సాయిభక్తుల అనుభవమాలిక 1911వ భాగం....

---

ఈ భాగంలో అనుభవాలు:

1. ఎప్పుడూ వెన్నంటే ఉండే బాబా

2. చిన్నచిన్న విషయాలే అయినా తోడుగా తామున్నామన్న సంపూర్ణ విశ్వాసాన్నిస్తున్న బాబా

---

ఎప్పుడూ వెన్నంటే ఉండే బాబా 

నా పేరు జ్యోతిర్మయి. మాది నెల్లూరు. మాకు కారు ఉంది. దాని ఇన్సూరెన్స్ అయిపోయి ఒక సంవత్సరం అయింది. ఆర్థిక సమస్యల వల్ల చేయించలేదు. మావారు కారుని ట్రావెల్స్ కి తిప్పుతారు. అందులో భాగంగా తరచూ చెన్నై వెళ్తుంటారు. చెన్నైలో ఎక్కడో ఒక చోట  ఏపీ వాహనాలు చెక్ చేస్తుంటారు. మావారు 4, 5 సార్లు ఇన్సూరెన్స్ లేని కారణంగా జరిమానా కట్టారు. అందువల్ల చెన్నైకి వెళ్లాలంటేనే ఎక్కడ పోలీసులు ఆపుతారో అని భయమేసేది. మావారు వచ్చిన డబ్బులు పోలీసులకి ఇచ్చేస్తే మనకు ఇంకేమి మిగులుతాయి, ఇన్సూరెన్స్ చేయించుకోవాలి అంటుండేవాడు. కానీ అందుకు కావాల్సిన డబ్బులు ఉండేవి కావు. చివరికి 2024, ఆగస్టు 21న మావారు అప్పు చేసి అయినా ఇన్సూరెన్స్ చేయించుకోవాలి, పోలీసులు బాగా ఆపుతున్నారని అన్నారు. నేను, "అప్పు చేయడం ఏం వద్దు. బాబా దయవల్ల ఏం కాదు. మీరు నా బాబాని నమ్మండి. ఏం కాదు" అని చెప్పాను. అదేరోజు మర్నాడు అంటే ఆగస్టు 22న చెన్నై వెళ్లేందుకు బాడుగ వచ్చింది. ఆ రాత్రంతా మావారికి నిద్రలేదు. ఒకటే టెన్షన్ పడ్డారు. నేను, "ఏం కాదులే బాబా చూసుకుంటార"ని ధైర్యం చెప్పాను. ఉదయం 5 గంటలకి మావారు ఇంటి నుంచి బయలుదేరుతుంటే నేను, "బాబాని తలచుకోమ"ని చెప్పాను. అప్పుడు మావారు బాబాకి దణ్ణం పెట్టుకొని వెళ్లారు. ఆయన వెళ్లిన తరువాత నేను, "బాబా! మా కారుని ఏ పోలీసులు ఆపకూడదు" అని బాబాతో చెప్పుకున్నాను. బాబా దయవల్ల పోలీసులు ఆపలేదు. మొదటిసారి జరిమానా కట్టకుండా మావారు ఇంటికి వచ్చారు. ఇదంతా బాబా దయ కాకపోతే ఇంకా ఏంటి? "ధన్యవాదాలు బాబా. మేము 7 సీటర్ కారు కొనాలనుకుంటున్నాం. మీరే మా కోరిక తీర్చాలి బాబా".

---

చిన్నచిన్న విషయాలే అయినా తోడుగా తామున్నామన్న సంపూర్ణ విశ్వాసాన్నిస్తున్న బాబా

ఓం శ్రీసాయినాథాయ నమః. సాయి బంధువులందరికీ నా నమస్కారములు. నా పేరు విజయ. మాది కాకినాడ. బాబా నాతోనే ఉన్నారు. కంటికి కనిపించకపోయినా పరిస్థితులు అనుకూలంగా మారుస్తూ తమ ఉనికిని తెలియజేస్తున్నారు. ఒకసారి నేను స్టావ్ మీద ఇడ్లీలు పెట్టి, అవి ఉడుకుతున్నప్పుడు వచ్చే ఆవిరి బయటకు పోవడానికి చిమ్నీ ఆన్ చేశాను. మధ్యలో కరెంటు పోయి చిమ్నీ ఆగిపోయింది. అప్పుడు నేను ఒకసారి బాబాకేసి చూసి, "ఇలా అయ్యిందేంటి?" అనుకున్నాను. మరుక్షణం కరెంట్ వచ్చి చిమ్ని ఆన్ అయింది.

2024, ఆగస్టు 21న నాకు చాలా తలనొప్పి వచ్చింది. సమయానికి నాకు కావాల్సిన టాబ్లెట్ లేదు, వేరేది ఉంది. అది తలనొప్పికి సంబంధించిందేగాని నాకు అన్ని టాబ్లెట్లు పడవు, అలర్జీ వస్తుంది. అందుకని నేను ఆ టాబ్లెట్ వేసుకోలేదు. అసలు ఏ టాబ్లెటూ వేసుకోలేదు. "తలనొప్పి తగ్గించమ"ని బాబానే అడిగి అలాగే నిద్రపోయాను. పొద్దున్న లేచేసరికి.నాకు తలనొప్పి లేదు. ఇలా ఎప్పుడూ జరగలేదు. అసలు టాబ్లెట్ వేయకుండా నాకు తలనొప్పి తగ్గడం అనేది నా జీవితంలో లేదు. ఒక్కోసారి రెండు టాబ్లెట్లు కూడా వేసుకోవాల్సి వచ్చేది. అలాంటిది ఏ టాబ్లెటూ వేసుకోకపోయినా నాకు బాధ తగ్గడం బాబా చేసిన మిరాకిల్‌గా భావిస్తున్నాను.

సంవత్సరం క్రితం వరకు నేను బాబా లైవ్ హారతి చూసేదాన్ని కాదు. విన్నా నాకు అర్థమయ్యేది కాదు. అలాంటిది శిరిడీ వెళ్లొచ్చినప్పటి నుండి నాకు వీలు కుదిరినప్పుడల్లా అవకాశాన్ని బట్టి రోజులో రెండు, మూడుసార్లు బాబా లైవ్ హారతి పెట్టుకొని పుస్తకం చూస్తూ హారతి పాడటం మొదలుపెట్టాను. ఇప్పుడు అవి దాదాపుగా నా నోటికి వచ్చాయి. ఒకరోజు పొద్దున్న మా అమ్మాయితో మాట్లాడుతూ మధ్యాహ్న హారతి మర్చిపోకుండా పెట్టుకొని వినాలనుకున్నాను. మా అమ్మాయితో మాట్లాడటం అయిపోయాక పాటలు పెట్టుకొని వినసాగాను. నేను ప్రతిరోజు బాబాకి సంబంధించిన హిందీ పాటలు పెట్టుకొని వింటూ పని చేసుకుంటాను. అవి వరుసగా ఒకదాని తర్వాత ఒకటి వస్తూ ఉంటాయి. ఆరోజు కూడా పాటలు పెట్టుకొని ఏదో పని చేసుకుంటున్న నేను టైమ్.చూసుకోలేదు. అందువల్ల 12:00 దాటిపోయినా నేను లైవ్ హారతి పెట్టుకోలేదు. అయితే సరిగా లైవ్‌లో హారతి మొదలయ్యే సమయానికి అద్భుతం జరిగింది. హఠాత్తుగా తరువాత పాట రావడం ఆగిపోయి మధ్యాహ్న హారతి వచ్చేసింది(అంటే లైవ్ కాదు. వినడానికి మాత్రమే). అసలు అలా ఎప్పుడూ జరగలేదు. ఒక పాట తర్వాత మరొక పాట రావడం తప్ప పాటల మధ్యలో హారతి ఎప్పుడూ రాలేదు. మొదటిసారి అలా జరిగింది. హారతి రావడం 12 గంటలకు ముందు రావచ్చు, 12.30 తర్వాత కూడా రావచ్చు. కానీ శిరిడీలో హారతి ఇచ్చే సమయానికే నేను మధ్యాహ్న హారతి వినడం జరిగింది. అంతేకాక, బాబాకు ఉదయం హారతి, మధ్యాహ్న హారతి, సాయంత్రం హారతి, శేజ్ హారతి అని నాలుగు హారతులు ఉంటాయి. మధ్యాహ్న హారతి కాకుండా మిగిలిన మూడు హారతులలో ఏదైనా రావచ్చు. కానీ మధ్యాహ్న హారతి మాత్రమే నేను వినేలా బాబా ఏర్పాటు చేశారు. నేను చాలా ఆశ్చర్యపోయాను. పని చేసుకుంటూనే హారతి వింటూ కొంచెం గొంతు కూడా కలిపాను. బాబా నా మనసెరిగి నేను ప్రత్యేకంగా లైవ్ హారతి పెట్టుకోకపోయినా మధ్యాహ్న హారతి వినిపించారు. ఇవి చిన్నచిన్న విషయాలే కావచ్చు కానీ నాకు సంతోషాన్ని, ధైర్యాన్ని, భరోసాని, బాబా నాతో ఉన్నారన్న సంపూర్ణ విశ్వాసాన్ని ఇస్తున్నాయి. "అన్నింటికీ అనేక కృతజ్ఞతలు, నమస్కారాలు బాబా".

---

Read More

సాయిభక్తుల అనుభవమాలిక 1910వ భాగం....

---

ఈ భాగంలో అనుభవం:

• శ్రీసాయి అనుగ్రహధారలు

---

సాయి భక్తులందరికీ నమస్కారం. ఎలాంటి పరిస్థితిల్లో అయినా 'బాబా' అని తలుచుకోగానే వెన్నంటే నిలిచి నేను తోడుగా ఉన్నానని దైర్యాన్నిచ్చే బాబా మన జీవితంలో ఉండటం మన అందరి అదృష్టం. ఒకసారి నా ఆరోగ్యం బాగాలేదని చెకప్ చేయించుకుంటే డాక్టరు, 'హిమోగ్లోబిన్ లెవెల్స్ చాలా తక్కువగా ఉన్నాయని, రక్తం తక్కువగా ఉందని' మందులిచ్చి, వాటితోపాటు మంచి ఆహారం తీసుకోవాలని, ముఖ్యంగా ఐరన్ ఎక్కువగా ఉన్న ఆహారం తినాలని చెప్పారు. డాక్టర్ చెప్పినట్లు మంచి ఆహారం తీసుకోవడం నేను ఆఫీసుకి వెళ్తే కుదరదు, ఇంట్లో ఉంటేనే చేయగలనని మా మేనేజరుని ఒక రెండు వారాలు WFH(వర్క్ ఫ్రమ్ హోమ్) అడుగుదామనుకున్నాను. కానీ ఆమె ఒప్పుకుంటుందో, లేదోనని టెన్షన్ వేసింది. ఎందుకంటే, అప్పటికే 2 వారాల నుండి నేను WFH చేస్తున్నాను. అందువల్ల నేను, "ఎలాగైనా ఒప్పుకునేలా చేయమ"ని బాబాని ప్రార్థించి మా మేనేజర్‌కి రిపోర్టులన్నీ పెట్టి WFH అడిగాను. ఆమె ఆ రిపోర్టులు చూసిన వెంటనే 'హిమోగ్లోబిన్ లెవెల్ చాలా తక్కువ ఉంది. మందులు, ఆహారం మంచిగా తీసుకోమని' చెప్పి WFHకి అనుమతి ఇచ్చింది. నిజానికి ఆమె ఏదో ఒకటి అంటుందనుకున్నాను. కానీ ఏమీ అనకుండా ఒప్పుకునేలా చేసింది బాబానే అని నా నమ్మకం. ఇకపోతే, ఇంకో వారం WFH పొడిగించుకుందామనిపించి ఆ విషయం గురించి  మా మేనేజర్‌తో ఏమీ చర్చించకుండా నేరుగా ఆమెకి మెయిల్ పెట్టి అనుమతి అడిగాను. దానికి ఆమె ఏమంటుందోనని భయమేసి, "బాబా! ఏమీ అనకుండా అనుమతి ఇచ్చేలా చేయండి" అని బాబాని ప్రార్థించాను. బాబా దయవల్ల ఆమె నన్ను ఏమీ అనలేదు. "చాలా చాలా ధన్యవాదాలు బాబా. మీ దయను నేను ఎప్పటికీ మార్చిపోలేను. దయచేసి నా ఆరోగ్యం బాగుండేలా చేసి మంచి ఆరోగ్యాన్ని ప్రసాదించు తండ్రీ".

