శ్రీ సచ్చిదానంద సద్గురు సాయినాథ్ మహారాజ్ కీ జై
శ్రద్ధ - సబూరి
కొన్ని కారణాలవలన నా పేరు తెలియజేయడం లేదు. అయినా పేరుదేముంది? బాబా లీలల ద్వారా ఆయన ప్రేమను ఆస్వాదించడమే కదా ప్రధానం! సాయి సచ్చరిత్రలోని ప్రతి పదం ఎంత సత్యమో కదా! బాబా తమ స్వహస్తాలతో ఇచ్చిన ఊదీయే కాదు, ఆయనను తలచుకుని ఆయన ముందు వెలిగించిన అగరుబత్తీ బూడిద, నేలపై మట్టి సైతం అంతే ప్రభావం చూపడం ఎంత అద్భుతమో కదా! ఈరోజు మొదటిసారిగా నేను చవిచూసిన బాబా ఊదీ మహిమకు సంబంధించిన ఒక అనుభవాన్ని మీతో పంచుకుంటాను. ఈ బ్లాగు ద్వారా నేను పంచుకుంటున్న రెండవ అనుభవం ఇది.
మా కుటుంబంలో మా అత్తగారు తప్ప నా భర్త, పిల్లలు, మిగతా అందరూ దేవుడిని నమ్మరు. మా కుటుంబంలో నేను ఒక్కదాన్నే సాయిని నమ్ముతాను. ఇక నా అనుభవానికొస్తే, 2019, ఫిబ్రవరి 19, ఆదివారంనాడు మా పాప పొత్తికడుపు నొప్పితో బాధపడింది. ఆ నొప్పికి తోడు తనకి జ్వరం కూడా వచ్చింది. నేను, మావారు ఇద్దరమూ వైద్యులమే. నేనే తనకి చికిత్స చేసేదాన్ని. మధ్యాహ్నం తనకి పారాసిటమాల్ టాబ్లెట్ ఇస్తే తను పడుకుంది. ఆ సమయంలో మొదటిసారిగా నేను ఊదీని పరీక్షిద్దామని తన నుదుటిన ఊదీ పెట్టి, తన ఆరోగ్యం గురించి బాబాని ప్రార్థించాను. రోజూ నేను నా స్నానం తరువాత నుదుటిన ఊదీ పెట్టుకుంటానుగాని, ఇలా ఎప్పుడూ మెడికల్ సమస్యలకి ఉపయోగించలేదు. బాబా కృపతో తన పరిస్థితిలో మెరుగుదల కనిపించింది.
ఐతే మూడురోజుల తర్వాత కూడా మందులకి తన పొత్తికడుపు నొప్పి తగ్గలేదు. అందువలన మేము స్కానింగ్ చేయిస్తే, తన పొత్తికడుపులో ఏదో ద్రవం ఉన్నట్టు తెలిసింది. మేము ఇంకా మంచి స్కానింగ్ సెంటర్ కి తీసుకుని వెళ్లి సి.టి. అబ్డోమెన్ పరీక్ష చేయించాలని అనుకున్నాం. అయితే ఆరోజు తను నొప్పివలన ఆహారం కూడా తీసుకోలేకపోయింది. దానితో మేము ఐవి ఫ్లూయిడ్స్ ఎక్కించాం. ఆ రాత్రి తను నిద్రలో ఉండగా నేను తన ఆరోగ్యం కోసం సాయిని ప్రార్థించి, తన నుదుటిన ఊదీ పెట్టాను. ఒక వాటర్ బాటిల్ నీటిలో ఊదీ కలిపి తన దగ్గర పెట్టాను. మరుసటిరోజు ఉదయం తను లేచిన తరువాత ఆ నీటిలో కొంత త్రాగింది. దానితో తనకి కొంత ఉపశమనం కలిగింది. తర్వాత తను ఆహారం కూడా తీసుకుంది. బాబా ఆశీస్సులతో మూడురోజుల్లో తను సాధారణస్థితికి చేరుకుంది. ఈ అనుభవం ద్వారా సాయి నాకు ఊదీ శక్తిని తెలియజేశారు. "థాంక్యూ సో మచ్ బాబా!" నేను ఇంకో విషయం కూడా చెప్పాలి, నేను ఉపయోగించినది శిరిడీ ఊదీ కాదు. స్థానిక బాబా మందిరంలోనిది. ఏ మందిరంలోని ఊదీ ఐనా అంతే ప్రభావశాలి అని నాకు ఋజువు చేసింది ఈ అనుభవం.
