ఈ భాగంలో అనుభవాలు:
1. తల్లిదండ్రుల్లా చూసుకుంటున్న బాబా
2. సాయి దయవలన తీరిన సమస్య
తల్లిదండ్రుల్లా చూసుకుంటున్న బాబా
నేను ఒక సాయి భక్తురాలిని. మేము యుఎస్ఏలో ఉంటున్నాము. ఒకసారి మా కుటుంబం, మరో 3 కుటుంబాలు కలిసి డిస్నీ, యూనివర్సల్ స్టూడియో చూడటానికి ఫ్లోరిడా వెళ్ళాలని ప్రణాళిక వేసుకున్నాము. అక్కడ పిల్లలకు సంబంధించిన అన్ని రకాల రైడ్స్ ఉంటాయి. కానీ
అవి అడ్వెంచర్ పార్కుల వంటివి అయినందున అక్కడ ఎప్పుడూ రద్దీ ఉంటుంది. ఆ విషయం అలా ఉంచితే, మేము ట్రిప్‌కి వెళ్ళడానికి ముందు నాకు నెలసరి ముందొచ్చే నొప్పులు వచ్చాయి. దాంతో నాకు చాలా ఆందోళనగా అనిపించింది. ఎందుకంటే, ట్రిప్‌లో మేము చాలా నడవాలి. అధిక నొప్పులతో నేను ఎలా వెళ్ళగలనని నాకు భయమేసి బాబాను ప్రార్థించి, ఊదీ నీళ్లు తాగాను. అద్భుతం! ఊదీ నీళ్లు నిజంగా చమత్కారం చేసాయి. ఆ రోజు నుండి నెలసరి వచ్చేవరకు నాకు నొప్పిలు రాలేదు. "ఈ కలియుగంలో మాకు చక్కటి ఔషధం ఇచ్చినందుకు చాలా ధన్యవాదాలు బాబా".
మేము ముందుగా అనుకున్నట్లు ఒకరోజు యూనివర్సల్ స్టూడియోకి వెళ్ళాము. అక్కడ నేను, పది సంవత్సరాల నా ఫ్రెండ్ కొడుకు ఒక రైడ్, ఆ పిల్లాడి కుటుంబం మరొక రైడ్ తీసుకోవాలనుకొని క్యూలైన్‌లో నిల్చున్నాము. అప్పుడు ఆ పిల్లాడు, "నేను వాష్ రూమ్‌కి వెళ్ళొస్తాను. నేను పని పూర్తిచేసుకొని తిరిగి రాగలను కాబట్టి మీరు చింతించాల్సిన అవసరం లేదు" అని చెప్పాడు. నేను కూడా తను అన్ని చదవగలడు కాబట్టి, ఒంటరిగా వెళ్లి రాగలడని తలచి తను వెళ్ళడానికి అనుమతించి నేను క్యూలైన్‌లోనే ఉన్నాను. కానీ 15, 20 నిమిషాలైనా ఆ పిల్లాడు తిరిగి రాలేదు. దాంతో నేను చాలా ఆందోళన చెంది క్యూలైన్ నుండి బయటకు వెళ్లి తనకోసం వెతకసాగాను. కానీ 30 నిమిషాలు గడిచినా ఎక్కడా తన ఆచూకీ కనిపించలేదు. నేను చాలా భయపడి ఆ పిల్లాడి తల్లికి విషయం చెప్పాను. అయితే ఆమె పిల్లాడు తిరిగి రాగలడన్న నమ్మకంతో వుంది. కానీ నాకు చాలా ఆందోళనగా ఉండి, ప్రతికూల ఆలోచనలు వచ్చాయి. అప్పుడు నేను బాబాను ప్రార్థించి 'ఓం సాయిరామ్' అని నిరంతరాయంగా జపించాను. కొంతసేపటికి ఆ పిల్లాడి కుటుంబం నేను ఉన్న దగ్గరకి వచ్చింది. ఆ పిల్లాడి తండ్రి పిల్లాడికోసం వెతకడానికి వెళ్ళాడు. నేను బాబాతో, "ఆ పిల్లాడి తండ్రి పిల్లాడిని తీసుకొచ్చేటట్టు చే
నేను ధ్యానం చేయడం మొదలుపెట్టిన కొన్నిరోజుల తర్వాత నా తల కుడి భాగంలో చాలా నొప్పిగా, బాగా వేడిగా అనిపిస్తుండేది. అప్పుడు నేను బాబాను, 'ధ్యానం కొనసాగించాలా, వద్దా' అన్న విషయంలో నాకు మార్గనిర్దేశం చేయమని' అడిగాను. నా మనసుకి బాబా కొనసాగించమని చేస్తున్నట్లు అనిపించింది కానీ, "బాబా! దయచేసి ప్రత్యక్షంగా లేదా పరోక్షంగా తెలియజేయండి. లేదా ధ్యానానికి సంబంధించిన ఏదైనా సోషల్ మీడియా పోస్ట్ నా కంటపడేలా చేయండి" అని బాబాతో చెప్పుకున్నాను. మీరు నమ్మరుగాని, రెండు రోజుల తర్వాత బాబా ఫోటోతోపాటు "బిడ్డా! ఉదయం నిద్రలేచిన తర్వాత ధ్యానం చేయి. స్నానానంతరం నుదిటిపై ఊదీ పెట్టుకో. నువ్వు ఈ సలహాను పాటిస్తే ఏ వ్యక్తి లేదా ఏ గ్రహం నీ విజయాన్ని ఆపలేరు" అన్న సందేశం చూసాను(ఆ ఫోటో కింద జతపరుస్తున్నాను). దాన్ని చూసి నేను చాలా ధన్యురాలినని అత్యంత సంతోషించాను. "ప్రతిక్షణం మాతో ఉంటూ మమ్మల్ని జాగ్రత్తగా చూసుకుంటున్నందుకు చాలా ధన్యవాదాలు బాబా. మీరు మాకు తల్లి, తండ్రి, సమస్తం బాబా".
సాయి దయవలన తీరిన సమస్య
నా పేరు వాసంతి. మాది హైదరాబాద్. మేము మా ఇంటిని అవసరానికి ఒక ప్రవేట్ బ్యాంకులో తాకట్టు పెట్టాము. ఆ బ్యాంకు వల్ల మేము EMI సమయానికి కడతామన్నా వాళ్ళు కట్ఠంచుకోకుండా ఆలస్యం చేసి ఫైన్ వేయడం, చెక్ బౌన్స్ అవ్వడం వంటి ఇబ్బందులు వస్తుండేవి. దాంతో మేము వేరొక బ్యాంకుకి మారదలచి ఇంకో బ్యాంకులో లోన్‌కి అప్లై చేసాము. ఆ బ్యాంకువాళ్ళు లోన్ ఇవ్వడానికి ఒప్పుకున్నారు కూడా. కానీ మొదటి బ్యాంకువాళ్ళు కావాల్సిన పేపర్లు, క్లోజింగ్ లెటర్స్ ఇవ్వడం కష్టమని, అందుకు చాలారోజులు పడుతుందని అన్నారు. అప్పుడు నేను, "త్వరగా ఆ బ్యాంకు నుండి కావాల్సిన పేపర్లు ఇప్పించమ"ని సాయినాథునికి నమస్కరించుకున్నాను. అంతే, ఏ సమస్య లేకుండా కావాల్సిన పేపర్లన్నీ తొందర్లోనే అందాయి. మాకన్నా ముందు ఎప్పటినుండో ఆ పేపర్లో కోసం ప్రయత్నిస్తున్న వారికి ఇంకా ఆ పేపర్లు అందలేదని వాళ్లే చెప్పారు. సాయి దయవలన మా సమస్య మాత్రం తీరింది. "ధన్యవాదాలు బాబా. మీ కృప అందరిపైనా ఉండాలి తండ్రీ".
