- బాబాకు కృతజ్ఞతాపూర్వక ప్రార్థన
- సాయి కృపతో దొరికిన ఫోన్
- సచ్చరిత్ర పారాయణతో చేకూరిన ఆరోగ్యం
బాబాకు కృతజ్ఞతాపూర్వక ప్రార్థన
ఒక భక్తురాలు బాబా తనపై చూపిన ప్రేమకు ఆనందంగా బాబాకు కృతజ్ఞతాపూర్వక ప్రార్థన సమర్పించుకుంటున్నారు:
"ఓం సాయిరాం బాబా! మేము పడినటువంటి ఎన్నో కష్టాలనుంచి మీరే మమ్మల్ని బయటకి లాగారు. మా సమస్యల నుంచి మమ్మల్ని బయటకు లాగి తాత్కాలికంగా మాకంటూ ఒక మార్గం చూపించారు. ఇప్పుడు మేము ఇంత బాగున్నామంటే అది కేవలం మీ దయవల్లే. మీపై మాకు విశ్వాసాన్ని, ఓపికని కలుగచేసి, మా మనస్సుని మీ పాదాల చెంత పెట్టుకుని, ఎల్లవేళలా మాకు మీ ఆశీస్సులనిచ్చి, మాకు తోడుగా ఉండి, మీరు నిర్ణయించినటువంటి శాశ్వతమైన మరియు అద్భుతమైన జీవితాన్ని మాకు ప్రసాదించండి బాబా!
బాబా! నాకు 3 సంవత్సరాల నుండి దొరకనటువంటి ఉద్యోగం మీ దయవలన దొరికింది. నన్ను డిప్రెషన్ నుంచి బయటకు రప్పించి మామూలు స్థితికి తీసుకొచ్చారు. అలానే, అడగగానే మా అక్కకి ఉద్యోగం ఇచ్చారు. అన్నిటికంటే కరోనా లాక్డౌన్ సమయంలో మీరు మాపై చూపిన ప్రేమను నేను మరువలేను. కరోనా లాక్డౌన్ సమయంలో వృత్తిరీత్యా నేను తిరగని ప్రదేశం లేదు. అలాంటి పరిస్థితిలో కరోనా నుంచి కాపాడమని నేను మిమ్మల్ని ప్రార్థించినంతనే నన్ను దాని బారినుంచి కాపాడారు. ఇప్పుడు నేనిలా ఉన్నానంటే అది కేవలం మీ ప్రేమాశీస్సుల వల్లనే బాబా.
అలానే, ఇంటివలన ఇబ్బందిపడుతుంటే మీరు మాకు చక్కని అద్దె ఇంటిని ప్రసాదించారు. తల్లివైపు నుంచి, తండ్రివైపు నుంచి మాకు రావలసిన ఆస్తిని మాకు ఇప్పించి, మాకు స్వంతింటిని ప్రసాదించి, మా వ్యాపారం పునఃప్రారంభించేలా చేయండి బాబా! మా సిస్టర్స్ ఇద్దరికీ మంచి వ్యక్తులతో వివాహం జరిపించి వారికి మంచి జీవితాన్ని ప్రసాదించండి తండ్రీ!
నాకు మీపై పూర్తి నమ్మకముంది బాబా. మేము మా జీవితాంతం మీకు ఋణపడివుంటాము. ఎల్లవేళలా మా మనసులో మీ నామజపం చేసేలా ఆశీర్వదించండి తండ్రీ! మీరు మాకు చూపిన లీలలు మరువలేనివి తండ్రీ! మీరెంచిన బాటలో నన్ను నడిపించండి సాయిదేవా! మీకు శతకోటి వందనాలు బాబా!"
ఓం శ్రీ సాయి రక్షక శరణం దేవః
సాయి కృపతో దొరికిన ఫోన్
సాయిభక్తురాలు శిరీష ఇటీవల తనకు బాబా ప్రసాదించిన అనుభవాన్ని మనతో పంచుకుంటున్నారు.
