నా స్నేహితులంతా సాయంత్రం నా పుట్టినరోజు పార్టీకి వస్తారు. మీరు కూడా రండి సాయిబాబా!

---

శ్రీ సచ్చిదానంద సద్గురు సాయినాథ్ మహారాజ్ కీ జై

శ్రద్ధ  -  సబూరి

సాయిభక్తురాలు ప్రియ కృష్ణ గారు సాయి తనకి ఇచ్చిన మరపురాని మధురానుభూతిని గురించి ఇలా చెప్తున్నారు.

మమ్మల్ని చాలా ఆశ్చర్యానికి, ఆనందానికి గురిచేసిన ఆ అద్భుత అనుభవం ఇంట్లో అందరం చూస్తుండగా మా కళ్ళ ముందు జరిగింది. మా బాబుకి సాయి గొప్ప బహుమానం ఇచ్చారు.

2011వ సంవత్సరం నా జీవితంలో చాలా సంతోషాలని తీసుకొని వచ్చింది. ఆ సంవత్సరం డిసెంబర్ 12వ తేదీన మా బాబు బాల్ విశిష్ట్ (చింకు) పుట్టినరోజు. ఎప్పటిలానే ఆరోజు చింకుని సాయి మందిరానికి తీసుకొని వెళ్ళాను. పూజ జరుగుతుండగా మధ్యలో చింకు నన్ను, "మమ్మీ, నేను సాయిని కూడా నా పుట్టినరోజు పార్టీకి పిలవనా?" అని అడిగాడు. నాకు సరిగా వినపడక చింకుని వెనక్కి తీసుకొని వెళ్లి అడిగితే వాడు మళ్ళీ, "సాయిని పుట్టినరోజు పార్టీకి పిలవనా?" అని అడిగాడు. "సరే అయితే, సాయి విగ్రహం దగ్గరకి వెళ్లి సాయిని ఆహ్వానించు" అని చెప్పాను. వాడు మరలా సాయి దగ్గరికి వెళ్లి తన చిన్న గొంతుతో, (తమిళ్ లో "నీనో బర్త్ డే పార్టీ కి వాఁ, bye") "సాయిబాబా! ఈరోజు నా పుట్టినరోజు. నా స్నేహితులంతా సాయంత్రం పార్టీకి వస్తారు. మీరు కూడా రండి" అని ఆహ్వానించి, సాయికి 'bye' చెప్పి వచ్చేసాడు.

సాయంత్రం పార్టీ చాలా బాగా జరిగింది. పార్టీలో చింకుకి చాలా గిఫ్ట్స్ వచ్చాయి. ఫంక్షన్ అయిపోయాక రాత్రి గిఫ్ట్స్ ఓపెన్ చేస్తూ ఉన్నాము. అప్పుడు రెడ్ కలర్ లో ఉన్న ఒక చిన్న బాక్స్ కనిపించింది. దానిని ఓపెన్ చేశాను, నాకు నోట మాట రాలేదు. అందులో ఏముందో తెలుసా? అందులో అందమైన చిన్న సాయి విగ్రహం ఉంది. ఆశ్చర్యమేమిటంటే ఆ గిఫ్ట్ ప్యాక్ పైన ఎవరి పేరూ వ్రాసిలేదు. సరే దానిని ఎవరు ఇచ్చారో చూద్దామని వీడియో చూసాము. వీడియోలో ఎవరూ రెడ్ బాక్స్ ఇచ్చినట్లుగా లేదు. దానితో అర్థం అయిపోయింది, అది బాబా లీలని. ఎలా చెప్పను నా సంతోషాన్ని? ఆ సంతోషంతో వెంటనే చింకుని పిలిచి, "నువ్వు సాయిని పిలిచావు కదా, ఇదిగో సాయి మనతో ఎప్పటికీ ఉండడానికి వచ్చారు" అని చెప్పాను. సాయిని మా పూజామందిరంలో పెట్టుకున్నాము. "సాయీ! నువ్వు కూడా రావాలి" అని పిలిచిన వాడి చిన్ని కోరికని తీర్చడం కోసం ఆ సాయినాథుడే వచ్చి నా చింకుని ఆశీర్వదించడం నా జీవితంలో మరుపురాని మధురానుభూతి.

ఓం సాయిరాం!!!

---