- బాబా చాలా సహాయం చేశారు
- బాబా లీలలు అలానే ఉంటాయి
బాబా చాలా సహాయం చేశారు
కొప్పోలు నుండి సాయిభక్తుడు శ్రీకాంత్ తన తండ్రి ఆరోగ్యం విషయంలో బాబా ప్రసాదించిన అనుభవాన్ని మనతో పంచుకుంటున్నారు.
ముందుగా ఈ బ్లాగుని నిర్వహిస్తున్న సాయికి, మరియు ఇందులోని బాబా లీలలను చదువుతున్న తోటి సాయిభక్తులకు నా ధన్యవాదాలు. నా పేరు శ్రీకాంత్. మాది ఒంగోలు దగ్గర కొప్పోలు గ్రామం. నేను ఇంతకుముందు బాబా నాకు ప్రసాదించిన ఎన్నో అనుభవాలను ఈ బ్లాగ్ ద్వారా మీతో పంచుకున్నాను. వాటిలో క్రొత్త ఇంటి నిర్మాణానికి సంబంధించిన అనుభవం కూడా ఉంది. ఇంటికి గుణార్ధన (శంకుస్థాపన) సమయంలో కోరుకోగానే వర్షాన్ని ఆపి ఎటువంటి ఆటంకాలు లేకుండా మా భూమిపూజ చక్కగా జరిగేలా బాబా అనుగ్రహించారు. ఆ ఇంటి గృహప్రవేశం, నాన్న ఆరోగ్యానికి సంబంధించిన అనుభవాన్ని నేనిప్పుడు మీతో పంచుకుంటాను.
ముందుగా మా నాన్నగారి ఆరోగ్యం గురించి చెప్పాలి. 2020, అక్టోబరు 6వ తేదీన మా నాన్నగారికి తీవ్రమైన తలనొప్పితో పాటు లో-ఫీవర్ కూడా వచ్చింది. ఇప్పుడున్న పరిస్థితుల్లో తనకు కరోనా సోకిందేమోనని చాలా భయపడ్డాము. అప్పటికప్పుడు నాన్నగారిని మా ఊరిలో ఉన్న ఆర్.ఎం.పి. డాక్టరుకి చూపించాము. ఆయన మా నాన్నగారిని పరీక్షించి, “కాలికి బాగా ఇన్ఫెక్షన్ వచ్చింది, అందువల్లనే ఇలా జ్వరం వస్తోంది” అన్నారు. మా నాన్నగారిని అడిగితే, “ఆ గాయం ఎప్పుడో తగిలింది, అది చిన్నదే అనుకున్నాను” అన్నారు. అలా చిన్నది అనుకున్న గాయం వల్లనే ఇన్ఫెక్షన్ బాగా ఎక్కువైంది. ఇంక ఆరోజు మా నాన్నగారిని ఒక హాస్పిటల్కి తీసుకెళ్ళాను. అక్కడ డాక్టర్ అన్ని పరీక్షలు చేసి, “ఇన్ఫెక్షన్ ఎక్కువగా ఉంది, ఇంకా కొన్నిరోజులు ఆలస్యమైతే కాలు అంతవరకు తీసేయాల్సి వచ్చేది” అని చెప్పి హాస్పిటల్లో జాయిన్ చేసుకున్నారు. సర్జరీ చేసే సమయానికి నాన్నగారికి శ్వాస తీసుకోవడంలో ఇబ్బంది ఎదురై, ఆక్సిజన్ లెవెల్స్ బాగా పడిపోవటం ప్రారంభమైంది. “ఈ పరిస్థితిలో ఇక్కడ సర్జరీ చేయటం చాలా కష్టం. పెద్ద హాస్పిటల్స్లో ఎక్కువ మిషనరీ ఉంటుంది, మీ నాన్నగారిని అక్కడికి తీసుకువెళ్ళండి” అన్నారు డాక్టర్లు. అందువల్ల అప్పటికప్పుడు నాన్నగారిని కిమ్స్ హాస్పిటల్కి తీసుకువెళ్ళాము. అక్కడ అన్ని పరీక్షలు చేసి సర్జరీ చేయడానికి సిద్ధమయ్యారు. ఇక్కడా అదే సమస్య పునరావృతమైంది. అందువల్ల తప్పనిసరై కాలు వరకు మత్తు ఇచ్చి చిన్న సర్జరీ చేశారు. కానీ అప్పటికే ఇన్ఫెక్షన్ రక్తంలో కలిసిపోయి ఊపిరితిత్తులకి చేరింది. Co2 డైవర్ట్ అయింది. దానిని క్లియర్ చేద్దామని ఆక్సిజన్తో ప్రయత్నించినా అది బైటికి రాలేదు. అప్పుడు రెండవ ప్రయత్నంగా వెంటిలేటర్ మాస్కుతో ఎక్కువగా ఆక్సిజన్ పెట్టారు. ఒక రోజంతా గడిచినా Co2 క్లియర్ అవలేదు. ఇంక చివరి ప్రయత్నంగా నాన్నగారిని నేరుగా వెంటిలేటర్ మీదకి పంపించారు. మా నాన్నగారు కాస్త బరువు ఎక్కువగా ఉంటారు. అందువల్ల డాక్టర్లు నాన్నగారు కోలుకోవటం కష్టమని చెప్పారు. ఇంక నేను బాబాకు నమస్కరించి, “బాబా! మీరు ఏమి చేస్తారో ఏమో నాకు తెలియదు. నాన్నగారు కోలుకోవాలి” అని ఆర్తిగా బాబాను వేడుకుని, బాబా నామజపం చేస్తూ ఉన్నాను. మరుసటిరోజు ఉదయానికి వెంటిలేటర్ పైన ఉన్నప్పటికీ నాన్నగారు కళ్ళు తెరచి చూసి అందరినీ గుర్తుపట్టసాగారు. అది చూసి బాబా మిరాకిల్ చేస్తున్నారని అనుకున్నాము. అయినప్పటికీ ఊపిరితిత్తులలో ఇన్ఫెక్షన్ పెరుగుతూనే ఉంది. “ఏంటి బాబా, ఇంకా మమ్మల్ని పరీక్షిస్తున్నారా? మీ అనుగ్రహంతో నాన్నగారు కోలుకుంటే ఈ అనుభవాన్ని మన సాయి మహరాజ్ సన్నిధి బ్లాగులో పంచుకుంటాను” అని బాబాకు చెప్పుకున్నాను. బాబాకు చెప్పుకున్నప్పటినుంచి ఇన్ఫెక్షన్ కొంచెం కొంచెం తగ్గుతూ వచ్చింది. ఇంక 12వ తేదీ రాత్రి నాన్నగారికి సర్జరీ చేసి ఇన్ఫెక్షన్ పూర్తిగా తీసేశారు. డాక్టర్లు మా నాన్నగారు కోలుకోవటం కష్టమని చెప్పేసరికి 24వ తేదీ గృహప్రవేశం జరుపుకోవాలనుకున్న మేము ఆరోజు రాత్రే మా సొంతింటి గృహప్రవేశం జరుపుకున్నాము. ఆ మరుసటిరోజు వెంటిలేటర్ తీసేసినప్పటికీ సులభంగానే ఊపిరితుత్తులకు ఆక్సిజన్ సరఫరా అవటం ప్రారంభమైంది. డాక్టర్ కూడా, “చాలా పెద్ద మిరాకిల్ జరిగింది, మేమైతే ఆయన బయటపడతారని అనుకోలేదు. నిజంగా మీ దేవుడు మీకు చాలా సహాయం చేశారు” అన్నారు. నిజమే! నేను ప్రతిరోజూ నాన్నగారికి బాబా ఊదీని పెట్టి వస్తున్నాను. తన ఊదీ మహిమతో సర్జరీ విజయవంతమయ్యేలా చేసి బాబా మా నాన్నగారి ఆరోగ్యాన్ని కాపాడారు. బాబా ఆశీస్సులతో ఇప్పుడు మా నాన్నగారు ఆరోగ్యంగా ఉన్నారు. “మీకు చాలా చాలా ధన్యవాదాలు బాబా!”.
