పేరు వెల్లడించని ఒక సాయిసోదరి ఇలా చెప్తున్నారు.
సాయిబంధువులందరికీ సాయిరాం. నా జీవితంలో బాబా చాలా మిరాకిల్స్ చేసారు. వాటిలో ఒక అనుభవాన్ని "సాయి మహారాజ్ సన్నిధి" బ్లాగు ద్వారా మీతో పంచుకొనే అవకాశం ఇచ్చినందుకు బాబాకి నా పాదాభివందనాలు.
నేను మనసులో ఏ విషయం గురించైనా బాధపడితే చాలు, కొన్ని నిమిషాలలోనే బాబా ఏదోరకంగా నన్ను సంతోషపెడతారు. ఏదైనా కోరిక కోరిన వెంటనే కోరిన దానికన్నా పదిరెట్లు ఎక్కువ ఇస్తారు. లవ్ యూ బాబా! ఎప్పటికీ నన్ను ఒంటరిని చేయకు బాబా, నీ ఆశీస్సులు సదా నాపై ఉండనీ!
నా భర్త ఉద్యోగరీత్యా నేను, నా భర్త ఇండియా నుండి USA కి వెళ్ళాము. ఒక మూడునెలలు బాగానే గడిచాయి, తర్వాత నుండి మాకు కష్టాలు మొదలైనాయి. మావారు జాబ్ చేసే ప్రాజెక్ట్ వర్కులో ఏదో సమస్య ఉందని, మమ్మల్ని ఇండియాకి వెళ్లిపొమ్మని ఆఫీస్ వాళ్ళు చెప్పారు. ముందుగా చెప్పిన లాంగ్ టర్మ్ ప్రాజెక్ట్ రద్దయిందని చెప్పారు. ఆ ప్రాజెక్ట్ ఉంటుంది కాబట్టి కొన్ని నెలలు అక్కడే ఉండి జాబ్ చేస్తూ కొంత డబ్బు సంపాదించుకోవచ్చని మేము ఇండియాలో ఉన్నపుడే ప్లాన్ చేసుకున్నాం. కానీ, హఠాత్తుగా ఇండియాకి వెళ్లిపొమ్మని చెప్పేసరికి మా ఆశలన్నీ ఆవిరైపోయాయి. ఆఫీస్ నుండి ఆర్డర్ కనుక వాళ్ళు ఎలా చెప్తే అలా వినాలి. మాకు ఇక వేరే దారి లేదు. ఏం చేయలేని పరిస్థితిలో మనస్ఫూర్తిగా బాబాతో, "నీవు తప్ప ఆదుకునే వాళ్ళు ఎవరూ లేరు బాబా, నేను నిన్నే నమ్ముకున్నాను. ఏదో ఒకటి చేసి మాకు సహాయం చేయండి బాబా" అని మొర పెట్టుకున్నాను. కానీ బాబా నుండి నాకు ఎలాంటి సమాధానం రాలేదు. అయినప్పటికీ బాబాపై నమ్మకాన్ని మాత్రం కోల్పోలేదు. బాబా నిర్ణయం కూడా మేము ఇండియాకి వెళ్లిపోవాలనేనేమో అనుకొని టికెట్స్ బుక్ చేసాం. కానీ మాకు అస్సలు ఇష్టం లేదు. సామానులన్నీ సర్దుకున్నాం. ఫ్లైటు శనివారంనాడు ఉండగా శుక్రవారంనాడు బాబా మందిరానికి వెళ్లి బాబాకి వీడ్కోలు చెప్పి, "బాబా! ప్రతి గురువారం ఇక్కడున్న రోజుల్లో క్రమం తప్పకుండా నీ దర్శనానికి వచ్చాను. ఇక నాకు తెలిసి అమెరికాలో ఇదే చివరి దర్శనం. ఎందుకంటే నేను రేపు ఇండియాకి వెళ్ళిపోతున్నాను. నేను ఇక్కడ ఉంటూ డబ్బు సంపాదించుకోవడం నీకు కూడా ఇష్టం లేదుగా .... వెళ్లిపోతున్నాను బాబా, ఇష్టంగా మాత్రం కాదు. నేను ఇంత బాధపడుతుంటే మీరెలా చూస్తున్నారో నాకు అర్ధం కావడం లేదు బాబా. ఏదేమైనాగాని మీ నిర్ణయానికి నేను సదా సిద్ధంగా ఉంటాను. ఎందుకంటే నాకు ఏది శ్రేయస్కరమో నాకన్నా మీకే ఎక్కువ తెలుసుకదా బాబా!" అనుకుంటూ బరువైన గుండెతో గుడి నుండి ఇంటికి బయలుదేరాను. నా మనసంతా ఎంత భారంగా ఉందో చెప్పలేను. నా బాధను బాబా గుర్తించారేమో!... నేను ఇంటికి వెళ్లే లోపలే ఒక లీల జరిగింది. దానినే నేను ఇప్పుడు మీకు చెప్పబోతున్నాను.