ఈమద్య మా ఆఫీసులో కొత్త ప్రాజెక్ట్ వచ్చింది. ఆ ప్రాజెక్ట్‌కి సంబంధించి చాలా పని ఉంటుందని, చాలా మందిని ఆ ప్రాజెక్ట్‌లో వేస్తున్నారని మా ఆఫీసులో అందరూ అనుకున్నారు. ఇలా ఉండగా మా మేనేజర్ నా ప్రాజెక్టుల గురించి మాట్లాడాలని నాకు మెసేజ్ చేసింది. దాంతో నన్ను కూడా ప్రాజెక్ట్ మారుస్తారేమో అని చాలా భయమేసింది. అసలే నాకు ఆరోగ్యం బాగాలేదు. పగలూరాత్రీ పని అంటే నేను చేయలేనని నాకు మనశ్శాంతి లేకుండా పోయింది. అప్పుడు నేను, "ఎలా అయినా నన్ను ప్రాజెక్ట్ మార్చకుండా ప్రస్తుత ప్రాజెక్ట్‌లోనే ఉంచేలా చేయండి" అని బాబాను ప్రార్థించాను. ఎందుకంటే, నేను అప్పటికి చేస్తున్న ప్రాజెక్ట్స్ కొంచం ప్రశాంతంగా ఉంటాయి. పైగా వాటి గురించి నాకు అంతా తెలుసు. బాబా దయవల్ల నన్ను ప్రాజెక్ట్ మార్చలేదు, ప్రస్తుత ప్రాజెక్ట్‌లోనే ఉంచారు. మా మేనేజర్ కూడా ప్రాజెక్ట్స్ గురించి మాట్లాడటానికి నాకు మళ్ళీ మెసేజ్ పెట్టలేదు. "చాలా చాలా ధన్యవాదాలు బాబా. ఇదంతా మీ వల్లే జరిగింది తండ్రీ, ఇక ముందు కూడా ప్రాజెక్ట్ మార్పు చేయకుండా ప్రశాంతంగా పని చేసుకొనే వాతావరణం ఉండేలా చేయండి తండ్రీ, ప్లీజ్!".

నేను పని చేస్తున్న ప్రాజెక్ట్ లైవ్‌కి వెళ్ళాక చాలా సమస్యలు వచ్చాయి. 2 రోజులు పని అయి పడుకునేసరికి దాదాపు రాత్రి ఒంటిగంట అయింది. ఇంకోరోజు అంతకంటే ఎక్కువ సమయం అయింది. అటువంటి పరిస్థితిల్లో నేను, "బాబా! క్రిటికల్ సమస్యలు వచ్చినప్పుడు ఏదో ఒక దారి చూపించి, అవి పరిష్కారమయ్యేలా చేయమ"ని బాబాని ప్రార్థించాను బాబా ఎన్నోసార్లు సమస్యలను పరిష్కారం అయ్యేలా చేసారు. "ధన్యవాదాలు బాబా. ఇక ముందు ఏ సమస్యలు రాకుండా ప్రశాంతంగా ఉండేలా చేయండి తండ్రీ".  

ఒకరోజు ఉదయం నిద్ర లేచిన తర్వాత మా నాన్న హఠాత్తుగా తన చేయి నొప్పిగా ఉందని అన్నారు. అప్పటినుంచి ఆ నొప్పి తగ్గలేదు. నేను, "ఎలా అయినా నాన్నకి నొప్పి తగ్గాలి" అని బాబాను ప్రార్థించి నాన్న చేతికి ఆయింట్మెంట్ రాయసాగాను. అప్పుడు కూడా బాబాని తలుచుకుంటూ ఆయనే నాన్నకి ఆయింట్మెంట్ రాస్తున్నట్లు, నయం చేస్తారని అనుకున్నాను. బాబా దయవల్ల మరుసటిరోజు నాన్న నొప్పి తగ్గిందన్నారు. అయినా ఆరోజు రాత్రి కూడా నాన్నకి ఆయింట్మెంట్ రాసాను. కానీ నాన్న నొప్పి మళ్ళీ వచ్చిందన్నారు. అప్పుడు నేను ఇలా కాదని, "బాబా! ఎలా అయినా ఈ సమస్యకి శాశ్వత పరిష్కారం ఇచ్చి నొప్పి పూర్తిగా తగ్గేలా చేయండి" అని బాబాని ప్రార్థించాను. మా సిస్టర్ ఒకరు డాక్టర్. నాన్న తనకి కాల్ చేసి విషయం చెప్తే, "నరం పట్టినా, నరం మీద నరం ఎక్కినా అలా నొప్పి వస్తుంది" అని తను చెప్పి మాత్రలు, ఒక ఆయింట్మెంట్ ఇచ్చి తగ్గిపోతుంది అని చెప్పింది. ఆ మాత్ర వేసుకొని, ఆయింట్మెంట్ రాసుకోగానే నాన్న నొప్పి తగ్గిందని చెప్పారు. నేను ఆనందంగా, "చాలా థాంక్స్ బాబా. హాస్పిటల్‌కి వెళ్ళకుండా సమయానికి మా సిస్టర్‌కి కాల్ చేసే ఆలోచననిచ్చి నొప్పి తగ్గేలా చేసారు. ఇకపై ఆ నొప్పి రాకుండా ఉండేలా చూడు తండ్రీ" అని బాబాకి చెప్పుకున్నాను. తర్వాత రెండు రోజులకి నాన్న ఏ చేయికైతే ముందు నొప్పి వచ్చిందో అదే పక్క కాలు నరం పట్టి నొప్పి వచ్చింది. నాకు చాలా భయం వేసింది, 'అసలు ఈ నొప్పి ఏంటి? మొన్న చేతికి, ఇప్పుడు కాలుకి వచ్చింది' అని. నాన్న ఆయింట్మెంట్ రాసుకొని పడుకున్నారు. నేను, "బాబా! ఎలాగైనా నాన్నకి చేయి, కాలు నొప్పులు లేకుండా పూర్తిగా తగ్గించి, దానివల్ల ఏ ప్రమాదం లేకుండా చేయండి. అలా తగ్గితే నా అనుభూతిని తోటి సాయి భక్తులతో వెంటనే పంచుకుంటాను" అని చాలా బాధతో బాబాను ప్రార్థించాను. బాబా దయవల్ల రెండు రోజులకి నాన్నకి పూర్తిగా తగ్గింది. ఇప్పుడు నాన్న నొప్పి అని అనట్లేదు. "చాలా చాలా ధన్యవాదాలు తండ్రీ. ఇక ముందు ఈ నొప్పి మళ్ళీ రాకుండా, ఏ సమస్య లేకుండా చూడండి బాబా".

ఒకసారి మా అమ్మ తన ఐ సైట్ పెరిగిందని, హాస్పిటల్‌కి వెళ్లాలని అంది. నిజానికి ఆమె రోజూ నాకు అస్సలేం కనపడట్లేదు అంటుండేది. నాకు చాలా భయమేసింది. అప్పటికి చాలారోజుల ముందు డాక్టర్, 'అమ్మ కిడ్నీ దగ్గర బుడగలా ఉందని, దానివల్ల సమస్య ఏం లేదు. అదే తగ్గుతుందని' చెప్పారు. అది చెక్ చేసి చాలా రోజులు అయినందున కళ్ళు, కిడ్నీ ఒకేసారి చెక్ చేయిద్దామని నేను, మా తమ్ముడు అమ్మని తీసుకుని హాస్పిటల్‌కి వెళ్ళాము. నేను బాబాని, "అమ్మ కళ్ళకి, కిడ్నీకి ఏ సమస్య లేకుండా అన్నీ బాగుండేలా చేయండి" అని ప్రార్థించాను. బాబా దయవల్ల ఐ సైట్ కొద్దిగా పెరిగిందని, కిడ్నీకి బుడగలు ఉన్నాయి కానీ, వేరే ఏ లక్షణాలు లేవు కాబట్టి ఏ సమస్య లేదని చెప్పారు డాక్టర్. "చాలా చాలా ధన్యవాదాలు బాబా. ఆ బుడగలు పూర్తిగా తగ్గి అమ్మకి మంచి ఆరోగ్యాన్ని ప్రసాదించండి బాబా ప్లీజ్. సదా మాకు తోడు ఉండి జీవితంలో ధైర్యంగా ముందుకు వెళ్లేలా చేస్తున్న మీకు ఏం చెప్పినా, ఏం ఇచ్చినా తక్కువే తండ్రీ. జన్మజన్మలకి మీకు ఋణపడి ఉంటాము బాబా.  మీరు మా మీద చూపించే దయకి ఇంతకు మించి ఏం చెప్పగలను? ఎప్పుడూ మా చేయి వదలకుండా ఇలాగే పట్టుకొని మా జీవితంలో ముందుకు వెళ్లేలా చేయమని కోరుకుంటున్నాను తండ్రీ.

సర్వేజన సుఖినోభవంతు.

---

Read More

సాయిభక్తుల అనుభవమాలిక 1909వ భాగం....

---

ఈ భాగంలో అనుభవాలు:

1. కోరుకున్నట్లు సమస్యలు తీర్చిన బాబా

2. సాయం అందిస్తూ తాము నా వెంటే ఉన్నామని చెప్తున్న బాబా

---

కోరుకున్నట్లు సమస్యలు తీర్చిన బాబా 

శ్రీ సచ్చిదానంద సద్గురు సాయినాథ్ మహారాజ్ కి జై!!! సాయి భక్తులందరికీ నమస్కారాలు. నేను ఒక సాయి భక్తురాలిని. ఎన్నో అయోమయ పరిస్థితుల నుండి బాబా నన్ను బయటవేశారు. 2024, ఆగస్టు నెల మొదలవుతూనే చాలా టెన్షన్‌గా మొదలైంది. హఠాత్తుగా మా బావ ఆరోగ్యం బాగా లేకుండా పోవడంతో హాస్పటిల్లో అడ్మిట్ అయ్యారు. డాక్టర్లు అసలు సమస్య ఏమిటో కనుక్కోలేకపోయారు. దానితో మా అక్క చాలా దిగులు పడింది. నాకు కూడా ఏదో తెలియని బాధ కలిగింది. అంతలో బాబా, వెంకయ్యస్వామి దయవల్ల వేరే డాక్టర్ వచ్చి సమస్యను గుర్తించి చికిత్స మొదలుపెట్టారు. బావ హాస్పిటల్ నుండి డిశ్చార్జ అయ్యేదాకా నా మనసు అస్సలు బాగాలేక రోజూ ఆ సాయినాథునికి, "ఎలాగైనా ఆయన త్వరగా కోలుకొని, డిశ్చార్జ్ అయి ఇంటికి రావాల"ని దణ్ణం పెట్టుకున్నాను. బాబా కృపవల్ల మా బావ కోలుకొని ఇంటికి వచ్చారు. 

నేను హైదరాబాద్‌లో కోచింగ్ తీసుకుంటూ ఉండగా ఒకరోజు మా నాన్న ఫోన్ చేసి, "ఒక సంబంధం వచ్చింది. ఇంకో 10 రోజుల్లో హైదరాబాద్‌లో పెళ్లిచూపులు ఏర్పాటు చేస్తాము" అన్నారు. అప్పటిదాకా హాయిగా చదువుకుంటున్న నేను ఆ వార్త వినగానే నిస్సత్తువుగా అయిపోయాను. ఎందుకంటే, గతంలో పెళ్లిచూపులు జరిగిన ఒక వారం తర్వాత వరకు నా మీద ఆ ప్రభావం ఉండేది. ఆ సంబంధాన్ని నేను రిజెక్ట్ చేసినా, వాళ్ళు రిజెక్ట్ చేసినా నాకు చాలా కలవరంగా ఉండేది. మా అమ్మానాన్న కూడా పెళ్లిచూపులు అయిపోయిన ప్రతిసారీ కలత చెందేవాళ్ళు. అందువల్ల ఇప్పుడు మళ్ళీ పెళ్లిచూపులు అంటే, 'ఈసారి ఎన్నిరోజులు దానివల్ల ప్రభావితం అవుతామో!' అని ఒకటే ఆలోచనగా ఉండేది. అయినా ఆ పెళ్లిచూపులు తప్పవు. కాబట్టి నేను బాబాకి దణ్ణం పెట్టుకొని, "బాబా! సంబంధం కుదరడం, కుదరకపోవడం మీ ఇష్టం. కానీ ఈ పెళ్లిచూపులు వల్ల ఎవరూ కలత చెందకుండా, మాపై ఎలాంటి ప్రభావం లేకుండా చూడు తండ్రీ" అని ప్రార్థించాను. బాబా దయవల్ల పెళ్లిచూపులు బాగా జరిగాయి. దానివల్ల మేము ఎవరమూ ప్రభావితులం కాలేదు. ఇక తుది నిర్ణయం బాబాది. ఆయన ఏది చేసిన నా మంచికే. "ధన్యవాదాలు బాబా".

