సాయి వచనం:-

- శ్రీబాబూజీ.

సాయిభక్తుల అనుభవమాలిక 1029వ భాగం....


ఈ భాగంలో అనుభవాలు:

1. బాబా తన భక్తులను బాధపడనీయరు
2. సాయితండ్రిని నమ్ముకుంటే, ఎదైనా సుసాధ్యం చేస్తారనడానికి దొరికిన నిదర్శనం
3. దయతో జ్వరం తగ్గించిన బాబా

బాబా తన భక్తులను బాధపడనీయరు


సాయిబంధువులందరికీ నమస్కారం. ఈ బ్లాగ్ నిర్వహిస్తున్న వారికి ధన్యవాదాలు. ఈ మధ్య మేము మా చుట్టాల పెళ్లికి వెళ్ళాము. ఆ పెళ్లి నుండి ఇంటికి వచ్చాక మా తమ్ముడు మామూలుగా తన ఆఫీసు వర్క్ చేసుకున్నాడు. మరుసటిరోజు ఉదయం తమ్ముడు చూసుకుంటే, తన గోల్డ్ చైన్ కనిపించలేదు. ఇక తనకి టెన్షన్ మొదలై చైన్ కోసం అంతటా వెతకడం మొదలుపెట్టాడు. కానీ చైన్ దొరకలేదు. అప్పుడు నాకు కాల్ చేసి, విషయం చెప్పాడు. నేను తనతో, "దొరుకుతుందిలే బాధపడకు" అని చెప్పాను. తర్వాత నేను, 'శ్రీసాయి సూక్ష్మాయ నమః' అని అనుకుని, "తండ్రీ, చైన్ దొరికితే నా అనుభవం సాయిభక్తులతో పంచుకుంటాను" అని బాబాతో చెప్పుకున్నాను. అరగంట తర్వాత మా తమ్ముడు నాకు కాల్ చేసి, "చైన్ దొరికింది" అని చెప్పి ఊపిరిపీల్చుకున్నాడు. అసలు వియమేమిటంటే, చైన్ లెట్రిన్‍లో దొరికింది. నిజానికి అంతకుముందు వాష్ రూం అంతటా వెతికారుకానీ, చైన్ దొరకలేదు. చివరికి లెట్రిన్ కుండిలో చూస్తే అందులో కనపడింది. ఇది సాక్షాత్తు బాబా లీల. ఆయన నిజంగా మిరాకిల్ చేసారు. అలాగే మేము పెళ్లి నుండి వచ్చాక, "బాబా! మేము పెళ్లికి వెళ్ళొచ్చాము. మాకు ఎటువంటి ఆరోగ్య సమస్య రాకుండా చూడండి" అని వేడుకున్నాము. బాబా దయవల్ల మాకు ఎటువంటి జ్వరాలు రాలేదు. బాబా తన భక్తులను బాధపడనీయరు. "బాబా! శతకోటి నమస్కారాలు తండ్రి సాయినాథా".


మరొక చిన్న అనుభవం: మా చిన్నబాబు ఒకరోజు స్కూలు నుంచి జ్వరంతో వచ్చాడు. చూస్తే, 102.5 డిగ్రీల జ్వరం ఉంది. మాకు చాలా భయమేసి, "కరోనా కాకూడదు తండ్రి. అది మామూలు జ్వరమే అయుండాలి" అని బాబాతో చెప్పుకున్నాను. బాబా దయవల్ల రెండు రోజులకి టెంపరేచర్ నార్మల్ అయింది. "థాంక్యూ బాబా. నేను అనుభవిస్తున్న ఒక ఆరోగ్యసమస్య నుంచి నన్ను తొందరగా బయటపడేయండి. అలాగే మా అమ్మ ఆరోగ్య సమస్యను కూడా తీర్చు తండ్రి సాయినాథా".


సర్వం శ్రీసాయినాథార్పణమస్తు!!!

అఖిలాండకోటి బ్రహ్మాండనాయక రాజాధిరాజ యోగిరాజ పరబ్రహ్మ శ్రీసచ్చిదానంద సమర్థ సద్గురు సాయినాథ్ మహరాజ్ కి జై!!!


