ఈ భాగంలో అనుభవాలు:
1. 'నేనున్నాను' అనే భరోసా ఇచ్చిన బాబా
2. పంట బాగా పండడానికి వర్షం రాకుండా సహాయం చేసిన బాబా
'నేనున్నాను' అనే భరోసా ఇచ్చిన బాబా
నా పేరు శ్రీవాణి. నేను ఇప్పుడు పంచుకోబోయే అనుభవం చాలా సామాన్యమైనది కానీ, సాయి ఇచ్చిన భరోసా చాలా అమోఘమైనది. నేను చాలా సంవత్సరాల నుంచి ఒంటరితనం వల్ల డిప్రెషన్తో బాధపడుతున్నాను. ఆ పరిస్థితి ఎంత దారుణంగా ఉంటుందంటే, రోజంతా ఆకారణంగా ఏదో మనోవ్యధ, గుండె నిండా ఏదో బాధ, భారం ఉన్నట్టు ఉంటుంది. ఎవరైనా ఆప్యాయత చూపిస్తూ, ఓదార్పు మాటలు మాట్లాడితే కొంచెం ఉపశమనంగా అనిపిస్తుంటుంది. అందుకని మనసెప్పుడూ ఒక సాయి(భక్తుల)స్నేహం కోసం ఆశిస్తూ ఉంటుంది. ఎందుకంటే, మనకన్నా ఆధ్యాత్మిక జ్ఞానం, సాయి భక్తిలో ఒక మెట్టు పైన ఉన్నవారి సత్సంగత్యం మనల్ని సాయిబాబాకి సన్నిహితంగా ఉంచుతూ మాయకి దూరం చేస్తుందని అంటారు. కాబట్టి సాయి పరమైన చర్చ, సాయి విషయాలు, భావాలు పంచుకుంటూ, సాయి ప్రేమ తెలుసుకుంటూ ఒంటరితనం కూడా పోగొట్టుకోవచ్చని నేనెప్పుడూ బాబాని ఈ విషయం గురించే ప్రార్థిస్తూ అలాంటి భక్తుల స్నేహం కోసం ప్రయత్నించేదాన్ని. కానీ ఇం
పంట బాగా పండడానికి వర్షం రాకుండా సహాయం చేసిన బాబా
నా పేరు అమర్నాథ్. సాయి పాద పద్మాలకు నమస్కరిస్తూ నా అనుభవాన్ని పంచుకుంటున్నాను. సాయి కృపతో ఈ సంవత్సరం మా వరి పంట చక్కగా పండింది. తర్వాత మేము శనగ పంట వేసాము. శనగ పంట గాలిలో తేమతోనే పండుతుంది. అయితే పంట మంచిగా ఉన్నప్పుడు వర్షాలు పడే సూచన ఉందని వార్తలు వచ్చాయి. కొన్నిచోట్ల వర్షాలు పడ్డాయి కూడా. వర్షం కురిస్తే పంట అంతా పాడైపోతుంది. కనీసం ఖర్చులు కూడా రావు. అందువల్ల నేను, "వర్షం కురవకూడద"ని బాబాకి దణ్ణం పెట్టుకొని ఆ రాత్రంతా బాబాను తలుచుకుంటూ పడుకున్నాను. బాబా దయ చూపారు. మా చుట్టుపక్కల ఊర్లలో వర్షం కురిసినా మా ఊరిలో చిన్న జల్లు పడి ఆగిపోయింది. పంట బాగా పండింది. "ధన్యవాదాలు బాబా. మమ్ము ఎల్లప్పుడూ ఇలాగే చల్లగా కాపాడు తండ్రీ. త్వరలో మీ దర్శన భాగ్యం ప్రసాదించండి బాబా".