సర్వం సాయినాథార్పణమస్తు.

---

సాయం అందిస్తూ తాము నా వెంటే ఉన్నామని చెప్తున్న బాబా 

నా పేరు చైతన్య రఘు. నేను గత 2 సంవత్సరాలుగా బాబాని ఎక్కువగా ఆరాధిస్తున్నాను. అప్పటినుండి బాబా నా జీవితంలో అనేకసార్లు సహాయాన్ని అందిస్తూ తాము నా వెంటే ఉన్నామని నాకు చెప్తూ ఉన్నారు. ఈ మధ్యకాలంలో నేను నా ఉద్యోగ విషయంలో చాలా ఒత్తిడికి గురవుతున్నాను. ఎంతలా కష్టపడినా అనుకోకుండా ఏదో ఒక సమస్య వస్తూ నన్ను బాగా ఇబ్బందిపెడుతూ ఉంది. ఒకరోజు మా కంపెనీ వెబ్సైట్ డొమైన్ రేటింగ్ బాగా పడిపోయింది. అది మార్కెటింగ్ ఫీల్డ్‌లో ఉన్న నాకు చాలా పెద్ద సమస్య. అందువల్ల నేను 'నాకు బాబా తప్ప దిక్కెవరూ లేర'ని, "మళ్ళీ డొమైన్ రేటింగ్ మంచిగా ఉండేలా అనుగ్రహించమ"ని బాబాకి చెప్పుకున్నాను. బాబా నిజంగానే అద్భుతం చేశారు. అది కూడా వెంటనే. డొమైన్ రేటింగ్ మంచిగా అయింది. కానీ తర్వాత ఐపీ రెప్యుటేషన్ సమస్యలో పండింది. దానికోసం మా ప్రొవైడర్స్‌‌ని కాంటాక్ట్ చేసి, ఐపీ మార్పుకోసం రిక్వెస్ట్ చేశాము. కానీ మొదట్లో వాళ్ళు సానుకూలంగా స్పందించలేదు. బాబాని అడిగితే 'గురువారంలోపు నీ సమస్యకి పరిష్కారం దొరుకుతుంద'ని వచ్చింది. నేను బాబా మీద నమ్మకంతో ఉండగా బాబా చెప్పినట్టే వాళ్ళు గురువారం లోపు సానుకూలంగా స్పందించడంతో సమస్య తీరిపోయింది. ఆ తరువాత కొన్ని రోజులలో 2024, జూలై 21న రావాల్సిన మా కంపెనీ పేమెంట్ కొన్ని కారణాల వల్ల క్లయింట్ 'ఏదో తప్పు జరిగింద'ని ఆపేసారు. అగ్రిమెంట్ ప్రకారం క్లయింట్ పేమెంట్ ఆపితే మేము ఏమి చేయడానికి లేదు. అది రాకుంటే కంపెనీ నడవడమన్నది పెద్ద సమస్య.  ఎందుకంటే మేమంతా ఆ పేమెంట్ మీదే ఆధారపడి ఉన్నాము. నేను ఆ రోజు నుండి బాబానే నమ్ముకొని, రాదనుకున్న పేమెంట్ కూడా బాబా తలుచుకుంటే ఖచ్చితంగా వస్తుందని బాబాకి సమస్య చెప్పుకొని "ఆదుకోమ"ని ప్రార్ధించాను. దయగల తండ్రి నా ప్రార్థన విన్నారు. 2024, ఆగస్టు 19న మా పేమెంట్ రిలీజ్ చేసిన మెయిల్ మాకు అందింది. ఇలాంటి అద్భుతం నా బాబా తప్పితే ఎవరు చేయగలరు? నా కెరీర్ ఏమవుతుందనుకునే సమయంలో నాకు మళ్ళీ ప్రాణం పోశారు. ఇక్కడ ఒక విషయం చెప్పాలి. అదేరోజు కొన్ని గంటల ముందు మా ఇంట్లో ఉండే పక్షి ఒకటి పంజరంలో నుండి ఎగిరిపోయింది.  2 సంవత్సరాల్లో ఎప్పుడూ అది ఇలా ఎగిరి వెళ్లిపోలేదు. ఎక్కడ వెతికినా కనిపించలేదు. నిజానికి దాన్ని కొన్నిరోజులుగా పంజరంలో పెట్టి తప్పు చేస్తున్నానని నాకు అనిపిస్తూ ఉండేది. కానీ బయటకు వెళితే, అది ఆహారం కోసం కష్టపడుతుందని అనుకుంటూ ఉండేదాన్ని. "బాబా! మీ ఆజ్ఞ లేనిదే ఇది జరిగి ఉండదు. అది ఎక్కడ ఉన్నా క్షేమంగా ఉండేటట్టు చూడు. లేకుంటే అది మళ్ళీ తిరిగివచ్చేల చూడు. కొన్ని విషయాలలో నేను అడిగింది మీరు ఇవ్వకపోయినా నాకు ఏది మంచిదో మీకు తెలుసు బాబా. నా వృత్తి విషయంలో నాకు మంచి జరిగేలా ఆశీర్వదించి కాపాడు తండ్రి. నేను చేసిన తప్పులను క్షమించి నన్ను నా కుటుంబాన్ని కాపాడండి బాబా".

---

Read More

సాయిభక్తుల అనుభవమాలిక 1908వ భాగం....

---

ఈ భాగంలో అనుభవాలు:

1. ప్రతి సమస్యకు బదులిచ్చే బాబా

2. శ్రీసాయి ఆశీస్సులు

---

ప్రతి సమస్యకు బదులిచ్చే బాబా

నేను ఒక సాయి భక్తురాలిని. మేము USAలో ఉంటున్నాము. ఒకరోజు 6 సంవత్సరాల మా బాబు స్విమ్ గాగుల్స్ ధరించకుండా స్విమ్మింగ్‌కి వెళ్ళాడు. మరుసటిరోజు నుండి తను రోజులో చాలాసార్లు తన కళ్ళు నులుముకుంటుండేవాడు. మేము మొదట తను ఎందుకు అలా చేస్తున్నాడో తెలుసుకోలేకపోయాము. బహుశా తను ఊరికే అలా చేస్తున్నాడేమో అనుకున్నాము. కానీ ఒకానొక సమయంలో కళ్ళ లాగుతుండటం వల్ల తను సరిగా చదవలేకపోతున్నాడని గమనించాము. దాంతో తన కళ్ళకు ఏమైందోనని నేను చాలా భయపడ్డాను. ఎందుకంటే, ఇక్కడ USAలో కంటి డాక్టర్ అపాయింట్‌మెంట్ అంత సులువుగా లభించదు. కనీసం 2 నెలల సమయం పడుతుంది. అయినప్పటికీ నేను చాలా కంటి హాస్పిటల్స్‌కి కాల్ చేసి నా ప్రయత్నం నేను చేశాను. కానీ, అదృష్టం లేకపోయింది. అప్పుడు బాబుకి ఐ డ్రాప్స్ వేసి బాబాను ప్రార్థించాము. బాబా దయతో రోజురోజుకి తనకి మెరుగు అయింది. "చాలా ధన్యవాదాలు బాబా. దయచేసి తనతో ఉండండి. తనకి మంచి ఆరోగ్యం, విద్య అనుగ్రహించండి బాబా".

మా అమ్మ కొంతకాలం మాతో గడపడానికి USA వచ్చింది. తను ఒకరోజు హఠాత్తుగా తన ఎడమ చేయి నొప్పిగా ఉంటుందని ఫిర్యాదు చేసింది. నేను అమ్మ చేతిని గమనిస్తే కొద్దిగా వాపు ఉండటం గుర్తించాను. బహుశా ఏదైనా పురుగు కుట్టి ఉండొచ్చు, ఫర్వాలేదు అనుకున్నాను. కానీ రోజురోజుకీ అమ్మ పరిస్థితి బాగా లేకుండా పోయింది. ఎడమ చేయి కాబట్టి నాకు చాలా భయమేసి, "ఇది హృదయానికి సంబంధించినది కాకూడద"ని బాబాని ప్రార్థించాను. ఆ రోజు రాత్రి అమ్మ ఒక టాబ్లెట్ వేసుకుంది. మర్నాడు ఉదయానే ఆమె, "నాకు బాగానే ఉంది. ఎలాంటి నొప్పి లేదు" అని చెప్పింది. అంతా బాబా దయ. "చాలా ధన్యవాదాలు బాబా. దయచేసి నా తల్లిదండ్రులను జాగ్రత్తగా చూసుకోండి బాబా".

ఒకరోజు ఉదయాన్నే మా అత్తగారింటి నుండి అత్తగారికి ఆరోగ్యం బాగాలేదని, ఆమె దాదాపు 10 రోజులు ఐసియులో ఉన్నారని మాకు ఫోన్ వచ్చింది. అది విని వీసా సమస్యల వలన మేము చాలా ఆందోళన చెందాము. ఇండియా వెళ్ళడానికి మా పాస్‌పోర్ట్‌లపై వీసా స్టాంపింగ్ కోసం డ్రాప్‌బాక్స్ స్లాట్‌ బుక్ చేసుకోవాల్సి ఉండగా ఉన్నపళంగా స్లాట్‌లు లభించని పరిస్థితి. అదృష్టవశాత్తూ నా భర్త స్లాట్‌ బుక్ చేయగలిగారు కానీ, నాకు ఏ స్లాటూ చూపించలేదు. నేను చాలా ఆందోళన చెందాను. ఎందుకంటే, వీసా విషయాలన్నీ వాళ్ళకి తెలియవు కాబట్టి, వాళ్ళు చెడుగా ఆలోచిస్తారు. పైగా అది పల్లెటూరు అయినందున ఇతరులు కూడా నన్ను నిందిస్తారు. ఈవిధంగా నా మనసులో చాలా ఆందోళన కొనసాగింది. ఇలా ఉండగా ఒక గురువారం నేను బాబా గుడికి వెళ్లి, ఆయన్ని ప్రార్థించి, "ఇటువంటి వాతావరణంలో నేను ప్రయాణించగలనా, లేదా" అని అడిగి సమాధానం కోసం క్వశ్చన్&ఆన్సర్స్ సైట్‌లో చూసాను. బాబా ప్రయాణం చేస్తానని సమాధానమిచ్చారు. అది చూసి నాకు స్లాట్ దొరుకుతుందని, ఇండియా వెళ్తానని చాలా నమ్మకంగా అనిపించింది. కానీ ఒక మాములు మనిషిగా నా మనసులో ఎక్కడో 'స్లాట్‌ చూపడం లేదు, ప్రయాణం ఎలా సాధ్యం?' అన్న ప్రశ్న తలెత్తింది. అయితే మరుసటిరోజు ఉదయం నేను వీసా సైట్ తెరిస్తే, స్లాట్‌లు చూపించింది, నేను బుక్ చేసుకోగలిగాను. చాలా సంతోషించాను. "కోటి కోటి ప్రణామాలు బాబా. మీరు చాలా ప్రశ్నలకు సమాధానం ఇచ్చారు. చాలా ధన్యవాదాలు బాబా. ఇంకా అన్నిటికి చాలా ధన్యవాదాలు. ఈ జన్మలో మీరు మా గురువుగా ఉన్నందుకు మేము చాలా ధన్యులం. మాకు ఇంకేం కావాలి బాబా? దయచేసి ప్రతి జన్మలో మీరు మాతో ఉండండి, మమ్మల్ని విడిచిపెట్టవద్దు బాబా. దయచేసి అందరికీ మంచి ఆరోగ్యం, ఆనందం అనుగ్రహించండి బాబా". 

