సాయిభక్తుల అనుభవమాలిక 632వ భాగం.....

---

ఈ భాగంలో అనుభవాలు:

1. బాబా ఎల్లప్పుడూ మన అన్ని అవసరాలను తీరుస్తారు
2. అందరికీ బాబానే రక్ష
3. మనం ప్రార్థిస్తాం - సాయిబాబా అనుగ్రహిస్తారు

---

బాబా ఎల్లప్పుడూ మన అన్ని అవసరాలను తీరుస్తారు

ఒక అజ్ఞాత సాయిభక్తుడు ఇటీవల బాబా తమకు ప్రసాదించిన ఒక అనుభవాన్ని మనతో పంచుకుంటున్నారు.

సాయిరామ్! ఈ బ్లాగ్ నిర్వాహకులకు చాలా కృతజ్ఞతలు. ఇది 'ఆధునిక సాయిసచ్చరిత్ర' అనిపిస్తుంది. ప్రతీ అనుభవం బాబాకు తన భక్తులపై ఉండే ప్రేమను తెలియజేస్తుంది. ఇక నా అనుభవంలోకి వస్తే...  ఇటీవల నేను ఒక అనుభవాన్ని పంచుకున్నాను. అందులో కరోనా కారణంగా మార్చి నుండి మా అబ్బాయి ఇంటినుండి పనిచేస్తున్నాడని చెప్పాను. ఇటీవల తన బాస్ తనను, తన సహచరులను వెంటనే బెంగళూరులోని కార్యాలయానికి రావాలని చెప్పారు. దాంతో మా అబ్బాయి బెంగళూరు వెళ్ళడానికి సమాయత్తమయ్యాడు. కానీ మా మరో అబ్బాయి వివాహం డిసెంబరు 9న ఉన్నందున నేను తనతో, "పెళ్లి చూసుకుని 9వ తేదీ తరువాత బెంగుళూరు వెళ్ళమ"ని చెప్పి, ఆ విషయమై తన బాస్ వద్ద అనుమతి తీసుకోమని కూడా చెప్పాను. తను అలాగే చేశాడు. కానీ, అతని బాస్ అనుమతినివ్వలేదు. అప్పుడు నేను బాబాను ప్రార్థించి, "అతను అనుమతిస్తే, నా అనుభవాన్ని బ్లాగులో పంచుకుంటాన"ని బాబాతో చెప్పుకున్నాను. ఆ తరువాత నేను మా అబ్బాయి బాస్‌కి మెసేజ్ చేశాను. వెంటనే అతను డిసెంబర్ 9 వరకు ఇంటినుండి పనిచేసేందుకు అనుమతించాడు. నేను ఆనందంగా బాబాకు కృతజ్ఞతలు తెలుపుకున్నాను. మనం శ్రద్ధ, సబూరీలతో బాబాపై విశ్వాసముంచాలి. విషయం చిన్నదైనా, పెద్దదైనా బాబా ఎల్లప్పుడూ మన అన్ని అవసరాలను తీరుస్తారు.

జయహో సాయి.

---

అందరికీ బాబానే రక్ష

ఓంసాయి శ్రీసాయి జయజయ సాయి!

సాయిబంధువులందరికీ నమస్కారం. నా పేరు లక్ష్మి. ముందుగా ఈ బ్లాగ్ నిర్వహిస్తున్న సాయికి ప్రత్యేకమైన ధన్యవాదాలు. బాబా నాకు ప్రసాదించిన కొన్ని అనుభవాలను ఇంతకుముందు మీతో పంచుకున్నాను. ఇప్పుడు మరొక అనుభవంతో మీ ముందుకు వచ్చాను.

ఈమధ్య మావారు బ్లడ్ టెస్ట్ కోసం బ్లడ్ శాంపిల్ ఇచ్చారు. రిపోర్టుల్లో అన్నీ నార్మల్ గానే వచ్చాయి గానీ, ప్లేట్లెట్ కౌంట్ కొంచెం తక్కువగా ఉందని వచ్చింది. నాకు భయం వేసి ఒకసారి డాక్టరుని కలవమని మావారితో చెప్పాను. సరేనని మావారు డాక్టరుని కలిశారు. డాక్టరు రిపోర్టు చూసి, "కంగారుపడకండి. ఒక వారం తర్వాత మళ్ళీ ఒకసారి బ్లడ్ టెస్ట్ చేయించుకోండి" అని అన్నారు. నాకు మాత్రం ఏదో ఆందోళనగా అనిపించి, రోజూ మన సమర్థ సద్గురు సాయినాథుని ప్రార్థిస్తూ, బాబా ఊదీని నీళ్లలో వేసి మావారికి ఇస్తుండేదాన్ని. వారం తర్వాత మావారు మళ్ళీ బ్లడ్ టెస్ట్ చేయించుకున్నారు. రిపోర్టు రెండు రోజుల తర్వాత వస్తుందని అన్నారు. నేను మన సాయితండ్రి మీదనే భారం వేసి, "ప్లేట్లెట్ కౌంట్ పెరగాలని, అలా జరిగితే ఈ అనుభవాన్ని బ్లాగులో పంచుకుంటాన"ని బాబాను ప్రార్థించాను. మన 'సుప్రీం గాడ్' సాయినాథుని దయవల్ల ప్లేట్లెట్ కౌంట్ పెరిగింది. ఆనందంగా బాబాకి కృతజ్ఞతలు చెప్పుకున్నాను. ఎప్పటికీ ఆయన దయ మన అందరిమీదా ఉండాలని బాబాను వేడుకుంటున్నాను. అడుగడుగునా తోడుగా ఉండి నడిపించే దైవం సాయి. అందరికీ ఆయనే రక్ష.

