శ్రీ సచ్చిదానంద సద్గురు సాయినాథ్ మహారాజ్ కీ జై
శ్రద్ధ - సబూరి
కడప నుండి మాలతిగారు తమ అనుభవాన్ని మనతో పంచుకుంటున్నారు.
ఓం సాయిరామ్.
బాబా నాకిచ్చిన అనుభవాలను నేను జీవించి వున్నంతవరకు మరువలేను. అంతలా బాబా మమ్మల్ని ఆశీర్వదించారు. ఆయన నాకు చాలా అనుభవాలు ఇచ్చారు. వాటిలో ఒకటి ఇప్పుడు మీతో పంచుకుంటాను.
2012 లో మా చిన్నబాబు ఇంటర్మీడియట్‌తో పాటు IIT కోచింగ్ తీసుకుంటూ ఉండేవాడు. నేను మా అబ్బాయి చదువు విషయం బాబాకు అప్పగించి, "తనకి ర్యాంకు వచ్చేవిధంగా చదివించుకోండి బాబా!" అని చెప్పుకున్నాను. అలా భారం ఆయన మీదే వేసి నేను నిశ్చింతగా ఉండేదాన్ని. మొదటి సంవత్సరం మామూలుగానే చదివేవాడు. రెండవ సంవత్సరం నవంబర్ నాటికి మాబాబు మీద బాబా ఆశీస్సుల ప్రభావం స్పష్టంగా కనిపించింది. అంతవరకు తరగతిలో సాధారణ స్థాయిలో ఉన్న తనకి చాలా మంచి ర్యాంకు వచ్చేది. తను కూడా బాబా ఆశీస్సులతో మంచి ర్యాంకు వస్తుందనే నమ్మకంతో కష్టపడి చదివేవాడు. మన ప్రయత్నం మనం చేస్తూ బాబా మీద భారం వెయ్యాలి కదా! చివరిగా మేము ఊహించని విధంగా బాబుకి మొదటి ప్రయత్నంలోనే బాబా ఆశీస్సులతో 251వ ర్యాంకు వచ్చింది. ఢిల్లీ IIT లో EE బ్రాంచిలో సీట్ వచ్చింది. చదువు పూర్తైన వెంటనే 23 లక్షల ప్యాకేజీతో జాబ్ కూడా వచ్చింది. అదే సమయంలో యు.ఎస్.ఏ. లోని కొలంబియా యూనివర్సిటీలో అడ్మిషన్ వచ్చింది. ప్రస్తుతం తను యు.ఎస్.ఏ. లో ఉద్యోగం చేస్తూ మంచి స్థితిలో ఉన్నాడు. ఇదంతా బాబా ఆశీర్వాద ఫలితమే. ఇది ఒక అనుభవం మాత్రమే. ఇలాంటి అనుభవాలు నా జీవితంలో చాలానే వున్నాయి. బాబా మా మీద చూపిన కృపను ఇప్పుడిలా బ్లాగు ద్వారా పంచుకోవటం చాలా సంతోషంగా ఉంది. ఈ అవకాశం బాబా మాకివ్వడం నిజంగా మా అదృష్టం. సాయినాథునికి నమస్సుమాంజలులు అర్పిస్తూ... "బాబా! మీ బిడ్డలందరినీ ఎల్లవేళలా కాపాడుతూ ఉండండి" అని ప్రార్థిస్తున్నాను.
ఓం సాయిరామ్.
బాబా నాకిచ్చిన అనుభవాలను నేను జీవించి వున్నంతవరకు మరువలేను. అంతలా బాబా మమ్మల్ని ఆశీర్వదించారు. ఆయన నాకు చాలా అనుభవాలు ఇచ్చారు. వాటిలో ఒకటి ఇప్పుడు మీతో పంచుకుంటాను.
2012 లో మా చిన్నబాబు ఇంటర్మీడియట్‌తో పాటు IIT కోచింగ్ తీసుకుంటూ ఉండేవాడు. నేను మా అబ్బాయి చదువు విషయం బాబాకు అప్పగించి, "తనకి ర్యాంకు వచ్చేవిధంగా చదివించుకోండి బాబా!" అని చెప్పుకున్నాను. అలా భారం ఆయన మీదే వేసి నేను నిశ్చింతగా ఉండేదాన్ని. మొదటి సంవత్సరం మామూలుగానే చదివేవాడు. రెండవ సంవత్సరం నవంబర్ నాటికి మాబాబు మీద బాబా ఆశీస్సుల ప్రభావం స్పష్టంగా కనిపించింది. అంతవరకు తరగతిలో సాధారణ స్థాయిలో ఉన్న తనకి చాలా మంచి ర్యాంకు వచ్చేది. తను కూడా బాబా ఆశీస్సులతో మంచి ర్యాంకు వస్తుందనే నమ్మకంతో కష్టపడి చదివేవాడు. మన ప్రయత్నం మనం చేస్తూ బాబా మీద భారం వెయ్యాలి కదా! చివరిగా మేము ఊహించని విధంగా బాబుకి మొదటి ప్రయత్నంలోనే బాబా ఆశీస్సులతో 251వ ర్యాంకు వచ్చింది. ఢిల్లీ IIT లో EE బ్రాంచిలో సీట్ వచ్చింది. చదువు పూర్తైన వెంటనే 23 లక్షల ప్యాకేజీతో జాబ్ కూడా వచ్చింది. అదే సమయంలో యు.ఎస్.ఏ. లోని కొలంబియా యూనివర్సిటీలో అడ్మిషన్ వచ్చింది. ప్రస్తుతం తను యు.ఎస్.ఏ. లో ఉద్యోగం చేస్తూ మంచి స్థితిలో ఉన్నాడు. ఇదంతా బాబా ఆశీర్వాద ఫలితమే. ఇది ఒక అనుభవం మాత్రమే. ఇలాంటి అనుభవాలు నా జీవితంలో చాలానే వున్నాయి. బాబా మా మీద చూపిన కృపను ఇప్పుడిలా బ్లాగు ద్వారా పంచుకోవటం చాలా సంతోషంగా ఉంది. ఈ అవకాశం బాబా మాకివ్వడం నిజంగా మా అదృష్టం. సాయినాథునికి నమస్సుమాంజలులు అర్పిస్తూ... "బాబా! మీ బిడ్డలందరినీ ఎల్లవేళలా కాపాడుతూ ఉండండి" అని ప్రార్థిస్తున్నాను.
🕉 sai Ram
ReplyDelete