---

శ్రీసాయి ఆశీస్సులు

అఖిలాండకోటి బ్రహ్మాండనాయకుడైన సాయినాథుని పాదాలకు శతకోటి నమస్కారాలు. నేను చాలా సంవత్సరాల నుంచి సాయిబిడ్డను. 2024 జూలైలో మేము శిరిడీ వెళదామని టికెట్లు బుక్ చేసుకున్నాము. అప్పుడు నేను బయటకి ఎవరితోనూ అనలేదుగాని, నా మనసులో, 'బాబా! మీరు పిలిస్తేనే శిరిడీ రాగలం. కానీ మేము టికెట్ బుక్ చేసుకుని వస్తున్నామ'ని అనుకున్నాను. మనసులోని ఆ మాట సర్వాంతర్యామి అయిన నా తండ్రికి తెలియకుండా ఉంటుంది! మేము జూలై 7న శిరిడీ వెళ్లాల్సి ఉండగా జూలై 5న మా అమ్మాయి తన ఆరోగ్యం సరిగా లేదని నాతో అంది. వెంటనే నేను, "బాబా! నన్ను క్షమించు. మీ ఆశీస్సులతో మేము శిరిడీ రావాలి" అని బాబాతో అన్నాను. బాబా దయవల్ల కాసేపటికే మా అమ్మాయి ఆరోగ్యం కుదుటపడింది. కానీ బాబా నాకు మరో పరీక్ష పెట్టారు. అదేరోజు నాకు సంబంధించిన కొన్ని ముఖ్యమైన పేపర్లు కనిపించలేదు. వాటికోసం మా ఇంట్లో అంతటా చాలాసేపు వెతికాము కానీ, అవి కనిపించలేదు. నేను, మా పిల్లలు వెతికి వెతికి అలసిపోయాం. చివరికి నేను నేను నా కొడుకుతో, "మేము శిరిడీ వెళ్తున్నాము కదా! నేను శిరిడీలో అడుగుపెట్టగానే నువ్వు నాకు ఫోన్ చేసి, 'బాబా దయవల్ల పేపర్లు దొరికాయని చెప్తావు" అని ధైర్యంగా అన్నాను. మేము 7వ తేదీన శిరిడీ వెళ్లేందుకు బయలుదేరాం. మేము బస్సులో కూర్చున్న గంటసేపటికి నా కొడుకు ఫోన్ చేసి, "బాబా ఆశీస్సులతో పేపర్లు దొరికాయి" అని చాలా సంతోషంగా చెప్పాడు. అది విని నాకు చాలా సంతోషమేసింది. ఆ రాత్రి ఒంటి గంటన్నర సమయంలో మేము వెళ్తున్న బస్సు ప్రమాదానికి గురైంది. కానీ బాబా దయవల్ల ఎవరికీ ఏమీ కాలేదు. వేరే బస్సులో ప్రయాణం చేసి శిరిడీ చేరుకొని ఆ రోజు సాయంత్రం బాబా దర్శనం చేసుకొని బాబాకి చాలా చాలా ధన్యవాదాలు తెలుపుకున్నాను. మా అమ్మాయికి ఆరు నెలలైనా  నెలసరి కాలేదు. అందుకని శిరిడీలో బాబాకి, "బాబా! మీ దర్శనం అయిన నెల లోపల అంటే ఆగస్టు 6లోగా మా అమ్మాయికి నెలసరి రావాలి" అని మొక్కుకున్నాను. బాబా ఆశీస్సులతో నా కోరిక నెరవేరింది. "ధన్యవాదాలు బాబా. నా మనసులో శిరిడీకి టికెట్లు బుక్ చేసుకుని వస్తున్నామని అనుకున్నాను గాని మీ ఆజ్ఞతో అనలేకపోయాను. క్షమించు తండ్రీ. నాలోని అహంకారాన్ని మీ పాదాల కింద అణిచివేయండి బాబా".

---

Read More

సాయిభక్తుల అనుభవమాలిక 1907వ భాగం....

---

ఈ భాగంలో అనుభవాలు:

1. బాబా కరుణ - ఊదీ మహిమ

2. కోరుకున్నవి అనుగ్రహించిన బాబా

---

బాబా కరుణ - ఊదీ మహిమ

ఓం శ్రీసాయినాథాయ నమః. ప్రతిక్షణం నాకు తోడునీడగా ఉండే నా సాయినాథునికి నా నమస్కారములు. నా పేరు శ్వేత. దాదాపు 20 ఏళ్ళ క్రితం మావారికి ఈఎస్ఐ హాస్పిటల్ సదుపాయాలు ఉండే కంపెనీలో పని చేసారు. అయితే కొంతకాలం ఆయన ఆ ఉద్యోగం మానేసి సొంత వ్యాపారం చేసారు. ఇటీవల మళ్లీ ఈఎస్ఐ హాస్పిటల్ సదుపాయాలు ఉన్న ఉద్యోగంలో చేరారు. అంతలో మా అత్తయ్య ఛాతి భాగంలో గడ్డ ఉందని రిపోర్టు వచ్చింది. ఈఎస్ఐ హాస్పిటల్లో చూపించుకోవాలంటే మునుపటి కంపెనీలో ఇచ్చిన ఈఎస్ఐ నెంబర్ ఉండాలి. అది లేదంటే పెద్ద పెద్ద ట్రీట్మెంట్లు చేయించుకొనే అవకాశం ఉండదు. ఎందుకంటే, సీనియారిటీ బట్టి ఈఎస్ఐలో సదుపాయాలు అందుబాటులో ఉంటాయి. మావారి దగ్గర పాత కంపెనీ ఈఎస్ఐ నెంబర్ లేదు. కారణం సంబంధిత పేస్లిప్ గాని, మరే ఇతర డాక్యుమెంట్లుగాని లేవు. కంపెనీలో అడిగితే, అంత పాత డేటా లేదని చెప్పారు. మావారు ఈఎస్ఐ నెంబర్ కోసం చాలా విధాలుగా ప్రయత్నం చేసి అలసిపోయారు. ఇక ఈఎస్ఐ నెంబర్ దొరుకుతుందన్న నమ్మకం పోయింది ఆయనకి. ఇలాంటి సమయంలో బాబా ఒక్కరే మాకు అండగా నిలిచేదని, "బాబా! ఎలాగైనాసరే మావారి ఈఎస్ఐ నెంబర్ దొరికేలా చేయండి" అని బాబాను ప్రార్థించాను. మర్నాడు ఉదయం మావారు ఈఎస్ఐ ఆఫీసుకు వెళ్లి మరోసారి ప్రయత్నించారు. వాళ్ళు మళ్ళీ "అంత పాత డేటా లేదు" అన్నారు. చేసేదిలేక మావారు వెనుదిరిగారు. అంతలోనే బాబా ఆయన లీల చూపించారు. వెనక్కి వస్తున్న మావారిని వివరాలు చెప్పమన్నారు. మావారు సదరు వివరాలు చెప్తే, వాళ్ళు ఈఎస్ఐ నెంబర్ వెతికి ఇచ్చారు. "చాలా కృతజ్ఞతలు బాబా. చాలా పెద్ద ఉపకారం చేశారు".

తరువాత ఈఎస్ఐ హాస్పిటల్లో మా అత్తయ్యకి ట్రీట్మెంట్ మొదలుపెట్టి అన్ని రకాల టెస్టులు చేసి క్యాన్సర్ గడ్డగా నిర్ధారించారు. మళ్లీ మాకు టెన్షన్ మొదలైంది. ఎందుకంటే, మా అత్తయ్య వయసు 84 సంవత్సరాలు. ఈ వయసులో ఆపరేషన్ అంటారేమోనని మా అందరికీ భయమేసింది. నేను, "బాబా! ఈ వయసులో ఆవిడకు ఆపరేషన్ వద్దు స్వామి. మందులతో తగ్గిపోయేలా చేయండి దేవా" అని ప్రార్థిస్తూ ఉండగా బాబా నా విన్నపాలు విన్నారు. కేవలం మందులతో నయమయ్యేలా చేశారు. ఇప్పుడు మా అత్తయ్య బాగున్నారు.

2024, జూలై 8 రాత్రి ఉన్నట్టుండి నా ఛాతిలో ఏదో రకంగా అనిపించడం మొదలైంది. నేను బాబా ఊదీ నా ఛాతిపై రాసుకొని, "బాబా! ఈ సమస్య నుండి నన్ను కాపాడు స్వామి, 108 ప్రదక్షిణలు చేస్తాన"ని మొక్కుకున్నాను. బాబా దయవల్ల ఆ రాత్రే నా బాధ తగ్గిపోయింది.  ఉదయానికి నేను ఏ బాధలేక హాయిగా ఉన్నాను.

2024, జూలై 27 రాత్రి నిద్రపోతుంటే నా చెవిలో ఏదో పురుగు దూరింది. అది ఎంతసేపటికి బయటకు రాలేదు. చెవి విదిలించినా కూడా బయటకు రాలేదు. అప్పుడు నేను, "బాబా! ఈ సమస్య నుండి కాపాడు. నీకు 11 రూపాయలు దక్షిణ సమర్పించి అర్చన చేయిస్తాన"ని మొక్కుకున్నాను. బాబా దయవల్ల మరే సమస్య రాలేదు.

2024, ఆగస్టు 1 రాత్రి 11 గంటలప్పుడు హఠాత్తుగా నాకు చలి జ్వరం మొదలైంది. దాంతోపాటు మూత్ర విసర్జన చేస్తే మంటగా ఉండేది. పైగా మాటిమాటికి వెళ్లాలనిపించేది. అప్పటికి 12 రోజుల ముందే మా నాన్న యూరిన్ ఇన్ఫెక్షన్, చలి జ్వరంతో మరణించినందువలన నా మనసు ఒక్కటే ఆందోళన చెందింది. అంతలో దగ్గు, కఫం చాలా చాలా ఇబ్బందిపెట్టాయి, గుండె కూడా జోరుగా కొట్టుకోవడం మొదలుపెట్టింది. నేను బాబాను, "నాకు తగ్గించండి. ఉదయానికల్లా ఏ సమస్యా కనిపించకూడదు" అని ప్రార్థించి ఊదీ తీసుకొని ముక్కుకు, ఛాతికి రాశాను. తర్వాత కాసేపటికి మూత్ర విసర్జనకు వెళ్తే మంట లేదు. ఇంకా ఉదయానికి మామూలు అయిపోయాను. ఇదంతా బాబా అమృత సంజీవని ఊదీ మహిమ. "ధన్యవాదాలు బాబా. నా కన్నీళ్లతో మీ పాదాలు కడగాలని ఉంది. ఎల్లవేళలా మాకు తోడు-నీడుగా, నాకు తల్లితండ్రిగా ఉండి రక్షించు స్వామి".

---

కోరుకున్నవి అనుగ్రహించిన బాబా

నా పేరు ఉమ. మేము USలో ఉంటున్నాము. మా బాబు 12వ తరగతి పూర్తవ్వడంతో కాలేజీలో అడ్మిషన్ కోసం కొన్ని కాలేజీలకి అప్లై చేసాము. బాబు హైస్కూలు USలోనే చదివాడు కానీ, మాకు గ్రీన్ కార్డు ఇంకా రానందున ఇంటర్నేషనల్ స్టూడెంట్ కేటగిరీలో అప్లై చేయాల్సి వచ్చింది. ఆ కేటగిరీలో ఫీజు రెండింతలు ఎక్కువగా ఉంటుంది. నేను బాబాని, "మా బాబుకి మేమున్న స్టేట్‌లోనే సీటు రావాలి. మేము అంత ఫీజు భరించలేము, స్కాలర్షిప్ వచ్చేలా అనుగ్రహించండి బాబా" అని మరీమరీ వెడుకున్నాను. బాబా దయతో బాబుకి మేము ఉన్న స్టేట్‌లోనే సీటు వచ్చింది. అంతేకాదు, మెరిట్ స్టూడెంట్ అని 60% ఫీజు కూడా తగ్గించారు. నాకు చాలా సంతోషమేసింది. బాబు 2024 , ఆగష్టు మూడో వారంలో కాలేజీలో జాయిన్ అయ్యాడు. ఇదంతా బాబా ఆశీర్వాదం వల్లే జరిగిందని నా నమ్మకం. "ధన్యవాదాలు బాబా".

---

Read More

సాయిభక్తుల అనుభవమాలిక 1906వ భాగం....