సాయితండ్రిని నమ్ముకుంటే, ఎదైనా సుసాధ్యం చేస్తారనడానికి దొరికిన నిదర్శనం


సాయికుటుంబీలకు నా నమస్కారాలు. ముందుగా బాబా మనకి ప్రసాదించిన అనుభవాలను తోటి భక్తులతో పంచుకునే అవకాశం కల్పిస్తున్న 'సాయి మహారాజ్ సన్నిధి' బ్లాగు నిర్వాహకులకు నా ధన్యవాదాలు. నా పేరు కిషోర్. నేను ఒక ప్రైవేట్ విశ్వవిద్యాలయంలో అసిస్టెంట్ ప్రొఫెసరుగా పని చేస్తున్నాను. మా పైఅధికారులు మమ్మల్ని రీసెర్చ్ ఆర్టికల్స్ పబ్లిష్ చేయాలని, లేనియెడల జీతంలో కొంచెం కోత విధిస్తామని ఒత్తిడి ప్రారంభించారు. నా క్యాడరులో ఉన్నవాళ్ళు సంవత్సరంలో కనీసం రెండు ఆర్టికల్స్ ప్రచురించాలి. నిజానికి రీసెర్చ్ ఆర్టికల్స్ ప్రచురించడం కష్టంతో కూడుకున్న పని అయినప్పటికీ ఆ సాయినాథుని కృపవలన గత నాలుగు సంవత్సరాలుగా నేను వాటిని పబ్లిష్ చేస్తూ వచ్చాను. ఈ సంవత్సరంలో కూడా జూలై నాటికి నేను రెండు రీసెర్చ్ ఆర్టికల్స్ పబ్లిష్ చేసాను. అదృష్టం కొద్దీ 2021, ఆగస్టు 3న మరొక (మూడవ) ఆర్టికల్‍ని ఒక జర్నల్ వారు (సైంటిఫిక్ పత్రికవారు) ప్రచురిస్తామని ఆమోదం తెలిపారు. నాకు ఒక పక్క ఆనందం, మరోపక్క బాధ కలిగాయి. ఎందుకంటే, ఈ సంవత్సరానికి లక్ష్యం అయిన రెండు ఆర్టికల్స్ ని పబ్లిష్ చేయడం పూర్తి చేసాను. మూడవది కూడా ఈ సంవత్సరంలోనే రావడం వల్ల నాకు ఉపయోగం లేదు. అందుకని నేను బాబాను, "2021, ఆగస్టు 3న ప్రచురణకు ఆమోదం పొందిన ఆర్టికల్‍ని 2022, జనవరిలో పబ్లిష్ అయ్యేలా అంటే 5 నెలలు ఆగి ప్రచురింపబడేలా అనుగ్రహించండి బాబా. అలా జరిగితే నాకు వచ్చే సంవత్సరంలో శ్రమ తగ్గుతుంద"ని దీనంగా బాబాను వేడుకున్నాను. తరువాత సాయి నామస్మరణ చేస్తూ ఉండేవాడిని. మనసులో మాత్రం నా ఆర్టికల్ పబ్లిష్ అయిపోతుందేమోనని ఒకటే ఉత్కంఠగా ఉండేది. కనీసం 5-6సార్లు సంబంధిత జర్నల్ వెబ్సైటు చూడని రోజు ఉండేదికాదు. అలా నేను పడ్డ ఆందోళన మాటల్లో చెప్పలేనిది. అలా నెలలు గడుస్తు వస్తుండగా 2021, డిసెంబర్ 3న నా రీసెర్చ్ ఆర్టికల్‍ని 2022, జనవరిలో పబ్లిష్ చేస్తామని వెబ్సైట్లో పెట్టారు. అది చూసిన నా ఆనందానికి మాటలు లేవు. సాయితండ్రిని నమ్ముకుంటే, ఎదైనా సుసాధ్యం చేస్తారని నమ్మడానికి మరో నిదర్శనం నాకు లభించింది. "ధన్యవాదాలు బాబా. ఇలాగే ప్రతీ ఒక్కరి కష్టాలను తీర్చండి తండ్రి".


