శ్రీ సచ్చిదానంద సద్గురు సాయినాథ్ మహారాజ్ కీ జై
శ్రద్ధ - సబూరి
నా పేరు మౌనిక. రీసెంట్‌గా జరిగిన సంతోషకరమైన నా అనుభవాన్ని మీతో పంచుకుంటాను. నేను మొదటినుంచి అమ్మవారికి, సుబ్రహ్మణ్యస్వామికి భక్తురాలిని. నా స్నేహితురాలు సుమ బాబాకి గొప్ప భక్తురాలు. ఒకరోజు నేను తనతో, "సాయిభక్తుల గ్రూపులో జాయిన్ అవ్వాలని ఉంది, ఏదైనా అవకాశం ఉందా?" అని అడిగాను. వెంటనే తను కొన్ని బాబా గ్రూపుల లింక్స్ పంపించింది. నేను కూడా వెంటనే ఆ గ్రూపుల్లో జాయిన్ అయ్యాను. అయితే, "సుబ్రహ్మణ్యస్వామి భక్తురాలినైన నేను సాయిని పూజించడం సరైనదేనా?" అనే సందేహం నాకు వచ్చింది. ఇదే విషయంగా రోజూ ఆందోళనపడుతూ ఉండేదాన్ని. ఇలా ఉండగా డిసెంబర్ 23న సాయి టివి వాళ్ళు నిర్వహించిన సాయినాథోత్సవానికి వెళ్ళినప్పుడు సుమను కలిశాను. ఆ సమయంలో సుమ నాతో, "మా చెల్లి శివునికి, వెంకటేశ్వరస్వామికి భక్తురాలు. కానీ సాయిని తన గురువుగా ఆమోదించింది" అని చెప్పింది. దానితో నా మనస్సులో ఉన్న ఆందోళనకు సమాధానం దొరికిందని నాకర్థమైంది. ఈ విధంగా సుమ ద్వారా బాబాయే నా అనుమానాలు తొలగించారని అనుకుని ఆ క్షణాన బాబాని నా గురువుగా నిర్ధారించుకున్నాను. అప్పటినుండి ఆయన ప్రభావం నా జీవితంలో రోజూ కనిపిస్తూ ఉండేది.
2018, డిసెంబరులో అసిస్టెంట్ ప్రొఫెసర్ క్వాలిఫికేషన్ కోసం నేను నేషనల్ ఎలిజిబిలిటీ టెస్ట్ వ్రాసాను. అది చాలా కఠినమైన పరీక్ష. ఎందుకంటే దేశమంతటా ఆ పరీక్షకి లక్షలాదిమంది హాజరైతే, కేవలం 6 శాతం ఉత్తీర్ణత ఉంటుంది. అందులో నేను ఉత్తీర్ణురాలిని అయ్యేలా అనుగ్రహించమని దేవుడిని ప్రార్థించాను. తద్వారా నాకు మానసికధైర్యం చేకూరుతుందని నా ఆశ. నేను డిసెంబర్ 20 గురువారంనాడు పరీక్ష వ్రాసాను. అదేరోజు నేను మూడవసారి బాబాకి శనగలతో మాల సమర్పించాను. నాకెందుకో బాబా నన్ను ఆశీర్వదించినట్లుగా అనుభూతి కలిగింది. అమ్మవారు, సుబ్రహ్మణ్యస్వామి, బాబా ఆశీస్సులతో నాకంతా అనుకూలంగా ఉంటుందని నమ్మకం కలిగింది. తుదిఫలితాలు కూడా గురువారంరోజే వస్తాయని నోటిఫికేషన్‌లో ప్రస్తావించారు. అది కూడా నా నమ్మకాన్ని దృఢపరిచింది. పదిరోజుల తరువాత ఆ పరీక్షకి సంబంధించిన 'కీ' విడుదలైంది. కానీ నాకెందుకో 'కీ' చూడాలనిపించలేదు. తుదిఫలితాలు విడుదలైనప్పుడే తెలుసుకోవాలనిపించింది.
అదృష్టవశాత్తూ డిసెంబర్ 31న ఒక సాయిభక్తుడిని కలిసాను. అంతకుముందు ఎప్పుడూ అతనితో పరిచయం లేదు, అదే మొదటిసారి. కొంతసేపు మాట్లాడిన తరువాత నేను వెళ్లిపోతుండగా అతను కాస్త ఆగమని, ఒక బాబా ఫోటో నా చేతిలో పెట్టి, "హ్యాపీ న్యూ ఇయర్" అని చెప్పారు. అవే నేనందుకున్న మొదటి నూతనసంవత్సర శుభాకాంక్షలు. పైగా సాయిభక్తుని ద్వారా సాయి ఫొటోతో పాటు! కాసేపు ఏమి జరుగుతుందో అర్థం కాలేదు. కానీ బాబా నాకోసం వచ్చారు, నాకంతా మంచి చేస్తారని ఆనందం పట్టలేకపోయాను. తరువాత జనవరి 5న ఫలితాలు వచ్చాయి. 60.67% తో నేను ఉత్తీర్ణురాలినయ్యాను. ఇది నిజంగా భగవంతుడిచ్చిన అద్భుతమైన బహుమతి. 2019లో ఈ మొదటి బహుమతితో బాబా నాచేత కొత్త జీవితాన్ని మొదలుపెట్టించారు. నేను ఎంత ఆనందాన్ని పొందానో మాటల్లో వివరించలేను. సాయికి నేనొక అనుమానపడే భక్తురాలినైనప్పటికీ, ఆయన దాన్నేమీ పట్టించుకోకుండా డిసెంబర్ 31న ఫోటో రూపంలో "నేను నీ కోసం వచ్చాన"ని చేసిన వాగ్దానాన్ని ఈ సంతోషం ద్వారా నిరూపించారు. తరువాత నేను సాయిలీలామృతం సప్తాహపారాయణ చేశాను. ఆ సమయంలో కూడా ఆయన కృపవలన అన్ని అడ్డంకులు దాటి పూర్తి చేయగలిగాను. ఏదో మామూలుగా బాబాను ప్రార్థించినా, ఆయన నాకు అండగా నిలిచి, నన్ను జాగ్రత్తగా చూసుకుంటున్నారు. "బాబా! దయచేసి ఎంత త్వరగా వీలైతే అంత త్వరగా నా కోరికలన్నీ తీర్చండి. తెలిసి, తెలియక చేసిన నా తప్పులను మన్నించండి".
