ఈ భాగంలో అనుభవాలు:
1. బాబా చేసిన అద్భుతం
2. బాబా చేసిన చిన్న సహాయం
బాబా చేసిన అద్భుతం
నా పేరు జగదీశ్వర్. 2026, ఏప్రిల్లో మా అమ్మాయి, అబ్బాయిల పెళ్ళిల్లు జరిగాయి. అనంతరం నా ఆర్థిక పరిస్థితి చాలా ఇబ్బందికరంగా మారింది. మరోపక్క నేను కొన్ని చోట్ల డబ్బులు ఇవ్వాల్సి ఉంది. చేతిలో చిల్లిగవ్వ లేనందున నాకు ఏం చేయాలో అర్ధం కాలేదు. అటువంటి స్థితిలో నేను, "బాబా! మీరే ఏదో ఒక మార్గం చూపించండి" అని బాబాను వేడుకొన్నాను. అంతే! అత్యంత విచిత్రంగా నా ఎఱుకలో లేని డబ్బులు వచ్చాయి. ఎలా అంటే, ఆగస్టు 9న ఇన్కమ్ టాక్స్ రీఫండ్స్ అని 2022-23 సంవత్సరానికి 79,630 రూపాయలు, 2023-24 సంవత్సరానికి 5,690 రూపాయలు, 2024-25 సంవత్సరానికి 860 రూపాయలు, ఇంకా 2025-26 సంవత్సరానికి 90,740 రూపాయలు మొత్తం కలిపి దాదాపు 1,77,000 రూపాయలు నా అకౌంటులో జమయ్యాయి. కొద్దిసేపు నేను నమ్మలేకపోయాను. కానీ నిజంగా అంత డబ్బు వచ్చాయి. వాటి గురించి నాకు అస్సలు తెలీదు, నా ఊహలో కూడా లేవు. నిజంగా ఇది బాబా చేసిన అద్భుతం.
మా అబ్బాయి పెళ్లి తర్వాత ఒక రెసిడెన్షియల్ ఓపెన్ ప్లాట్ తీసుకుందామని హైదరాబాద్లోని శామీర్పేటలో ఏకో నెస్ట్ వారి వెంచర్లో ప్లాట్ నెంబర్ 89 చూసి, తనకి అది నచ్చడంతో అడ్వాన్స్ ఇచ్చాడు. తర్వాత మా అబ్బాయి, కోడలు మే, 13న యుఎస్ఏ వెళ్ళిపోయారు. వాళ్ళు భౌతికంగా లేకపోయినా, మేము వాళ్ళు ఇచ్చిన ఆథరైజేషన్ ఫారంతో బాబా అనుమతి తీసుకొని జూన్ 3న మా అబ్బాయి అడ్వాన్స్ ఇచ్చిన ప్లాట్ రిజిస్ట్రేషన్ చేయించాము. అయితే 2, 3 రోజుల్లో డాక్యుమెంట్ వస్తుందనుకుంటున్న సమయంలో మేము కొన్న ల్యాండ్ ప్రొహిబిటెడ్ ల్యాండ్లో ఉన్నట్లు జీ.ఓ. వచ్చిందని రిజిస్ట్రేషన్ డాక్యుమెంట్ ఇవ్వకుండా ఆపేసారు. వెంచర్వాళ్ళని అడిగితే, మేం కొన్న 89వ ప్లాట్ ప్రొహిబిటెడ్ ల్యాండ్ కాదుని, అదే విషయం జిల్లా కలెక్టరుకి క్లారిఫికేషన్ ఇస్తూ రిప్రజెంటేషన్ చేశామని, కొద్దిగా సమయం పట్టినా, డాక్యుమెంట్ తప్పక వస్తుందని చెప్పారు. మేము ఎన్నిసార్లు అడిగినా అదే జవాబు చెప్పారు. దాదాపు కోటి రూపాయలు పెట్టి కొన్న ల్యాండ్, ఇలా అవుతుండడంతో మేము చాలా టెన్షన్ పడ్డాము. నేను బాబాకి దణ్ణం పెట్టుకొని, "బాబా! మీ అనుమతితోనే, ల్యాండ్ రిజిస్ట్రేషన్కి వెళ్ళాము. మరి ఇలా ఎందుకు అవుతుందో తెలియదు. మీరు దయ చూపి డాక్యుమెంట్ తొందరగా వచ్చేలా అనుగ్రహించండి" అని వేడుకున్నాను. అంతే! చకచకా అడ్డంకులన్నీ తొలగిపోయి క్లారిఫికేషన్ వచ్చాక జూలై 30న డాక్యుమెంట్ రిలీజ్ అయింది. ఆగస్టు, 6 బాబావారం(గురువారం) నాడు నేను హైదరాబాద్ వెళ్లి డాక్యుమెంట్ తీసుకున్నాను. "ధన్యవాదాలు బాబా".
బాబా సాయి చరణం.
సర్వదా శరణం శరణం.
బాబా చేసిన చిన్న సహాయం
సాయిబంధువులందరికీ నమస్కారం. నా పేరు ఆదిలక్ష్మి. మేము మా ఇంటికి రిపేర్లు(పెయింటింగ్, ఇంటీరియర్, కరెంట్, ఇంకా కొన్ని అవసరమైన పనులు) చేయించుకోవాలని చాలా రోజులుగా అనుకుంటున్నాము. ఆ విషయమై మా ఇంట్లో చాలాసార్లు చర్చ జరిగిన మీదట చివరికి మావారు ఒప్పుకొని, "ముఖ్యమైన పనులు మాత్రమే చేయించుకోండి. అనవసరమైన వాటికి ఎక్కువ ఖర్చు పెట్టడం ఎందుకు?” అని అన్నారు. కానీ మేము ఉన్నంతలో కొంచెం బాగా, అందంగా చేయించుకుందామనుకున్నాము. ఇంటీ
