శ్రీ సచ్చిదానంద సద్గురు సాయినాథ్ మహారాజ్ కీ జై
శ్రద్ధ - సబూరి
సాయిబంధువు తేజు తరుణి పుప్పాల తన అనుభవాన్ని మనతో పంచుకుంటున్నారు:
సాయిభక్తులందరికీ నమస్కారం. ఇటీవల జరిగిన ఒక బాబా లీలను మీతో పంచుకోవడం నా అదృష్టంగా భావిస్తున్నాను. మా కుటుంబమంతా 2018, డిసెంబర్ 25న ప్రపంచంలోని అత్యంత ఎత్తైన భవనం 'బుర్జ్ ఖలీఫా' సందర్శించడానికి వెళ్ళాము. ఆరోజు సెలవుదినం కావడంతో అక్కడ భారీగా జనసమూహం ఉంది. అందువలన 124వ అంతస్తుకి వెళ్ళడానికి ఎలివేటర్(లిఫ్ట్) కోసం చాలా సమయం క్యూలో ఉండాల్సి వచ్చింది. మొత్తానికి చాలా సమయం వేచి 124వ అంతస్తుకి వెళ్ళాము. తరువాత మళ్ళీ క్రిందికి రావడానికి కూడా పెద్ద క్యూ ఉంది. అప్పటికే మాకు బాగా అలసటగా ఉండి, ఊపిరాడనంత ఇబ్బందిగా ఉంది. పైగా పాదాలు తీవ్రంగా నొప్పిపుడుతున్నాయి. పిల్లలు నిద్రమత్తులో పడి ఏమాత్రం నడవడానికి ఇష్టపడటం లేదు. మావారు మా 5 సంవత్సరాల బిడ్డని తన భుజాల మీద పడుకోబెట్టుకున్నారు. నాకు నిజంగా నిస్సహాయంగా అనిపించి, "బాబా! మాకు సహాయం చేయండి" అని ప్రార్థించాను. "విశ్వాసంతో భక్తిపూర్వకమైన ఒక్క పిలుపు చాలు" అని బాబా ఎల్లప్పుడూ చెప్తారు. అలా భక్తులు చేసే ప్రార్థనలకు ఆయన వెంటనే స్పందిస్తారు. నేను ప్రార్థించిన ఒక నిమిషంలోపు ఒక పొడవాటి స్త్రీ మా వద్దకు వచ్చి, "మీరు ఎంతమంది?" అని అడిగి, "మీరు క్యూ నుండి బయటకు రండి" అని పిలిచారు. తరువాత మాకు, మాతోపాటు మరికొందరికి మార్గదర్శనం చేస్తూ సర్వీస్ లిఫ్ట్ వరకు తీసుకుని వెళ్ళారు. ఆ లిఫ్ట్ ద్వారా మేము కొన్నిక్షణాల్లో క్రిందకు చేరుకున్నాము. నా కళ్ళలో నీళ్ళు కదిలాయి. ఆ మహిళ అంత జనంలో నేరుగా మాకు సహాయం చేయడానికి ఎలా వచ్చింది? పిలిచిన వెంటనే బాబాయే ఆ పొడవాటి స్త్రీ రూపంలో మా దగ్గరకు వచ్చి సహాయం చేసారు. ఈ సంఘటన గురించి ఆలోచిస్తే ఇప్పటికీ నా శరీరం రోమాంచితమవుతుంది. బాబా రాకకు హృదయపూర్వకమైన ఒక్క పిలుపు చాలని నిరూపించింది ఈ అనుభవం.
సాయిభక్తులందరికీ నమస్కారం. ఇటీవల జరిగిన ఒక బాబా లీలను మీతో పంచుకోవడం నా అదృష్టంగా భావిస్తున్నాను. మా కుటుంబమంతా 2018, డిసెంబర్ 25న ప్రపంచంలోని అత్యంత ఎత్తైన భవనం 'బుర్జ్ ఖలీఫా' సందర్శించడానికి వెళ్ళాము. ఆరోజు సెలవుదినం కావడంతో అక్కడ భారీగా జనసమూహం ఉంది. అందువలన 124వ అంతస్తుకి వెళ్ళడానికి ఎలివేటర్(లిఫ్ట్) కోసం చాలా సమయం క్యూలో ఉండాల్సి వచ్చింది. మొత్తానికి చాలా సమయం వేచి 124వ అంతస్తుకి వెళ్ళాము. తరువాత మళ్ళీ క్రిందికి రావడానికి కూడా పెద్ద క్యూ ఉంది. అప్పటికే మాకు బాగా అలసటగా ఉండి, ఊపిరాడనంత ఇబ్బందిగా ఉంది. పైగా పాదాలు తీవ్రంగా నొప్పిపుడుతున్నాయి. పిల్లలు నిద్రమత్తులో పడి ఏమాత్రం నడవడానికి ఇష్టపడటం లేదు. మావారు మా 5 సంవత్సరాల బిడ్డని తన భుజాల మీద పడుకోబెట్టుకున్నారు. నాకు నిజంగా నిస్సహాయంగా అనిపించి, "బాబా! మాకు సహాయం చేయండి" అని ప్రార్థించాను. "విశ్వాసంతో భక్తిపూర్వకమైన ఒక్క పిలుపు చాలు" అని బాబా ఎల్లప్పుడూ చెప్తారు. అలా భక్తులు చేసే ప్రార్థనలకు ఆయన వెంటనే స్పందిస్తారు. నేను ప్రార్థించిన ఒక నిమిషంలోపు ఒక పొడవాటి స్త్రీ మా వద్దకు వచ్చి, "మీరు ఎంతమంది?" అని అడిగి, "మీరు క్యూ నుండి బయటకు రండి" అని పిలిచారు. తరువాత మాకు, మాతోపాటు మరికొందరికి మార్గదర్శనం చేస్తూ సర్వీస్ లిఫ్ట్ వరకు తీసుకుని వెళ్ళారు. ఆ లిఫ్ట్ ద్వారా మేము కొన్నిక్షణాల్లో క్రిందకు చేరుకున్నాము. నా కళ్ళలో నీళ్ళు కదిలాయి. ఆ మహిళ అంత జనంలో నేరుగా మాకు సహాయం చేయడానికి ఎలా వచ్చింది? పిలిచిన వెంటనే బాబాయే ఆ పొడవాటి స్త్రీ రూపంలో మా దగ్గరకు వచ్చి సహాయం చేసారు. ఈ సంఘటన గురించి ఆలోచిస్తే ఇప్పటికీ నా శరీరం రోమాంచితమవుతుంది. బాబా రాకకు హృదయపూర్వకమైన ఒక్క పిలుపు చాలని నిరూపించింది ఈ అనుభవం.
🕉 sai Ram
ReplyDelete