---

ఈ భాగంలో అనుభవాలు:

1. ముందుగా నెలసరి వచ్చేలా దయచూపిన బాబా

2. గొంతునొప్పి తగ్గించిన బాబా

3. విపత్కర పరిస్థితిలో లభించిన బాబా సహాయం

---

ముందుగా నెలసరి వచ్చేలా దయచూపిన బాబా

సాయి భక్తులందరికీ నా నమస్కారాలు. నేను ఒక సాయి భక్తురాలిని. మన సాయితండ్రిని నమ్ముకుంటే అడుగడుగునా అద్భుతం చూపిస్తారని మన అందరికీ తెలిసిందే! అలాంటివి నాకు ఎన్నో జరిగాయి. మేము 2024, ఆగష్టు 14 & 15 తేదీల్లో కాశీ, అయోధ్య వెళదామని ఫ్లైట్ టిక్కెట్లు బుక్ చేసుకున్నాము. అయితే 17వ తేదికి నా నెలసరి సమయం. ఒకవేళ అది రాకుండా ఉండాలంటే నేను 5 రోజులు టాబ్లెట్లు వాడాలి. ఇటువంటి పరిస్థితిలో నేను అసాధ్యాన్ని కూడా సాధ్యం చేసే బాబాని తలుచుకొని, "నాకు నెలసరి ముందే వచ్చేలా చేసి టాబ్లెట్ వేసుకోకుండా చూడండి" అని చెప్పుకొని ఆయనకే వదిలేసాను. బాబా నా మాటలు విన్నారు. 11వ తేదీనే నాకు నెలసరి వచ్చింది. దాంతో  15వ తేదికి 5 రోజులు అయిపోతాయి కాబట్టి ప్రశాంతంగా దర్శనం చేసుకోవచ్చని సంతోషించాను. అంతా బాబా దయ. ఆయనకి మనం సర్వస్యశరణాగతి చెందితే చాలు అన్నీ ఆయనే చూసుకుంటారు. 

---

గొంతునొప్పి తగ్గించిన బాబా

నేను ఒక సాయి భక్తురాలిని. నా జీవితంలో బాబా తప్ప ఎవరూ లేరు. నేను ఆయన చెప్పిన కొన్ని విషయాలు పాటిస్తూ వారి స్మరణలో నా జీవితాన్ని సాగిస్తున్నాను. ఒకరోజు బయట నుంచి చికెన్ బిర్యానీ తెచ్చుకుని నేను, మా అమ్మ తిన్నాం. తినేటప్పుడు ఏమీ అనిపించలేదు కానీ, మింగుతున్నప్పుడు ఏదో చిన్న దుమ్ము లోపలికి వెళ్తున్నట్లు అనిపించింది. సరే, చిన్నదే కదా! ఏమి కాదు అనుకున్నాను. తర్వాత నీళ్లు తాగుతుంటే నా గొంతులో ఏదో అడ్డంగా ఉన్నట్లు అనిపించింది. మరుసటిరోజు గొంతు నొప్పిగా కూడా అనిపించింది. మూడు రోజులయ్యేసరికి గొంతు నొప్పి బాగా ఎక్కువైంది. అప్పుడు నేను, "నాకు గొంతు నొప్పి లేకుండా, అలాగే ఏమీ జరగకుండా చూడండి బాబా" అని బాబాని వేడుకున్నాను. బాబా దయవల్ల మరుసటిరోజుకి మామూలుగా అనిపించింది. నాకు చాలా సంతోషమేసింది. గొంతునొప్పిని తగ్గించిన నా తల్లి, తండ్రి అయిన బాబాకి శతకోటి ధన్యవాదాలు. ఎప్పుడూ నాతో, అందరితో బాధల్లో వెన్నంటుండి సహాయాన్ని అందించమని బాబాను మనస్పూర్తిగా కోరుకుంటున్నాను.

---

విపత్కర పరిస్థితిలో లభించిన బాబా సహాయం  

సాయి చరణం సర్వభయ హరణం. నా పేరు జగదీశ్వర్, కరీంనగర్ నివాసిని. మా పెద్దమ్మాయి, అల్లుడు, మనవరాలు యూరప్‌లోని పోలాండ్ దేశంలో క్రకౌలో సాఫ్ట్వేర్ ఉద్యోగస్తులు. 2024, మేలో మా అల్లుడి రెసిడెన్షియల్ పర్మిషన్ కార్డు వాలిడిటీ అయిపోయింది. రెన్యువల్ కోసం అప్లై చేస్తే, అప్రూవ్డ్ అని సమాచారమైతే ఇచ్చారు కానీ, కార్డు ఇవ్వలేదు. కార్డు లేకుంటే అత్యవసర పరిస్థితిలో ఇండియా వస్తే తిరిగి పోలాండ్ వెళ్ళడం చాలా చాలా కష్టం. ఇమ్మిగ్రేషన్‌లో అనుమతించరు. ఇటువంటి పరిస్థితిలో దురదృష్టం కొద్ది మా అల్లుడి తండ్రి ఆగస్టు 14, ఉదయం స్వర్గస్థులయ్యారు. విషయం తెలియగానే మా అల్లుడువాళ్ళు ఇండియా రావడానికి అందుబాటులో ఉన్న రాత్రి 8 గంటల ఫ్లైట్‌కి బుక్ చేసుకున్నారు. కానీ పోలాండ్ రెసిడెన్షియల్ పర్మిషన్ కార్డు లేనందున చాలా ఆందోళనపడుతున్నట్లు మా అమ్మాయి మాకు ఫోన్ చేసి చెప్పింది. నేను ఎటువంటి విపత్కర పరిస్థితిలోనైనా అండగా నిలిచి ఆదుకొనే బాబాని మనస్ఫూర్తిగా, "ఎలాంటి సమస్య రాకుండా కాపాడమ"ని వేడుకున్నాను. అదే సమయంలో క్రకౌలో మా పెద్దమ్మాయి, అల్లుడు సంబంధిత కార్యాలయానికి వెళ్లి విషయం అంతా వివరించారు. వాళ్ళు వెంటనే స్పందించి మధ్యాహ్నం 2 గంటలకి వస్తే, కార్డు ఇస్తామన్నారు. చెప్పినట్టుగానే 2 గంటలకి కార్డు ఇచ్చారు కూడా. ఆ విషయం తెలిసి నేను పొందిన అనుభూతి మాటల్లో చెప్పలేనిది. వాళ్ళు కార్డు తీసుకొని రాత్రి ఫ్లైట్‌కి బయలుదేరి ఆగస్టు 16 వేకువజామున హైదరాబాద్ చేరుకొని, మా వియ్యంకుడి అంత్యక్రియల్లో పాల్గొన్నారు. విపత్కర పరిస్థితిలో బాబా అండగా ఉండి స్వాంతన చేకూర్చారు. బాబా సాయి చరణం. సర్వదా శరణం శరణం.

మా అల్లుడువాళ్ళు ఇండియా వచ్చిన 10 రోజుల తర్వాత మా మనవరాలికి కడుపునొప్పి, విపరీతమైన జ్వరం వచ్చాయి. నేను మా అమ్మాయిని పాపకి బాబా ఊదీ పెట్టమని చెప్పాను. తను అలాగే చేసింది. కానీ జ్వరం తగ్గినట్టే తగ్గి మళ్లీ మళ్లీ వస్తుండేది. కరీంనగర్‌లో ఉన్న నేను మంగళవారంనాడు బాబాకి దణ్ణం పెట్టుకొని, "బాబా! రేపు సాయంత్రానికి మా మనవరాలి జ్వరం, కడుపునొప్పి తగ్గిపోవాలి. మా ఇంటికి దగ్గర్లో ఉన్న భాగ్యనగర్ సాయిబాబా గుడికి వెళ్లి 1,116/- దక్షిణ సమర్పించుకుంటాను" అని బాబాకి మొక్కుకున్నాను. బాబా దయవల్ల మర్నాటికి పాప జ్వరం తగ్గి మామూలుగా అయింది. మరుసటిరోజు బాబా గుడికి వెళ్లి 1,116/- దక్షిణ హండిలో వేసి బాబాకి దణ్ణం పెట్టుకొని వచ్చాను. 

సర్వం సాయిమయం.

---

Read More

సాయిభక్తుల అనుభవమాలిక 1905వ భాగం....

---

ఈ భాగంలో అనుభవాలు:

1. బాబా చేసిన సహాయం

2. బాబా ఆశీస్సులు

---

బాబా చేసిన సహాయం

సాయిభక్తులందరికీ నమస్కారం. నా పేరు అనూష. బాబా కృపాకటాక్షాలు అందరి మీద ఎప్పుడూ ఉండాలని మనస్పూర్తిగా కోరుకుంటున్నాను. ఎక్కడెక్కడో భక్తులకు జరిగిన అనుభవాలను ఎందరో భక్తులకు చేరుస్తూ కష్టాల్లో ఎవరు తోడున్నా, లేకపోయినా బాబా ఉన్నారని నమ్మకాన్ని కలిగిస్తున్న ఈ బ్లాగుకు చాలా కృతఙ్ఞతలు. ఇక నా అనుభవానికి వస్తే..  ఒకసారి నేను వైద్య పరీక్షలు చేయించుకుంటే హిమోగ్లోబిన్ శాతం చాలా తక్కువ ఉందని వచ్చింది. డాక్టర్ అది చూసి, అసలెందుకు రక్తం తగ్గుతుందో తెలుసుకోవడానికి చాలా పరీక్షలు వ్రాసారు. దానిలో థైరాయిడ్ పరీక్ష కూడా ఉంది. అది చూసి, 'నేను ఈమధ్య ఏ డైట్ నియమాలు పాటించకుండానే చాలా బరువు తగ్గాను. నాకు థైరాయిడ్ ఉందేమో! అందువల్లే బరువు తగ్గనేమో!' అని నాకు చాలా భయమేసింది. అదీకాక నేను బాగా బలహీనమైపోయానని, రక్తం తక్కువగా ఉందని చాలా ఫీల్ అయిన నా నాన్న ఇప్పుడు నాకు థైరాయిడ్ కూడా ఉందంటే చాలా బాధపడతారనిపించింది. అందువల్ల నేను వెంటనే, "ఎలా అయినా థైరాయిడ్ లేకుండా చూడండి బాబా" అని బాబాను ప్రార్థించాను. తర్వాత నేను హాస్పిటల్‌కి వెళ్లి రిపోర్టులు తీసుకున్నాను. అప్పుడు బాబా మెసేజ్ కోసం చూస్తే, 'నీకు అనుకూలంగా రిజల్ట్ వస్తుంద'ని ఇచ్చారు. తర్వాత రిపోర్టులు తీసుకొని డాక్టర్ దగ్గరకి వెళ్తూ టెన్షన్ వల్ల రిపోర్టు చూశాను. అందులో నా థైరాయిడ్ లెవెల్ 0.7 అని, 0.4 నుండి 5 అయితే నార్మల్ అని ఉంది. అయితే నేను కంగారులో 0.7ని 7 అనుకొని నాకు థైరాయిడ్ ఉందని బాధపడ్డాను. తర్వాత సరిగా ఆలోచిస్తే, అది 0.7 అని గుర్తించి బాబా నాకు సహాయం చేసారనిపించింది. అయినా ఇంకా ఏదో భయంతో డాక్టర్ దగ్గరకి వెళితే, రిపోర్టులన్నీ చూసి, "బాగానే ఉన్నాయి. ఒక్క బ్లడ్ తక్కువగా ఉంది" అని అన్నారు. నాకు చాలా అంటే చాలా సంతోషంగా అనిపించింది. ఇది బాబా చేసిన అద్భుతం అని నేను నమ్ముతున్నాను. "పిలిచిన వెంటనే తోడుండే మీకు శతకోటి వందనాలు బాబా. నాకున్న ఆరోగ్య సమస్యలన్నీ నయమయ్యేలా నాకు మీ ఆశీస్సులిచ్చి మంచి ఆరోగ్యాన్ని నాకు ప్రసాదించండి".

---

బాబా ఆశీస్సులు

నా పేరు మహేశ్వర. నేను ఐటీ రంగంలో పని చేస్తున్నాను. 2024, ఆగస్ట్ నెల ప్రారంభంలో మూడు రోజులపాటు నా ప్రాజెక్ట్‌లో కొన్ని సమస్యలు ఎదురయ్యాయి. కొన్ని బ్యాచ్ జాబ్స్ ఫెయిల్ అవ్వసాగాయి. దానికి కారణమేంటో మేము కనుక్కోలేకపోయాము. ఆ సమయంలో నా మేనేజర్ సెలవులో ఉన్నప్పటికీ ఈ సమస్యల స్థితిగతులను అడుగుతూనే ఉన్నారు. ఆగస్టు, 5న మళ్ళీ జాబ్స్ ఫెయిల్ అయ్యాయి. మేము ఇంకొక టీమ్‌తో చర్చించాము. వాళ్ళు మా బ్యాచ్ జాబ్స్‌ మళ్ళీ ఎప్పుడు ప్రారంభించాలో చెపుతామని అన్నారు. వాళ్ళ నుంచి నిర్ధారణ వచ్చాక జాబ్స్ రన్ చేసాము. అప్పుడు నేను, "జాబ్స్ విజయవంతంగా రన్ అవ్వాల"ని బాబాని ప్రార్థించాను. బాబా ఆశీస్సులతో జాబ్స్ సరిగా రన్ అయ్యాయి. "థాంక్యూ బాబా".

