ఆయన తన మాట నిలబెట్టుకోడానికి, తన భక్తుల సంక్షేమం కోసం ఏదైనా చేస్తారని నాకు అర్థమైంది. సాయికుటుంబంలోని సోదర, సోదరిమణులందరినీ బాబా మాటపై పూర్తి విశ్వాసంతో ఉండమని, ఎట్టి పరిస్థితిలోనూ అనుమానపడవద్దని కోరుకుంటున్నాను.

ఓం సాయిరాం!!!

Source : http://www.shirdisaibabaexperiences.org/2020/05/shirdi-sai-baba-miracles-part-2717.html

---