2018, డిసెంబరులో అసిస్టెంట్ ప్రొఫెసర్ క్వాలిఫికేషన్ కోసం నేను నేషనల్ ఎలిజిబిలిటీ టెస్ట్ వ్రాసాను. అది చాలా కఠినమైన పరీక్ష. ఎందుకంటే దేశమంతటా ఆ పరీక్షకి లక్షలాదిమంది హాజరైతే, కేవలం 6 శాతం ఉత్తీర్ణత ఉంటుంది. అందులో నేను ఉత్తీర్ణురాలిని అయ్యేలా అనుగ్రహించమని దేవుడిని ప్రార్థించాను. తద్వారా నాకు మానసికధైర్యం చేకూరుతుందని నా ఆశ. నేను డిసెంబర్ 20 గురువారంనాడు పరీక్ష వ్రాసాను. అదేరోజు నేను మూడవసారి బాబాకి శనగలతో మాల సమర్పించాను. నాకెందుకో బాబా నన్ను ఆశీర్వదించినట్లుగా అనుభూతి కలిగింది. అమ్మవారు, సుబ్రహ్మణ్యస్వామి, బాబా ఆశీస్సులతో నాకంతా అనుకూలంగా ఉంటుందని నమ్మకం కలిగింది. తుదిఫలితాలు కూడా గురువారంరోజే వస్తాయని నోటిఫికేషన్‌లో ప్రస్తావించారు. అది కూడా నా నమ్మకాన్ని దృఢపరిచింది. పదిరోజుల తరువాత ఆ పరీక్షకి సంబంధించిన 'కీ' విడుదలైంది. కానీ నాకెందుకో 'కీ' చూడాలనిపించలేదు. తుదిఫలితాలు విడుదలైనప్పుడే తెలుసుకోవాలనిపించింది.
అదృష్టవశాత్తూ డిసెంబర్ 31న ఒక సాయిభక్తుడిని కలిసాను. అంతకుముందు ఎప్పుడూ అతనితో పరిచయం లేదు, అదే మొదటిసారి. కొంతసేపు మాట్లాడిన తరువాత నేను వెళ్లిపోతుండగా అతను కాస్త ఆగమని, ఒక బాబా ఫోటో నా చేతిలో పెట్టి, "హ్యాపీ న్యూ ఇయర్" అని చెప్పారు. అవే నేనందుకున్న మొదటి నూతనసంవత్సర శుభాకాంక్షలు. పైగా సాయిభక్తుని ద్వారా సాయి ఫొటోతో పాటు! కాసేపు ఏమి జరుగుతుందో అర్థం కాలేదు. కానీ బాబా నాకోసం వచ్చారు, నాకంతా మంచి చేస్తారని ఆనందం పట్టలేకపోయాను. తరువాత జనవరి 5న ఫలితాలు వచ్చాయి. 60.67% తో నేను ఉత్తీర్ణురాలినయ్యాను. ఇది నిజంగా భగవంతుడిచ్చిన అద్భుతమైన బహుమతి. 2019లో ఈ మొదటి బహుమతితో బాబా నాచేత కొత్త జీవితాన్ని మొదలుపెట్టించారు. నేను ఎంత ఆనందాన్ని పొందానో మాటల్లో వివరించలేను. సాయికి నేనొక అనుమానపడే భక్తురాలినైనప్పటికీ, ఆయన దాన్నేమీ పట్టించుకోకుండా డిసెంబర్ 31న ఫోటో రూపంలో "నేను నీ కోసం వచ్చాన"ని చేసిన వాగ్దానాన్ని ఈ సంతోషం ద్వారా నిరూపించారు. తరువాత నేను సాయిలీలామృతం సప్తాహపారాయణ చేశాను. ఆ సమయంలో కూడా ఆయన కృపవలన అన్ని అడ్డంకులు దాటి పూర్తి చేయగలిగాను. ఏదో మామూలుగా బాబాను ప్రార్థించినా, ఆయన నాకు అండగా నిలిచి, నన్ను జాగ్రత్తగా చూసుకుంటున్నారు. "బాబా! దయచేసి ఎంత త్వరగా వీలైతే అంత త్వరగా నా కోరికలన్నీ తీర్చండి. తెలిసి, తెలియక చేసిన నా తప్పులను మన్నించండి".
🕉 sai Ram
ReplyDelete🙏🙏🙏🙏🌹🌹🌹 ఓం శ్రీ సాయి రామ్ 🌹🌹🌹🌹🙏🙏🙏🙏🙏
ReplyDelete