2024, ఆగస్టు నెలాఖరులో కస్టమర్ సైట్‌లో పని చేస్తున్న నా సహోద్యోగికోసం నేను ఎన్నోసార్లు చేసిన ఒక టాస్క్(పని)కి సంబంధించి నాలెడ్జ్ ట్రాన్స్‌ఫర్(కె.టి.) చేశాను. అయితే, ఆ టాస్క్ అనుకున్న విధంగా పని చేయలేదు. నేను బాబా సహాయాన్ని అర్థిస్తూ, "సమస్యను పరిష్కరించమ"ని ప్రార్థించాను. బాబా ఆశీస్సులతో ఆ సమస్య పరిష్కరమైంది. విజయవంతంగా నాలెడ్జ్ ట్రాన్స్ఫర్ పూర్తైంది. బాబా అందించిన సహాయానికి కృతజ్ఞతలు తెలుపుకున్నాను.

ఒకరోజు నేను కూరగాయలు కొనడానికి, బట్టలు షాపింగ్ చేద్దామని బయలుదేరాను. నాకెందుకో నేను వెళ్ళిన బట్టల షాపులో బాబా(విగ్రహం) ఉండొచ్చని అనిపించింది. ఆశ్చర్యకరంగా నేను వెళ్ళిన షాపులో క్యాష్ కౌంటర్ దగ్గర బాబా విగ్రహం దర్శనమిచ్చింది. నేను బట్టలు ఎంచుకున్న తర్వాత, "బిల్లు 9,000 రూపాయల కంటే ఎక్కువ కాకుండా చూడమ"ని బాబాని ప్రార్థించాను. నేను తీసుకున్న బట్టలు 11,200 రూపాయలు కాగా డిస్కౌంట్ పోను మొత్తం 8,600 రూపాయలు అయ్యింది. బాబా నాపై చూపుతున్న అనుగ్రహానికి కృతజ్ఞతలు తెలుపుకున్నాను. "బాబా! నా జీవితాంతం మీ కృప నాకు ఉండాలని ప్రార్థిస్తున్నాను తండ్రీ". 

ఓం సాయినాథాయ నమః.

---

Read More

సాయిభక్తుల అనుభవమాలిక 1904వ భాగం....

---

ఈ భాగంలో అనుభవాలు:

1. కోరుకున్న వారి కోరికలు నెరవేర్చే కల్పతరువు నా సాయిబాబా

2. బాబా ముద్ర

3. డబ్బులు అందేలా చేసిన బాబా

---

కోరుకున్న వారి కోరికలు నెరవేర్చే కల్పతరువు నా సాయిబాబా 

నా పేరు ఫణీంద్ర, మనకి యే కష్టం వచ్చినా సాయిబాబాని తలచుకోగానే, మనసుకు ప్రశంతతను అందజేస్తారు. ఇది నా విషయంలో చాలాసార్లు చేసి చూపించారు నా సాయిబాబా. అలాంటి ఒక అనుభవం నేను ఇప్పుడు సాయిభక్తులందరితో పంచుకుంటున్నాను. 2024, మేలో నేను, నా తమ్ముడు అరుణాచలేశ్వర దర్శనానికి వెళ్ళాము. అప్పుడు మధ్య దారిలో ఎక్కడో నా పర్స్ పడిపోయింది. ఆ విషయం నేను గుడికి చేరాక గమనించాను. నాకు ఎవరిని అడగాలో, ఏం చేయాలో అర్థం కాలేదు. నా బ్యాంక్ కార్డులు, బైక్ సి బుక్, లైసెన్స్, పాన్ కార్డ్ అన్ని దాంట్లోనే ఉన్నాయి. 'ఇప్పుడున్న సమస్యలకి తోడు ఇదేమిటి బాబా?' అని మనసులో బాధపడ్డాను. గుడికి వస్తున్న మధ్య దారిలో ఓ చోట నీళ్లు తాగడానికి అగాము. అక్కడేమైనా పడిపోయి ఉంటుందేమోనని దర్శనంకి వెళ్లకుండా, ఆ అరుణాచలేశ్వరుని మనసులో వేడుకొని తిరిగి 40 కిలోమీటర్లు వెనక్కి మేము అదివరకు అగిన చోటుకి వెళ్లి చూసాము. కానీ అక్కడ నా పర్స్ లేదు. చాలా బాధ, నిరాశలతో ఏం చేయాలో అర్థంకాక మనసులో ఆ సాయినాథుని, "బాబా! నా పర్సు దొరికేలా అనుగ్రహించండి" అని వేడుకున్నాను. తర్వాత చేసేదేమీలేక బ్యాంక్ కస్టమర్ కేర్‌కి ఫోన్ చేసి అన్ని డెబిట్ అండ్ క్రెడిట్ కార్డులు బ్లాక్ చేయించి మళ్ళీ వెనక్కి వెళ్ళి అరుణాచలేశ్వరుని దర్శించి ఇంటికి ప్రయాణమయ్యాము. సరిగ్గా మధ్యదారిలో తెలియని నంబర్ నుంచి నాకు ఫోన్ వచ్చింది. నేను ఫోన్ ఎత్తి మాట్లాడితే, "మీ పర్స్ ఏమైనా పోగొట్టుకున్నారా?" అని అడిగారు అవతలి వ్యక్తి. ఇంకా మాకు ఫలానా చోట ఒక పర్స్ దొరికిందని చెప్పారు. చిత్రమేమిటంటే, నా పర్స్‌లో నా ఫోన్ నెంబర్ ఎక్కడుందో నాకైతే తెలీదు. అలాంటిది అతను ఎలా ఫోన్ చేశాడో అని ఆశ్చర్యమేసింది. అప్పుడు నాకు ఇది బాబా లీల అనిపించింది. నేను అతనితో నా పర్స్ పోయిందని చెప్పి, వెళ్లి నా పర్స్ నేను తెచ్చుకున్నాను. నేను ఈ మధ్య ఆఫీసులో కూడా నా టేబుల్ దగ్గర పర్స్ వదిలేసి వెళ్ళిపోతున్నాను. అందుకే బాబా ఈవిధంగా అజాగ్రత్త తగదని హెచ్చరించారు. "ధన్యవాదాలు బాబా. నాయందు ఇలాగే ఎప్పుడూ మీ అమృతదృష్టి ఉండనీ సాయితండ్రీ".

---

బాబా ముద్ర

శ్రీ సచ్చిదానంద సమర్థ సద్గురు సాయినాథ్ మహారాజ్ కి జై!!! సాయి బంధువులందరికీ నా నమస్కారాలు. నేను ఒక సాయి భక్తురాలిని. 2024, ఆగస్టు 7వ తేదీన మేము ఏలూరు నుంచి వైజాగ్‌లో కనకమహాలక్ష్మి గుడికి కారులో వెళ్లాలనుకున్నాము. అయితే మాకు సంవత్సరం బాబు ఉన్నందున 5 గంటల ప్రయాణంలో బాబు కుదురుగా ఉంటాడో, లేదోనని ఆందోళన పడ్డాను. అందుచేత ముందురోజు, "బాబా! రేపు ప్రయాణంలో వెళ్లేటప్పుడు కానీ, తిరిగి వచ్చేటప్పుడు కానీ బాబు ఎటువంటి ఇబ్బంది పెట్టకుండా హాయిగా వెళ్లి, రావాలి" అని బాబాకి దణ్ణం పెట్టుకున్నాను. బాబా దయ చూపారు. మొత్తం ప్రయాణంలో ఒక్క అరగంట తప్ప అస్సలు ఇబ్బంది పెట్టలేదు. నిజానికి సంవత్సరం పిల్లలు అంతసేపు ప్రయాణం అంటే చాలా విసిగిస్తారు. బాబా దయవల్ల దర్శనం చాలా త్వరగా, చక్కగా జరిగింది. త్వరగా ఇంటికి కూడా చేరుకున్నాం. అసలు అంత దూరం వెళ్ళొచ్చినట్లే అనిపించలేదు. ఇంకో ముఖ్య విషయమేమిటంటే, ఆ కారు డ్రైవర్ బాబా భక్తుడు. కారు ముందు భాగంలో బాబా హ్యాంగింగ్ ఒకటి కట్టారు, కారు వెనకాల 'ద్వారకామాయి' అని వ్రాసుంది. కారు ఎక్కగానే బాబా పాటలు పెట్టారు. బాబా ముద్ర అలా ఉంటుంది. మనం ఏదైనా మనస్ఫూర్తిగా కోరుకుంటే అంతా తామే స్పష్టంగా మనకి తెలియజేస్తారు.

---

డబ్బులు అందేలా చేసిన బాబా

నా పేరు సాయికుమార్. మాది నిజామాబాద్. ఒకసారి నేను, మా ఇద్దరు బాబులు కలిసి పరీక్ష వ్రాయడానికి బస్సులో వెళ్ళాం. బస్సులో కూర్చున్నాక టిక్కెట్ కోసం 100 రూపాయలు కండక్టర్‌కి ఇస్తే, అతను చిల్లర లేదని టిక్కెట్ వెనకాల మిగతా డబ్బులు వ్రాశాడు. మేము మా దిగాల్సిన స్టేజ్ వచ్చాక టిక్కెట్ వెనకాల వ్రాసిన డబ్బుల సంగతి మర్చిపోయి మేము బస్సు దిగిపోయాము. బస్సు అక్కడినుండి వెళ్ళిపోయాక ఆ డబ్బుల విషయం గుర్తొచ్చి 'అయ్యో.. డబ్బులు మర్చిపోయాం' అనుకున్నాను. కానీ చేసేది లేక ఒకసారి సాయిబాబాను తలుచుకొని పరీక్షకి వెళ్ళిపోయాం. పరీక్ష అయ్యాక బస్సుకోసం చూస్తుంటే, ఆ బాబా దయవలన మేము అదివరకు డబ్బులు మర్చిపోయిన అదే బస్సు వచ్చింది. నాకు చాలా ఆశ్చర్యంగా అనిపించి బాబా లీల అనుకున్నాను(ఆరోజు అదే బస్సు నేను మూడుసార్లు ఎక్కాను). ఆయన దయవల్ల నా డబ్బులు నాకు అందాయి. "ధన్యవాదాలు బాబా".  

---

Read More

సాయిభక్తుల అనుభవమాలిక 1903వ భాగం....

---

ఈ భాగంలో అనుభవాలు:

1. శ్రీసాయి కృపతో తీరిన సమస్యలు

2. బాబాకి చెప్పుకుంటే లభించిన అనుగ్రహం

---

శ్రీసాయి కృపతో తీరిన సమస్యలు

సాయిబంధువులందరికీ నమస్కారాలు. నా పేరు చైతన్య. ఒకసారి మా అత్తయ్య గుండెదడగా ఉందంటే, ఆమెని హాస్పిటల్‌కి తీసుకెళ్లారు. అక్కడ గుండెకు సంబంధించిన అన్ని పరీక్షలు చేశారు. మేము చాలా భయపడ్డాము. డాక్టర్లు గుండెకు ఏమైనా సమస్య ఉందని చెప్తారేమోనని నేను చాలా టెన్షన్ పడ్డాను. అప్పుడు నేను బాబా నామస్మరణ చేసి, "బాబా! మా అత్తయ్యకి ఏ ఇబ్బంది లేకుండా అంత నార్మల్‌గా ఉండాలి. గుండెకు సంబంధించిన ఇబ్బంది లేదు అంతా నార్మల్‌గా ఉందని డాక్టర్ చెప్పాలి" అని అనుకున్నాను. బాబా దయవల్ల డాక్టరు గుండెకు సంబంధించిన ఏ ఇబ్బంది లేదని, కొంచెం కొలెస్ట్రాల్ ఎక్కువగా ఉందని చెప్పి టాబ్లెట్లు ఇచ్చారు. "ధన్యవాదాలు బాబా. అత్తయ్యకి  ఉన్న గుండె దడ తగ్గి ఆరోగ్యంగా ఉండేలా దీవించండి".