బాబా లీలలు అలానే ఉంటాయి
సాయిభక్తుడు ఛత్రపతి తనకి బాబా ప్రసాదించిన అనుభవాన్నిలా పంచుకుంటున్నారు:
సాయిబంధువులకు నమస్కారం. ఇటీవల నాకు కలిగిన అనుభవాన్ని మన బ్లాగ్ సభ్యులతో పంచుకోవాలని అనుకుంటున్నాను. ఇటీవల ఒక గురువారంరోజు మా నాన్నగారు హడావిడిగా ఇంటికి వచ్చి, తన ఉద్యోగానికి సంబంధించిన ముఖ్యమైన దస్తావేజుల కోసం వెతకసాగారు. నాన్నగారు అంత హడావిడిగా వెతకడం చూసి నేను, మా చెల్లి కూడా వాటికోసం తలోవైపు వెతకసాగాము. నేను ‘ఓం శ్రీసాయి సూక్ష్మాయ నమః’ అనే నామాన్ని జపిస్తూ వెతుకుతున్నాను. ఎంత వెతికినా ఆ దస్తావేజులు కనిపించట్లేదు. “ఏంటి బాబా, మీ నామం జపిస్తూ వెతుకుతున్నా దస్తావేజులు దొరకటం లేదు? నాకు చాలా భయంగా ఉంది బాబా” అని బాబాకు చెప్పుకుని ఆ రాత్రికి నిద్రపోయాను. ఆ మరుసటిరోజు బాబాకు నమస్కరించి, ఊదీ పెట్టుకొని, “బాబా! దస్తావేజులు దొరికితే నా అనుభవాన్ని సాయి మహరాజ్ సన్నిధి బ్లాగులో పంచుకుంటాను. అంతేకాదు, మీకు నైవేద్యం సమర్పించుకుంటాను” అని బాబాకు మ్రొక్కుకుని వెతకటం ప్రారంభించాను. వెంటనే దస్తావేజులు దొరికాయి. ఎక్కడైతే ముందురోజంతా వెతికినా దొరకలేదో ఆ స్థలంలోనే ఇప్పుడు దస్తావేజులు దొరికాయి. ఎంతో సంతోషంతో బాబాకు మనస్ఫూర్తిగా కృతజ్ఞతలు తెలుపుకున్నాను. బాబా లీలలు అలానే ఉంటాయి. బాబాను నమ్మండి, అంతే! ఇక మీ రక్షణ, శిక్షణ, పాలన, దండన అన్నీ ఆయనే చూసుకుంటారు. మన సాధనలో తప్పు ఉండవచ్చు, కానీ ఆయన అనుగ్రహంలో తప్పు ఉండదు. కాబట్టి ఏదైనా పనులలో జాప్యం జరిగినా, మ్రొక్కుకున్నది అవకపోయినా నిరాశ వద్దు, సాయియే మనకు ముద్దు.
ఓం సాయిరామ్!
Nenu ippudhu konchem nirasha ga unnanu. Meeku jarigina anubavam chusaka relief ga undhi.om sai ram🙏🌺🌺🌺🌺🌺🙏🙏🙏🌹🌹🌹🌹
ReplyDeleteJai Sairam! Jai Gurudatta!
ReplyDeleteJai Sairam!
ReplyDeleteఓం సాయిరామ్!
ReplyDeleteOM SAIRAM
ReplyDeleteSAI ALWAYS BE WITH ME
548 SAIRAM
ReplyDeleteOM Sai Ram
ReplyDeleteOm sai ram baba mamalini karunichu thandri
ReplyDelete🙏🙏🙏 Om srisairam Om srisairam Om srisairam thankyou sister.
ReplyDelete