సాయిబంధువులందరికీ నమస్కారం. నేను సంబల్పూర్ నుండి సదాశివ. నాకు 2018, సెప్టెంబర్ నెల చివరిలో జరిగిన ఒక అనుభవాన్ని మీ అందరితో పంచుకుంటున్నాను. బాబా లీలలు అద్భుతం, అనంతం. నాలాంటి చదువురాని వాళ్ళు వాటిని చెప్పడం కూడా కష్టం. అందుకే నాకు జరిగిన అనుభవాలన్నీ మా మాధవి మేడమ్ గారికి చెప్తాను. ఆవిడే వ్రాసి ఇస్తూ ఉంటారు. ఇక విషయానికి వస్తే, ఈ అనుభవం జరగడానికి నాలుగురోజుల ముందు చంద్రుడిలో సాయిబాబా కనపడ్డారని అందరూ అంటూ ఉంటే విన్నాను. మా మేడమ్ గారు కూడా ఒకరోజు రాత్రి 10 గంటల సమయంలో ఫోన్ చేసి, "సదాశివా! చంద్రునిలో బాబా కనపడుతున్నారు, చూడు!" అని చెప్పారు. నేను వెంటనే బయటకు వెళ్లి చూసాను. కానీ నాకు ఏమీ కనపడలేదు. ఒక గంటపాటు అలా చూస్తూ ఉన్నా కానీ నాకు బాబా కనపడలేదు. ఇంతలో మా ఆఫీసు వాళ్ళు కూడా ఫోన్ చేసి ఇదేమాట చెప్పారు. నేను, "నాకు కనపడటం లేద"ని వాళ్లతో చెప్పాను. కానీ, "అందరికీ కనపడుతున్న బాబా నాకెందుకు కనపడటం లేదు? నేనేమి తప్పు చేశాను? నా నమ్మకంలో ఏమన్నా లోపం ఉందా?" అని ఒకటే దుఃఖం. నా మనసంతా అదే ఆందోళనతో నాకు ఆ రాత్రంతా నిద్ర పట్టనేలేదు. తరువాతరోజు మేడమ్ గారికి అదే విషయం చెపితే, "అరే, సదా! ఎందుకు టెన్షన్ పడతావు? బాబా ఏదోవిధంగా నీకు దర్శనం ఇస్తారులే" అని నన్ను శాంతపరిచారు. తరువాత ఆఫీసు నుంచి ఇంటికి వెళ్లి, భోజనం చేసి మాకున్న లేడీస్ కార్నర్ షాపుకు వెళ్లి కూర్చున్నాను. మనసులో మాత్రం వేదనగానే ఉంది. "బాబా! ఈరోజు రాత్రి అయినా చంద్రునిలో మీరు నాకు తప్పక కనపడాలి" అని అనుకుంటూ రాత్రి ఎప్పుడవుతుందా అని ఎదురుచూస్తున్నాను. ఇంతలో చాలా జోరుగా వాన పడింది. వాన నీళ్లు మా షాపు ముందు నుంచి ఒక నదిలా ప్రవహిస్తున్నాయి. ఆ నీళ్లలో మడతపడి ఉన్న ఒక పెద్ద బ్యానర్ లాంటిది వచ్చి, సరిగ్గా మా దుకాణం ముందు ఆగిపోయింది. ఎక్కడనుంచి వచ్చిందో తెలీదు గాని, వెంటనే వెళ్లి దానిని బయటకు తీసి నా షాపులోకి వెళ్లి దానిని తెరిచి చూసాను. అంతే! ఆనందం పట్టలేకపోయాను. అదొక పెద్ద బాబా ఫోటో. ఆ క్షణాన బాబా నాతో, "సదా! ఎక్కడో నేను చంద్రుడిలో ఉన్నానని, నీకు కనపడలేదని నీవు బాధపడుతున్నావు, కానీ చంద్రునిలోనే కాదు, నీళ్లలో కూడా నేనే వున్నాను, పంచభూతాలు సైతం నేనే, సృష్టి అంతటా అణువణువునా నిండి నిబిడీకృతమై ఉన్నాను, నన్ను నువ్వు ఎక్కడని వెతుకుతున్నావు" అన్నట్లు అనిపించింది. వెంటనే నా మనసు కుదుటపడింది. ఆ స్వామి పాపం నాకోసం వాన నీళ్లలో ప్రకటమయ్యారు. సర్వవ్యాపియైన సాయి - "చంద్రుడిలో కనపడలేదని నీకు దిగులెందుకు? నేను అంతటా ఉన్నాను" అని నాకు ఈ లీల ద్వారా తెలియజేసారు. ఇంకో లీలతో మళ్ళీ కలుస్తాను.
|
సాయి వచనం:-
|
|
|
Home »
నేటి భక్తుల అనుభవాలు
» నేను కేవలం చంద్రునిలోనే లేను - సృష్టి అంతటా అణువణువునా నిండి నిబిడీకృతమై ఉన్నాను.....
Chusavukadha.sai.adhi bhakthi ante..Edhi raasetappudu kuda naaku entho anandam anipinchindi.sadasiva lanti bhaktula leelalu raase avakasam echaru.thank u baba.
ReplyDeleteSadashiva is a blessed devotee
Deleteజై సాయి రామ్
ReplyDeleteOm Sairam
ReplyDeleteSai always be with me