మా బాబు ఇంజనీరింగ్ చదువుతున్నాడు. ప్రతి సంవత్సరం సెమిస్టర్ మొదలయ్యే ముందు హాస్టల్ మారాల్సి వస్తుంది. మంచి గ్రేడ్ ఉన్నవాళ్ళు వేరే వాళ్ళని తమ రూములో ఉండడానికి  ఎంపిక చేసుకుంటారు. మా బాబుకి అంత గ్రేడ్ లేదు. అందువల్ల తను తన ఫ్రెండ్స్ ద్వారా వాళ్ళ హాస్టల్ రూములో ఉండడానికి అప్లై చేసుకున్నాడు. కానీ మా ఫ్రెండ్స్ నన్ను తమ హాస్టల్ రూములో ఉండటానికి ఎంపిక చేసుకుంటారో, లేదో, నాకు హాస్టల్ వస్తుందో, లేదో అని టెన్షన్ పడ్డాడు. మేము కూడా చాలా టెన్షన్ చాలా పడ్డాము. అప్పుడు నేను, "బాబా! ఎలాగైనా మా బాబుకి హాస్టల్ వచ్చేలా చూడండి" అని బాబాని వేడుకున్నాను. బాబా దయవల్ల మా బాబుకి ఏ సమస్య కుండా హాస్టల్ వచ్చింది. తన ఫ్రెండ్స్ చాలామందికి హాస్టల్ రాలేదు, అలాంటప్పుడు చాలామంది కలిసి ఒకే గదిలో ఉండాల్సి వస్తుంది. బాబా దయవల్ల  మా బాబుకి హాస్టల్ వచ్చిందికాని లేదంటే చాలా సమస్య అయ్యేది. "చాలా ధన్యవాదాలు బాబా. బాబుకి దిశానిర్దేశం చేసి మంచిగా చదువుకునే శక్తిని, ధైర్యాన్ని ప్రసాదించండి బాబా. ఎల్లప్పుడూ మీ నామస్మరణలో ఉండేలా మమ్మల్ని దీవించండి".

నాకు థైరాయిడ్ సమస్య ఉంది, దానికోసం నేను టాబ్లెట్లు వాడుతున్నాను. "బాబా! ఎలాగైనా థైరాయిడ్ అదుపులో ఉండేలా, మందులు డోస్ పెంచకుండా ఉండేలా చూడండి" అని బాబాకి చెప్పుకొని 2024, ఆగస్టు నెల మొదటి వారంలో నేను థైరాయిడ్ టెస్ట్ చేయించుకున్నాను. "బాబా! టెస్ట్ రిపోర్టులు నార్మల్‌గా ఉండేలా చూడండి" అని బాబాను ప్రార్ధించాను. బాబా దయవల్ల రిపోర్టులు నార్మల్ వచ్చాయి. "చాలా ధన్యవాదాలు బాబా. గత ఐదు సంవత్సరాలుగా నాకు రక్తహీనత సమస్య ఉంది. అది కూడా నార్మల్ స్థాయిలో ఉండేలా దయ చూపండి బాబా. మీ కరుణాకటాక్షాలు మా అందరి మీద ఉండేలా దీవించండి".

---

బాబాకి చెప్పుకుంటే లభించిన అనుగ్రహం

సాయిబంధువులందరికీ నమస్కారం. ఉదయం లేచింది మొదలు రాత్రి పడుకునే వరకు మనకు ఏ ఆపద రాకుండా చూసుకుంటున్న మన బాబాకి శతకోటి వందనాలు. నా పేరు సౌజన్య. 2024, మార్చ్ 30న మా అమ్మకి మోకాలు రీప్లేస్మెంట్ సర్జరీ చేయించాము. తర్వాత మరో కాలు రీప్లేస్మెంట్ సర్జరీకోసం అమ్మని హాస్పిటల్లో అడ్మిట్ చేస్తే, రెండు రోజులైనా సర్జరీ చేయలేదు. స్టాఫ్‌ని అడిగితే రేపు చేస్తామని చెప్తుండేవారు తప్ప చేసేవారు కాదు. అప్పుడు నేను బాబాని, "రేపైనా సర్జరీ చేసేలా చూడు బాబా" అని వేడుకున్నాను. బాబా దయవల్ల మరుసటి రోజు వేకువజామున సర్జరీ చేసారు. ఇంకా నొప్పి కూడా ముందుసారి కంటే ఈసారి తక్కువగా ఉండింది. ఇకపోతే, మేము ఇన్సూరెన్స్ కింద సర్జరీ చేయించాము. అయితే అప్పటికే మావారు కంపెనీలో రాజీనామా ఇచ్చారు. నా భర్త ఫ్రెండ్ ఒకరు నోటీస్ పీరియడ్‌లో ఉంటే ఇన్సూరెన్స్ వర్తించదని చెప్పారు. దాంతో నాకు చాలా టెన్షన్ వచ్చింది. ఎందుకంటే, ఒకవేళ ఇన్సూరెన్స్ రాకపోతే మొత్తం డబ్బులు మేము కట్టాల్సి వస్తుంది. హఠాత్తుగా అంత డబ్బు కట్టాలంటే కష్టం. అందువల్ల నేను బాబాని, "ఇన్సూరెన్స్ వచ్చేలా చూడమ"ని వేడుకున్నాను. బాబా దయవల్ల ఎలాంటి సమస్యలు లేకుండా బిల్ పేమెంట్ అయింది. "శతకోటి వందనాలు బాబా. మా చేయి ఎప్పుడూ వదలక సదా మమ్మల్ని కాపాడు తండ్రీ. అమ్మ తొందరగా కోలుకునేలా చూడు బాబా".

---

Read More

సాయిభక్తుల అనుభవమాలిక 1902వ భాగం....

---

ఈ భాగంలో అనుభవం:

• కావాలని అడిగితే చాలు - అది మనకి మంచిదైతే బాబా తప్పకుండా సహాయం చేస్తారు

---

నా పేరు హాసిని. నా ఫ్రెండ్ ఉద్యోగ ప్రయత్నాలు చేస్తుంటే చివరి నిముషంలో చేజారిపోసాగాయి. అలా ఒక 3 కంపెనీలలో తను సెలెక్ట్ అవ్వలేదు. అప్పుడు నేను తనతో "నువ్వు ఈసారి వెళ్లే కంపెనీలో నీకు ఉద్యోగం రావాలి. అదే జరిగితే విజయవాడ వచ్చి అమ్మవారి దర్శనం చేసుకుంటాన"ని మ్రొక్కుకోమని చెప్పాను. తర్వాత తను వెళ్లిన కంపెనీలో సెలెక్ట్ అయ్యాడు. నాకు చాలా సంతోషంగా అనిపించింది. అయితే జాయినింగ్ ముందు కొన్ని టెస్టులు ఉన్నాయి. అప్పుడు కోవిడ్ వ్యాక్సిన్ సర్టిఫికేట్ అడిగారు. తనకి ఆ సర్టిఫికెట్ లేదు. అందువల్ల తను "ఏమవుతుందోనని భయమేస్తుంది" అని అన్నాడు. ఇక అప్పుడు నేను, "బాబా! నా ఫ్రెండ్ ఆ కంపెనీలో సెలెక్ట్ అవ్వాలి. తనకి ఉద్యోగం రావాలి. తనకి ఆఫర్ లెటర్ వచ్చేస్తే మీ అనుగ్రహాన్ని తోటి భక్తులతో పంచుకుంటాను" అని మొక్కుకున్నాను. బాబా దయవల్ల తనకి ఆఫర్ లెటర్ వచ్చింది. మనమందరం ప్రధానంగా తెలుసుకోవలసింది ఏంటంటే, ఏదైనా పని చేసేటప్పుడు గురు అనుగ్రహం వుండాలి. అప్పుడే ఎలాంటి పనైనా విజయవంతమవుతుంది. అది నాకు ఈ అనుభవం ద్వారా అర్థమైంది.

నేను డిగ్రీ పరీక్షలు వ్రాసాను. ఆ పరీక్షలు సులువే కానీ, ఎంత బాగా వ్రాసినా ఫెయిల్ చేస్తున్నారని ఒక ఫ్రెండ్ చెప్పింది. తనని అలాగే ఫెయిల్ చేశారు కూడా. అయితే నేను పరీక్షలు వ్రాసే ముందు "బాబా! మీరు దగ్గరుండి నాచేత పరీక్షలు వ్రాయించాలి. ఇచ్చిన సమయంలో పూర్తి పేపర్ మీరు నాచేత వ్రాయించాలి బాబా" అని బాబాకి చెప్పుకున్నాను. నా పక్కనున్న వాళ్ళు ఎవరూ నూటికి నూరు మార్కులకి ఆన్సర్ చేయలేదు. బాబా దయవల్ల నేను మాత్రం ఆయన్ని తలుచుకుంటూ అన్నీ ఆన్సర్ చేశాను. ఒక పరీక్ష వ్రాసేటప్పుడు నా పక్కనున్న అతను నేను వ్రాసేది చూసి తను రాసుకుంటుంటే, నేను పోనిలే వ్రాసుకోని అని ఊరుకున్నాను. మరో 30 నిముషాలు ఉందనగా ఇన్విజిలేటర్ గమనించి, చూసి వ్రాస్తున్న అతనిని ఏమీ అనకుండా నా పేపర్ తీసేసుకున్నారు. నేను అప్పటికే వ్రాసేసినందున తిరిగి అడగలేదు. నేను ఎగ్జామ్ హాల్ నుండి బయటకి వచ్చేసాక ఆ మేడం నా పేపర్ మీద పెన్‌తో కొట్టేశారని నా స్నేహితులు చెప్పారు. అది విని నాకు చాలా భయమేసింది. ఆ సబ్జెక్టు ఉండిపోతే ఒక సంవత్సరం వేచి ఉండాలనిపించింది. కానీ ఎక్కడో బాబా ఉన్నారు కదా అని ధైర్యంగా అనిపించింది. మొత్తం పరీక్షలన్నీ అయిపోయాక నేను, "బాబా! మొత్తం సబీజెక్టులన్నీ పాసవ్వాలి. మీ అనుగ్రహం తోటి భక్తులతో పంచుకుంటాను. అలానే పులిహోర, కొబ్బరి కేసరి ప్రసాదం గుడిలో పంచుతాను" అని బాబాకి మొక్కుకున్నాను. బాబా దయవల్ల నేను ఫస్ట్ క్లాసులో పాసయ్యాను. మేడం కొట్టేసిందని చెప్పిన పేపర్ కూడా బాబా దయవల్ల పాస్ అయ్యాను. నేను చేసిన గ్రాడ్యుయేషన్‌కి 60% మార్కులొస్తేనే విలువ ఉంటుంది, అందువల్ల నేను బాబాని నాకు 60% రావాలని అడిగాను. బాబా దయవల్ల నాకు 67% వచ్చింది. చాలా సంతోషించాను. ఇది అంత మన సాయి లీల. నేను స్టూడెంట్స్‌కి ఒక్కటే చెప్తాను. బాబా! పాసవ్వాలని అడిగినంత మాత్రాన మనం పాస్ అవ్వము. మనం కష్టపడితేనే బాబా 'అయ్యో.. నా బిడ్డ కష్టపడుతుంద'ని మనకి సహాయం చేస్తారు. విద్యార్థులకు గురు కృప చాలా ఆవశ్యకం.

ఒకసారి నేను kyc అప్డేట్ చేయడం కోసం పోస్టాఫీసుకి వెళ్ళాను. వాళ్ళు ఏవో పేపర్స్ ఇచ్చి సంతకాలు చేయాలని అన్నారు. నేను సంతకాలన్నీ చేసి ఆ పేపర్స్ తీసుకొని మరుసటిరోజు మళ్ళీ పోస్టాఫీసుకి వెళ్తే, ఇంకా కొన్ని సంతకాలు చేయాలని అన్నారు. నేను ఇంకా నెగ్లెక్ట్ చేసి నాలుగు నెలల తర్వాత 'ఈసారి పని అయిపోవాలని, మళ్ళీ వెనక్కి పంపకూడదని; బాబా సహాయం అడిగి అవే పేపర్స్‌తో పోస్టాఫీసుకి వెళ్ళాను. వాళ్ళు ఏమీ అనకుండా అప్డేట్ చేశామని అన్నారు. అదివరకు అవే పేపర్స్ తీసుకెళ్తే ఇంకా సంతకాలు చేయాలని వెనక్కి పంపారు. అంతా బాబా దయ. మనం ఇది కావాలని అడిగితే చాలు. అది మనకి మంచిదైతే బాబా తప్పకుండా సహాయం చేస్తారు.