మేము ఇంటికి వెళ్ళగానే మావారి ప్రాజెక్ట్ మేనేజర్ నుండి ఫోన్ వచ్చింది. అతను చెప్తూ ఉంటే మావారు 'సరే, సరే' అంటూ సమాధానం చెప్తూ ఫోను పెట్టేసారు. కొంతసేపటి వరకు తను మామూలు స్థితికి రాలేక, నాకు విషయం చెప్పడానికి కొంత సమయం తీసుకున్నారు. తన కళ్ళ నుండి నీళ్లు కారుతున్నాయి. ఇండియా వెళ్లాల్సి వస్తున్నందుకు తను బాధపడుతున్నారేమో అనుకున్నాను. తరువాత తను ఇలా చెప్తున్నారు. "బాబా కరుణ, ప్రేమ మన మీద సరిపడా ఉన్నాయి. మన జీవితంలో దేని గురించి మనం అస్సలు బాధపడకూడదు" అంటూ, "ప్రాజెక్ట్ మేనేజర్ ఏమన్నారో తెలుసా?" అతను ఫోన్ లో, "కొత్త ప్రాజెక్ట్ కన్ఫర్మ్ అయింది. నువ్వు ఈ ప్రాజెక్టులో జాయిన్ అవ్వాలి. ఈ ప్రాజెక్ట్ ఐదు నెలలు ఉండొచ్చు, అంతకన్నా ఎక్కువ నెలలు కూడా ఉండొచ్చు. కావున నీవు బుక్ చేసుకున్న టికెట్స్ రద్దు చేసుకొని రేపటి నుండి యధావిధిగా ఆఫీసుకి వచ్చి వర్క్ చేసుకోండ"ని చెప్పాడు" అని చెప్పారు. నిజంగా ఆ క్షణంలో బాబా నాకు ఇచ్చిన ఆనందాన్ని చెప్పడం నావల్ల కాదు, ఎంత చెప్పినా అది తక్కువే. బాబా చూపిన ప్రేమలో తడిసి ముద్దైపోయాము. మా సంతోషానికి అవధులులేవు. నేను ఆ క్షణంలో బాబా ముందు నిలబడి కృతజ్ఞతాపూర్వకంగా బాబాకి ధన్యవాదములు చెప్పడంలో నిమగ్నమయ్యాను. మావారు టికెట్ కాన్సిల్ చేయడంలో నిమగ్నమయ్యారు. బాబా! మీరిచ్చిన ఈ సంతోషాన్ని ఎప్పటికీ మర్చిపోలేను. "నా భక్తులకు శ్రేయస్కరమైనవే నేను ప్రసాదిస్తుంటాను" అన్న తన మాటలు మరోసారి నిరూపించుకున్నారు బాబా.
సాయిబంధువులందరికీ సాయిరాం. నా జీవితంలో బాబా చాలా మిరాకిల్స్ చేసారు. వాటిలో ఒక అనుభవాన్ని "సాయి మహారాజ్ సన్నిధి" బ్లాగు ద్వారా మీతో పంచుకొనే అవకాశం ఇచ్చినందుకు బాబాకి నా పాదాభివందనాలు.
నేను మనసులో ఏ విషయం గురించైనా బాధపడితే చాలు, కొన్ని నిమిషాలలోనే బాబా ఏదోరకంగా నన్ను సంతోషపెడతారు. ఏదైనా కోరిక కోరిన వెంటనే కోరిన దానికన్నా పదిరెట్లు ఎక్కువ ఇస్తారు. లవ్ యూ బాబా! ఎప్పటికీ నన్ను ఒంటరిని చేయకు బాబా, నీ ఆశీస్సులు సదా నాపై ఉండనీ!
నా భర్త ఉద్యోగరీత్యా నేను, నా భర్త ఇండియా నుండి USA కి వెళ్ళాము. ఒక మూడునెలలు బాగానే గడిచాయి, తర్వాత నుండి మాకు కష్టాలు మొదలైనాయి. మావారు జాబ్ చేసే ప్రాజెక్ట్ వర్కులో ఏదో సమస్య ఉందని, మమ్మల్ని ఇండియాకి వెళ్లిపొమ్మని ఆఫీస్ వాళ్ళు చెప్పారు. ముందుగా చెప్పిన లాంగ్ టర్మ్ ప్రాజెక్ట్ రద్దయిందని చెప్పారు. ఆ ప్రాజెక్ట్ ఉంటుంది కాబట్టి కొన్ని నెలలు అక్కడే ఉండి జాబ్ చేస్తూ కొంత డబ్బు సంపాదించుకోవచ్చని మేము ఇండియాలో ఉన్నపుడే ప్లాన్ చేసుకున్నాం. కానీ, హఠాత్తుగా ఇండియాకి వెళ్లిపొమ్మని చెప్పేసరికి మా ఆశలన్నీ ఆవిరైపోయాయి. ఆఫీస్ నుండి ఆర్డర్ కనుక వాళ్ళు ఎలా చెప్తే అలా వినాలి. మాకు ఇక వేరే దారి లేదు. ఏం చేయలేని పరిస్థితిలో మనస్ఫూర్తిగా బాబాతో, "నీవు తప్ప ఆదుకునే వాళ్ళు ఎవరూ లేరు