దయతో జ్వరం తగ్గించిన బాబా


శ్రీసాయి దివ్య పాదపద్మములకు నా శతకోటి వందనాలు. ఈ బ్లాగు నిర్వహిస్తున్న సాయికి దన్యవాదాలు. నాపేరు అర్చన. 2021, నవంబరు 28న నా భర్తకు చాలా విపరీతంగా జ్వరం వచ్చింది. ఆ సమయంలో నేను, మా పాప మా అమ్మ వాళ్ళింట్లో ఉన్నాము. మొదట మావారు మేము కంగారు పడతామని తనకు జ్వరమన్న విషయం మాకు చెప్పలేదు. నేను ఆ రాత్రి కాల్ చేస్తే మావారు, "లైటుగా జ్వరం ఉంది, మందులు వేసుకున్నాను" అని మాత్రం చెప్పారు. అప్పుడు నేను బాబాకి నమస్కరించుకుని కొద్దిగా ఊదీ నా నోటిలో వేసుకున్నాను. మరుసటిరోజు నేను కాల్ చేస్తే, తనకి నార్మల్‍గా ఉందని మావారు చెప్పారు. కానీ రాత్రయితే ఆయనకి తీవ్రంగా జ్వరం వచ్చి వివరితంగా కలవరించేవారు. ఇక్కడ నాకు చాలా భయమేసి బాబాను చాలా ఆర్తిగా ప్రార్ధించి, "మావారికి జ్వరం తగ్గితే, బ్లాగులో పంచుకుంటాన"ని బాబాకు మాట ఇచ్చాను. డిసెంబరు 5న జ్వరం పూర్తిగా తగ్గి మావారు నార్మల్ అయ్యారు. అంతా బాబా దయ. "ధన్యవాదాలు బాబా. నాకు రావలసిన డబ్బులు త్వరగా వచ్చేలా చూడు స్వామి. మీ మీద పూర్తి నమ్మకం, విశ్వాసంతో ఉన్నాను".



13 comments:

  1. Omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam omsairam

    ReplyDelete
  2. Omsairam me daya krupa chupinchu thandri

    ReplyDelete
  3. Om Sri Samartha Sadguru Sachidananda Sainath Maharaj Ki Jai ��������

    ReplyDelete
  4. Om Sai Ram baba all your Leelas are very nice.you saves everyone.That is your love and affection.without you there is no world.om Sai Ram ❤️❤️❤️

    ReplyDelete
  5. Namameeswaram Sadgurum Sainatham.🔥🔥🔥🌼🌼🌼💐💐💐🌺🌺🌺🌹🌹🌹🙏🙏🙏

    ReplyDelete
  6. Jaisairam bless amma for her eye operation recovery and bless me for my health and wealth of happiness and happiness in the world of yours. Jaisairam

    ReplyDelete
  7. Om Sairam
    Sai Always be with me

    ReplyDelete
  8. OM SRI SACHIDANAMDA SAMARDHA SATHGURU SAINATH MAHARAJ KI JAI...OM SAI RAM

    ReplyDelete
  9. Om Sree Sachidhanandha Samardha Sadguru Sai Nadhaya Namaha 🕉🙏😊❤😃🌺🤗🌼🥰🌸😀🌹👪💕

    ReplyDelete
  10. OM SRI SACHIDANAMDA SAMARDHA SATHGURU SAINATH MAHARAJ KI JAI...OM SAI RAM

    ReplyDelete

సాయి మహారాజ్ సన్నిధి సోషల్ మీడియా లింక్స్:

Subscribe Here

బ్లాగ్ అప్డేట్ నోటిఫికేషన్స్ నేరుగా మీ మెయిల్ కే వచ్చేందుకు క్రింద బాక్సులో మీ మెయిల్ ఐడి టైపు చేసి subscribe పై క్లిక్ చేసి, తరువాత స్టెప్స్ పూర్తీ చేయండి.

Delivered by FeedBurner

Followers

Recent Posts


Blog Logo