ఈ భాగంలో అనుభవాలు:
1. బాబా తలుచుకుంటే అసాధ్యాన్ని కూడా సాధ్యం చేస్తారు!
2. బాబా చేసిన సహాయాలు
బాబా తలుచుకుంటే అసాధ్యాన్ని కూడా సాధ్యం చేస్తారు!
ఓం శ్రీసాయినాథాయ నమః. నా పేరు మనస్విని. నేను హైదరాబాద్ వాసిని. నాకు బాబా అంటే చిన్నప్పటినుండి చాలా ఇష్టం. ఎంత ఇష్టం అంటే ఏ గుడికి వెళ్లినా బాబా నామస్మరణే చేస్తాను. బాబా నా జీవితంలో చాలా అద్భుతాలు చేసారు. అందులో ఒకటి మీతో పంచుకుంటున్నాను. 2015లో నాకు పెళ్లైంది. నాకు పీసీఓడీ సమస్య ఉండటం వల్ల నేను గర్భవతినివ్వడం ఆలస్యమైంది
బాబా చేసిన సహాయాలు
ఓంసాయి శ్రీసాయి జయజయసాయి. ముందుగా సాయి భక్తులకు నా నమస్కారాలు. నా పేరు జ్యోతి. నేను విజయనగరం నివాసిని. ఒకరోజు ఉదయం నిద్రలేస్తూనే నా మెడ కిందభాగంలో బాగా నొప్పి వచ్చింది. అది కాస్త ఎడమ చేయివరకు వెళ్లి, అక్కడ నుంచి గుండెకు చేరి తీవ్రమైన నొప్పి అనిపించి చెమటలు పట్టేసాయి. నేను తట్టుకోలేక సాయిబాబాని తలుచుకొని, ఊదీ రాసుకొని ఏడుస్తూ బాబాని ప్రార్థించాను. కొద్దిసేపట్లోనే నొప్పి ఉపశమించింది. అలాగే ఒకసారి కడుపునొప్పి విపరీతంగా వచ్చి చాలా ఇబ్బందిపడ్డాను. అప్పుడు బాబాని తలుచుకొని, 'ఓం శ్రీసాయి ఆరోగ్యప్రదాయ నమః' అని చదువుకుంటూ బ్లాగులో వ్రాసాను. బాబా దయవల్ల నొప్పి ఉపశమించింది.
మా పిల్లల స్కూలు ఉదయం 8:30 నుండి సాయంత్రం 5:30 వరకు ఉంటుంది. పిల్లలు స్కూల్ నుండి వచ్చిన తర్వాత రాత్రి పడుకునేవరకు ఫోన్, టీవీ చూస్తూ లేదా ఆటలు ఆడుతూ గడిపేస్తారు. చదవడం తక్కువ, ఆటలే ఎక్కువ. అందుకని నేను వాళ్ళను ట్యూషన్‌కి పంపాలని అనుకున్నాను. కానీ పిల్లలిద్దరూ ట్యూషన్‌కి వెళ్లమని మారం చేశారు. అప్పుడు నేను సాయిబాబాను తలుచుకుని, "పిల్లలు ట్యూషన్‌కి వెళ్లేలా చూడు తండ్రీ" అని వేడుకున్నాను. అదేరోజు సాయంత్రం పిల్లలిద్దరూ ట్యూషన్‌కి వెళ్లారు. ఇలా బాబా నాకు చాలా చాలా సహాయాలు చేశారు. నాకు తోడుగా ఉన్నారు. 'నేనున్నాను, నీకేం భయం లేదు. నువ్వు సంతోషంగా, ఆరోగ్యంగా ఉంటావని' సందేశం ఇస్తూనే ఉన్నారు. "ధన్యవాదాలు బాబా. మీరు నా తోడు లేకుంటే నేను ఏమైపోతానో తండ్రీ. ఎప్పుడూ నాకు తండ్రిలా తోడుగా ఉండి కాపాడుతున్నందుకు చాలా చాలా ధన్యవాదాలు బాబా".