బాబా, నేను నిన్నే నమ్ముకున్నాను. ఏదో ఒకటి చేసి మాకు సహాయం చేయండి బాబా" అని మొర పెట్టుకున్నాను. కానీ బాబా నుండి నాకు ఎలాంటి సమాధానం రాలేదు. అయినప్పటికీ బాబాపై నమ్మకాన్ని మాత్రం కోల్పోలేదు. బాబా నిర్ణయం కూడా మేము ఇండియాకి వెళ్లిపోవాలనేనేమో అనుకొని టికెట్స్ బుక్ చేసాం. కానీ మాకు అస్సలు ఇష్టం లేదు. సామానులన్నీ సర్దుకున్నాం. ఫ్లైటు శనివారంనాడు ఉండగా శుక్రవారంనాడు బాబా మందిరానికి వెళ్లి బాబాకి వీడ్కోలు చెప్పి, "బాబా! ప్రతి గురువారం ఇక్కడున్న రోజుల్లో క్రమం తప్పకుండా నీ దర్శనానికి వచ్చాను. ఇక నాకు తెలిసి అమెరికాలో ఇదే చివరి దర్శనం. ఎందుకంటే నేను రేపు ఇండియాకి వెళ్ళిపోతున్నాను. నేను ఇక్కడ ఉంటూ డబ్బు సంపాదించుకోవడం నీకు కూడా ఇష్టం లేదుగా .... వెళ్లిపోతున్నాను బాబా, ఇష్టంగా మాత్రం కాదు. నేను ఇంత బాధపడుతుంటే మీరెలా చూస్తున్నారో నాకు అర్ధం కావడం లేదు బాబా. ఏదేమైనాగాని మీ నిర్ణయానికి నేను సదా సిద్ధంగా ఉంటాను. ఎందుకంటే నాకు ఏది శ్రేయస్కరమో నాకన్నా మీకే ఎక్కువ తెలుసుకదా బాబా!" అనుకుంటూ బరువైన గుండెతో గుడి నుండి ఇంటికి బయలుదేరాను. నా మనసంతా ఎంత భారంగా ఉందో చెప్పలేను. నా బాధను బాబా గుర్తించారేమో!... నేను ఇంటికి వెళ్లే లోపలే ఒక లీల జరిగింది. దానినే నేను ఇప్పుడు మీకు చెప్పబోతున్నాను.
మేము ఇంటికి వెళ్ళగానే మావారి ప్రాజెక్ట్ మేనేజర్ నుండి ఫోన్ వచ్చింది. అతను చెప్తూ ఉంటే మావారు 'సరే, సరే' అంటూ సమాధానం చెప్తూ ఫోను పెట్టేసారు. కొంతసేపటి వరకు తను మామూలు స్థితికి రాలేక, నాకు విషయం చెప్పడానికి కొంత సమయం తీసుకున్నారు. తన కళ్ళ నుండి నీళ్లు కారుతున్నాయి. ఇండియా వెళ్లాల్సి వస్తున్నందుకు తను బాధపడుతున్నారేమో అనుకున్నాను. తరువాత తను ఇలా చెప్తున్నారు. "బాబా కరుణ, ప్రేమ మన మీద సరిపడా ఉన్నాయి. మన జీవితంలో దేని గురించి మనం అస్సలు బాధపడకూడదు" అంటూ, "ప్రాజెక్ట్ మేనేజర్ ఏమన్నారో తెలుసా?" అతను ఫోన్ లో, "కొత్త ప్రాజెక్ట్ కన్ఫర్మ్ అయింది. నువ్వు ఈ ప్రాజెక్టులో జాయిన్ అవ్వాలి. ఈ ప్రాజెక్ట్ ఐదు నెలలు ఉండొచ్చు, అంతకన్నా ఎక్కువ నెలలు కూడా ఉండొచ్చు. కావున నీవు బుక్ చేసుకున్న టికెట్స్ రద్దు చేసుకొని రేపటి నుండి యధావిధిగా ఆఫీసుకి వచ్చి వర్క్ చేసుకోండ"ని చెప్పాడు" అని చెప్పారు. నిజంగా ఆ క్షణంలో బాబా నాకు ఇచ్చిన ఆనందాన్ని చెప్పడం నావల్ల కాదు, ఎంత చెప్పినా అది తక్కువే. బాబా చూపిన ప్రేమలో తడిసి ముద్దైపోయాము. మా సంతోషానికి అవధులులేవు. నేను ఆ క్షణంలో బాబా ముందు నిలబడి కృతజ్ఞతాపూర్వకంగా బాబాకి ధన్యవాదములు చెప్పడంలో నిమగ్నమయ్యాను. మావారు టికెట్ కాన్సిల్ చేయడంలో నిమగ్నమయ్యారు. బాబా! మీరిచ్చిన ఈ సంతోషాన్ని ఎప్పటికీ మర్చిపోలేను. "నా భక్తులకు శ్రేయస్కరమైనవే నేను ప్రసాదిస్తుంటాను" అన్న తన మాటలు మరోసారి నిరూపించుకున్నారు బాబా.
🕉 sai Ram
ReplyDelete