సాయినాథ్ మహరాజ్ కీ జై!

---

మనం ప్రార్థిస్తాం - సాయిబాబా అనుగ్రహిస్తారు

ఒక అజ్ఞాత సాయిభక్తురాలు తన అనుభవాన్నిలా పంచుకుంటున్నారు:

నేను సాయిభక్తురాలిని. కరోనా వైరస్ కారణంగా ప్రతి ఒక్కరూ చాలా కష్టతరమైన పరిస్థితులను ఎదుర్కుంటున్న ఈ సమయంలో బాబా నాకు ప్రసాదించిన ఒక అనుభవం బాబా బిడ్డలందరికీ ధైర్యాన్ని, విశ్వాసాన్ని చేకూరుస్తుందని నమ్ముతూ నేను నా అనుభవాన్ని మీతో పంచుకుంటున్నాను.

ఇటీవల ఒకరోజు రాత్రి హఠాత్తుగా మా అమ్మ జ్వరం, ఒంటినొప్పులతో అనారోగ్యానికి గురైంది. క్రమంగా జలుబు కూడా మొదలైంది. ఆమె ఈ విషయం మాతో చెప్పగా మేమంతా ఆందోళన చెందాం. మాములుగా అయితే సాధారణ సమస్యే. కాని ప్రస్తుత కరోనా దృష్ట్యా నేను చాలా భయపడి 'ఇది సాధారణమైన జ్వరమే అయి ఉండాల'ని అనుకున్నాను. మన చేతుల్లో ఏమీ లేనప్పుడు భారాన్ని బాబా చేతిలో పెట్టాలి. నేను అదే చేశాను. నేను సహాయాన్ని అర్థిస్తూ, "ఉదయానికల్లా అమ్మకి నయమయ్యేలా చేయమ"ని సాయిని ప్రార్థించి, నా భయాలు మరియు భారాన్ని ఆయనకి అప్పగించాను. అంతేకాకుండా అమ్మ కోలుకుంటే బాబాకు పూజచేసి, ఖిచిడీ తయారుచేసి నైవేద్యంగా పెట్టాలని కూడా అనుకున్నాను. ఇంకా ఈ కరోనా కఠిన సమయంలో భక్తులకు ధైర్యాన్ని చేకూరుస్తుందన్న ఉద్దేశ్యంతో నా అనుభవాన్ని బ్లాగులో పంచుకోవాలని కూడా అనుకున్నాను.

బాబా అద్భుత లీలను చూడండి! మరుసటిరోజు నేను లేచేసరికి అమ్మ పూర్తిగా కోలుకొని నాన్నకోసం కాఫీ తయారు చేస్తోంది. అలా అమ్మని చూడగానే సాయి సచ్చరిత్రలోని  శ్యామా సోదరుని భార్య అనారోగ్యం పాలుకావడం, మరుసటిరోజు శ్యామా ఆమెను చూడటానికి వెళ్లేసరికి ఆమె టీ తయారు చేస్తూ కనిపించే సాయిలీల నా మదిలో మెదిలింది. నేను సచ్చరిత్ర నిత్యం పఠిస్తూ, అప్పుడప్పుడు ఆ లీలలను అనుభూతి చెందుతూ ఆనాటి భక్తులెంత ధన్యులో అనుకుంటూ ఉంటాను. అలాంటిది అలాంటి అనుభవాన్నే బాబా నాకు ప్రసాదించి ఆనందంలో ముంచేశారు. కాబట్టి ప్రియమైన సాయి భక్తులారా! మన సాయిని విశ్వసించి మీ భారాన్ని ఆయన చేతుల్లో ఉంచి ప్రార్థించండి. మనం ప్రార్థిస్తాం - ఆయన అనుగ్రహిస్తారు. "బాబా! చాలా చాలా ధన్యవాదాలు".

source: http://www.shirdisaibabaexperiences.org/2020/05/shirdi-sai-baba-miracles-part-2735.html#experience2

---