మా కుటుంబంలో మా అత్తగారు తప్ప నా భర్త, పిల్లలు, మిగతా అందరూ దేవుడిని నమ్మరు. మా కుటుంబంలో నేను ఒక్కదాన్నే సాయిని నమ్ముతాను. ఇక నా అనుభవానికొస్తే, 2019, ఫిబ్రవరి 19, ఆదివారంనాడు మా పాప పొత్తికడుపు నొప్పితో బాధపడింది. ఆ నొప్పికి తోడు తనకి జ్వరం కూడా వచ్చింది. నేను, మావారు ఇద్దరమూ వైద్యులమే. నేనే తనకి చికిత్స చేసేదాన్ని. మధ్యాహ్నం తనకి పారాసిటమాల్ టాబ్లెట్ ఇస్తే తను పడుకుంది. ఆ సమయంలో మొదటిసారిగా నేను ఊదీని పరీక్షిద్దామని తన నుదుటిన ఊదీ పెట్టి, తన ఆరోగ్యం గురించి బాబాని ప్రార్థించాను. రోజూ నేను నా స్నానం తరువాత నుదుటిన ఊదీ పెట్టుకుంటానుగాని, ఇలా ఎప్పుడూ మెడికల్ సమస్యలకి ఉపయోగించలేదు. బాబా కృపతో తన పరిస్థితిలో మెరుగుదల కనిపించింది.
ఐతే మూడురోజుల తర్వాత కూడా మందులకి తన పొత్తికడుపు నొప్పి తగ్గలేదు. అందువలన మేము స్కానింగ్ చేయిస్తే, తన పొత్తికడుపులో ఏదో ద్రవం ఉన్నట్టు తెలిసింది. మేము ఇంకా మంచి స్కానింగ్ సెంటర్ కి తీసుకుని వెళ్లి సి.టి. అబ్డోమెన్ పరీక్ష చేయించాలని అనుకున్నాం. అయితే ఆరోజు తను నొప్పివలన ఆహారం కూడా తీసుకోలేకపోయింది. దానితో మేము ఐవి ఫ్లూయిడ్స్ ఎక్కించాం. ఆ రాత్రి తను నిద్రలో ఉండగా నేను తన ఆరోగ్యం కోసం సాయిని ప్రార్థించి, తన నుదుటిన ఊదీ పెట్టాను. ఒక వాటర్ బాటిల్ నీటిలో ఊదీ కలిపి తన దగ్గర పెట్టాను. మరుసటిరోజు ఉదయం తను లేచిన తరువాత ఆ నీటిలో కొంత త్రాగింది. దానితో తనకి కొంత ఉపశమనం కలిగింది. తర్వాత తను ఆహారం కూడా తీసుకుంది. బాబా ఆశీస్సులతో మూడురోజుల్లో తను సాధారణస్థితికి చేరుకుంది. ఈ అనుభవం ద్వారా సాయి నాకు ఊదీ శక్తిని తెలియజేశారు. "థాంక్యూ సో మచ్ బాబా!" నేను ఇంకో విషయం కూడా చెప్పాలి, నేను ఉపయోగించినది శిరిడీ ఊదీ కాదు. స్థానిక బాబా మందిరంలోనిది. ఏ మందిరంలోని ఊదీ ఐనా అంతే ప్రభావశాలి అని నాకు ఋజువు చేసింది ఈ అనుభవం.
No comments:
Post a Comment