సాయిరామ్! నా పేరు శిరీష. 2020, డిసెంబరు 21, సోమవారంనాడు బాబా నాకు ప్రసాదించిన ఒక చిన్న అనుభవాన్ని మీతో పంచుకోవాలనుకుంటున్నాను. ఆరోజు సాయంత్రం 8 గంటల 20 నిమిషాలకు నా ఫోన్ పోయింది. ఫోన్ పోయిన దానికన్నా దానిలో ఉన్న ఇన్ఫర్మేషన్ అంతా పోయిందని నాకు చాలా బాధగా అనిపించింది. అందులో కొన్ని సాయిబాబా ఫోటోలు, మెసేజెస్ సేవ్ చేసి పెట్టుకున్నాను. అంతేకాకుండా, నేను మహాపారాయణలో సభ్యురాలిని. ప్రతి గురువారంనాడు పారాయణ చేసి ఆ గ్రూపులో రిపోర్ట్ చేయాలి. కానీ నా ఫోన్ పోవటంతో, ఇప్పుడెలా రిపోర్టు చేయాలా అని దిగులు పట్టుకుంది. ఆ బాధలో నేను బాబాను తలచుకుని, "బాబా! నేను గురువారంనాడు నా పారాయణ పూర్తయినట్లు నా ఫోనులోనే రిపోర్టు చేయాలని అనుకుంటున్నాను. ఇక ఏం చేస్తారో మీ ఇష్టం" అని చెప్పుకుని, బాబాకు నమస్కరించుకుని ఫోన్ సంగతి ఆయనకే విడిచిపెట్టాను. బాబా చేసిన అద్భుతం చూడండి. కేవలం రెండు గంటల్లో, అంటే రాత్రి 10 గంటల 15 నిమిషాలకు దొంగ దొరకడం, నా ఫోన్ నాకు చేరడం జరిగింది. అది ఎలా జరిగిందనేది ఇక్కడ చెప్పడం భావ్యం కాదని వివరించడం లేదు. అంత తక్కువ సమయంలో పోయిన ఫోన్ దొరకడమంటే అది కేవలం సాయి కృపే! ఇంకో ముఖ్యవిషయం, ఫోన్ దొరకడానికి కొద్దిసేపటి ముందు బాబా తమ కృపకు సంకేతంగా నాకొక నిదర్శనాన్ని ఇచ్చారు. ఏ కారణం లేకుండానే నాకు చాలా ప్రశాంతంగా, సంతోషంగా అనిపించింది. "థాంక్యూ సో మచ్ బాబా!"
జై సాయిరాం! జై గురుదత్త!
ReplyDeleteBaba amma ki problem cure cheyi thandri
ReplyDeleteఅమ్మ ని స్తవన మంజలి చదవమనండి miracle mire chustaru
Deleteఓం అనంతకోటి బ్రహ్మండ నాయక రాజాధిరాజ యోగిరాజ పరబ్రహ్మ శ్రీ సచ్చిదానంద సద్గురు సాయినాథ్ మహారాజ్ కి జై
ReplyDeleteనా పేరు రాధిక నేను కూడా బాబా భక్తురాలిని. నా లైఫ్ మొత్తం బాబా miracles. నేను ఏడేస్తే మా ఇంటిలో వాళ్ళు పట్టించుకుంటారో లేదో నాకు తెలియదు గాని నేను ఎడిస్తే మాత్రం బాబా చూడలేరు.అయన నా పక్కనే వుంటారు.బాబా నా కూతురు రూపం లో పుట్టారు.ఆ పాప పేరు సాయి అక్షయ. తనకి 3 ఇయర్స్ గాని బాబా లాగానే ఉంటుంది నాకు తన. చెప్పాలి అంటే ఒకటా 2 లేదు నా ప్రతి మూమెంట్ బాబా ఇచ్చిన గిఫ్ట్.
ReplyDelete🌺🌼🙏🙏Om Sri Sairam 1🙏🙏🙏🌼🌺
ReplyDelete