ఒకసారి నాకు జలుబు చేసింది. టాబ్లెట్లు వేసుకున్నా అస్సలు తగ్గలేదు. ఎందుకో ఆరోజు రాత్రి టెలిగ్రామ్ ఓపెన్ చేసి 'సాయి మహరాజ్ సన్నిధి' ఛానెల్ ఓపెన్ చేస్తే, అందులో ఎవరో భక్తులకి జలుబు చేస్తే, ఊదీ నీళ్లు తాగితే తగ్గిందని పంచుకున్నారు. బహుశా బాబానే ఆ రూపంలో అలా చెప్పారనిపించింది నాకు. ఎందుకంటే, నేను టెలిగ్రామ్ అసలు ఎప్పుడూ ఓపెన్ చేయను, బ్లాగు తాలూకు ఛానల్ అయితే అసలే ఓపెన్ చేయను. అలాంటిది ఆరోజు ఓపెన్ చేయడం, జలుబుకి సంబంధించిన అనుభవమే చదవడం అంతా బాబా కృప మనపై ఉండటం వల్లే. సరే, మరుసటిరోజు నేను నీళ్లలో శిరిడీ నుండి తెచ్చిన ఊదీ కలిపి తాగాను. అంతే, నేనింకా ఏ టాబ్లెట్ వేసుకోవాల్సిన అవసరం రాలేదు. బాబా ఊదీ అంత శక్తివంతమైనది. "ధన్యవాదాలు బాబా",

సర్వం శ్రీసాయినాథార్పణమస్తు.

---

Read More

సాయిభక్తుల అనుభవమాలిక 1901వ భాగం....

---

ఈ భాగంలో అనుభవాలు:

1. బాబా దయ

2. సాయినాథుని రక్షణ

---

బాబా దయ

నాపేరు తేజశ్రీ. సంవత్సరం ఆరు నెలలు ఉన్నప్పుడు మా చిన్నబాబుకి జలుబు చేసి చాలా రోజుల వరకు తగ్గలేదు. తన ముక్కు అంతా వాచిపోయి రక్తం కూడా వచ్చింది. చిన్న పిల్లాడు చాలా బాధపడ్డాడు. నేను ఆయింట్మెంట్ వాడుతున్న కానీ తగ్గలేదు. చివరికి నేను, "బాబా! మీ దయవల్ల బాబుకి జలుబు తగ్గిపోవాలి" అని చెప్పుకున్నాను. బాబా దయవల్ల కొన్నిరోజులకి బాబుకి జలుబు తగ్గింది. ఇంకోసారి సంవత్సరం ఏడు నెలల వయసున్నప్పుడు బాబు ఆడుకుంటూ మంచం మీద పడిపోయాడు. మంచం తాలూకు చెక్క తన దవడకి తగిలి రక్తం వచ్చింది. బుగ్గ వాచింది కూడా. తను బాగా ఏడ్చాడు. నేను బాబాతో, "మీ దయవల్ల ఏ సమస్య లేకుండా త్వరగా బాబుకి తగ్గిపోవాలి" అని చెప్పుకున్నాను. బాబా దయవల్ల త్వరగానే బాబుకి తగ్గిపోయింది.

2024, మేలో మా చిన్నబాబు నా లాప్టాప్‌లో వీడియోలు చూస్తూ ఏం చేసాడో తెలియదుగానీ లాప్టాప్ సపోర్ట్ దగ్గర మొత్తం విరిగిపోయింది. అది కొని సంవత్సరం కూడా కాలేదు. నాకు చాలా బాధేసి, "బాబా! మీ దయతో ఏ సమస్యా లేకుండా ఉండాలి" అని బాబాతో చెప్పుకొని వారంటీ ఉన్నందున లాప్టాప్ షాపుకి తీసుకెళ్ళాను. ఆ షాపతను ముందు ఇది వారంటీ కింద రాదని చెప్పినప్పటికీ తరువాత ప్రయత్నిస్తానని అన్నారు. నేను సంతోషించి లాప్టాప్ ఇచ్చి వచ్చేసాను. అతను నేను చెప్పిన సమస్యను పరిష్కరించకుండా వేరే సమస్యలున్నాయని ఇమెయిల్ పెట్టి చాలా పెద్ద మొత్తం డబ్బులు కట్టాలని అన్నారు. మేము ఆ లాప్టాప్ కొన్నదానికంటే ఎక్కువ అడిగారు. నా భర్త లాప్టాప్ వారంటీ కింద వస్తుందని తీసుకున్నారు కదా అని రిప్లై ఇమెయిల్ పెట్టారు. దానికి ఏ సమాధానమూ రాలేదు. తరువాత ఒక గురువారం మీ లాప్టాప్ తీసుకెళ్లండి అని నాకు షాపు నుండి మెయిల్ వచ్చింది. నేను కొంచం సంతోషించాను. అయితే ఆరోజు కుదరక మరుసటిరోజు షాపుకి వెళ్తే, లాప్టాప్ ఇవ్వలేదు. అసలు దాన్ని బాగు చేయలేదు కూడా. పైగా చెక్ చేసినందుకు డబ్బులు కట్టమన్నారు. దాంతో నాకు ఏం చేయాలో అర్థంకాక తిరిగి వచ్చేసాను. నాకు వాళ్ళు లాప్టాప్ తిరిగి ఇస్తారో, ఇవ్వరో అని కొంచం బాధేసింది. తర్వాత కొన్నిరోజులకి మరల వచ్చి లాప్టాప్ తీసుకెళ్లండి అని మెయిల్ వచ్చింది. మేము వెంటనే వెళ్ళలేదు. కొన్ని రోజులకి 2024, జూలై 23న నా భర్త వెళ్తే, లాప్టాప్ తిరిగి ఇచ్చారు. బాబా దయవల్ల బాగు చేయకపోయినా మా లాప్టాప్ మాకు తిరిగి ఇచ్చారు. "థాంక్యూ బాబా. థాంక్యూ వెరీ మచ్ సాయి. మీకు ఎప్పుడూ ఋణపడి ఉంటాము". 

---

సాయినాథుని రక్షణ

సాయిబంధువులు అందరికీ నమస్కారాలు. నా పేరు శాంతి. మా నాన్నమ్మ చనిపోయి 20 సంవత్సరాలు అవుతుంది. అప్పట్లో ఆమెకు జరిగిన రెండు అనుభవాలు ముందుగా పంచుకుంటాను. ఒకసారి నానమ్మ పాదం మీద పుండు లేచింది. షుగర్ పేషెంట్ అవ్వడం వల్ల ఆమె చాలా భయపడి ఎప్పుడూ బాబాని ప్రార్థిస్తూ ఉండేది. అలా ఉండగా ఒక రోజు కలలో నల్ల కుక్క నానమ్మ పాదం మీద పుండుని నాకింది. అప్పటినుండి ఆ పుండు తగ్గడం మొదలైంది. ఇంకోసారి నాన్నమ్మ రొమ్ములో  కొన్ని రోజులు నొప్పిగా ఉంటుండేది. మాతో చెపితే మేమంతా టెన్షన్ పడతామని ఎవరికీ చెప్పకుండా ఆమె బాబాని ప్రార్థిస్తూ ఉండేది. అలా ఉండగా ఒక రోజు కలలో ఒక పులి వచ్చి, ఆమె దగ్గర పాలు తాగి వెళ్ళింది. అప్పటినుండి ఆమెకు రొమ్ములో నొప్పి పూర్తిగా తగ్గిపోయింది.

ఒకసారి 8 సంవత్సరాల మా పాప ఇంట్లో ఆడుతూ ఉంటే తన చిటికెన వేలు తలుపులో ఇరుక్కుపోయింది. ఆ ఘటనలో తన వేలి మీద చర్మం బాగానే కట్ అయింది. పాప చాలా ఏడ్చి బాబా ముందు కూర్చొని, "వేలికి ఏమీ అవ్వొద్దు" అని ప్రార్ధించింది. మేము వెంటనే తనని తీసుకొని హాస్పిటల్‌కి వెళ్ళాము. బాబా దయవల్ల కుట్లు పడకుండా చిన్న దానితో పోయింది. ఇలా బాబా మమ్మల్ని ఎన్నో ప్రమాదాల నుండి రక్షించారు. "ధన్యవాదాలు బాబా. మా అందరి మనస్సులు ఎప్పుడూ మీ పాదాల మీదే ఉండేలా, మా కళ్ళలో మీ రూపం, మా పెదాలపై మీ నామస్మరణ సదా వుండేలా అనుగ్రహించండి తండ్రీ".

---

Read More

సాయిభక్తుల అనుభవమాలిక 1900వ భాగం....

---

ఈ భాగంలో అనుభవాలు:

1. శ్రీసాయి కృప

2. శిరిడీ దర్శన భాగ్యాన్ని ప్రసాదించిన బాబా

3. అవే టిక్కెట్ల మీద ప్రయాణానికి అనుమతించేలా దయచూపిన బాబా

---

శ్రీసాయి కృప

శ్రీ సచ్చిదానంద సమర్ధ సద్గురు సాయినాథ మహారాజ్ కీ జై. సాయిబంధువులకు వందనం. నా పేరు విజయశ్రీ. బాబా ప్రతి విషయంలో నాకు తోడుగా వుంటూ ముందుకు నడిపిస్తున్నారు. ఒకసారి మా బాబుకి శ్వాస తీసుకోవడం కష్టం అయింది. బాబుని డాక్టర్ దగ్గరకి తీసుకొని వెళ్తే, డాక్టర్ చెక్ చేసి, "ముక్కులో కండపెరుగుతుంది. మందుల ద్వారా తగ్గుంతుందేమో చూద్దామ"ని మందులు వ్రాసిచ్చారు. కానీ ఎన్ని రోజులు ఆ మందులు వాడినా బాబుకి తగ్గలేదు. అప్పుడు మేము బాబాను ఆశ్రయించి, "బాబుకి తగ్గేలా చూడు తండ్రి" అని వేడుకున్నాను. తర్వాత డాక్టర్లు చెక్ చేసి, ఆపరేషన్ చేయాలంటే, కొన్నిరోజుల తర్వాత ఆపరేషన్ చేయించాము. బాబా దయవల్ల బాబు ఇప్పుడు మంచిగా శ్వాస తీసుకోగలుగుతున్నాడు. "ధన్యవదాలు సాయితండ్రీ".

ఒకసారి నాకు లోబీపీ వల్ల బ్రెయిన్‌లో బ్లడ్ క్లాట్ అయితే హాస్పిటల్‌లో అడ్మిట్ అయ్యాను. డాక్టర్లు, "MRI స్కాన్ చేయాలి. ఆపరేషన్ చేయాల్సి వస్తుంది" అన్నారు. నేను బాబాను, "తండ్రీ! నాకు ఆపరేషన్ లేకుండా మందులతో తగ్గించు" అని ప్రార్థించాను. బాబా దయవల్ల డాక్టర్ స్కాన్ చేసి, "ఆపరేషన్ అక్కరలేదు. మందుల ద్వారా తగ్గుతుంది" అని  చెప్పి మందులు వ్రాసిచ్చారు. "ధన్యవాదాలు సాయితండ్రి. మీ కృప ఎప్పుడూ మా మీద వుండాలని కోరుకుంటున్నాను తండ్రీ".

---

శిరిడీ దర్శన భాగ్యాన్ని ప్రసాదించిన బాబా

ఓం సమర్ధ సద్గురు సాయినాథ్ మహరాజ్ కీ జై. నా పేరు శ్రీలక్ష్మీ. మాది విజయవాడ. నేను నాకు ఊహ తెలిసినప్పటినుంచి బాబా గుడికి, భజనలకు వెళ్తుండేదాన్ని. అప్పట్లో టీ, రొట్టెల మీద బాబా దివ్య రూప దర్శనమయ్యేది. నేను కూడా ఒక భక్తురాలి ఇంట్లో రొట్టె మీద బాబాను దర్శించాను. మా ఇంటి దగ్గర్లో ఉన్న ఒక చిన్నపాప ఒంటిపైకి బాబా ప్రతి గురువారం వచ్చేవారు. ఒకసారి మేము అక్కడికి వెళ్ళి, "బాబా! శిరిడీ వచ్చి మీ దర్శనం చేసుకోవాలనుకుంటున్నాం. ఎప్పుడు రమ్మంటారు?" అని అడిగితే, "శిరిడీనా! ఎందుకు? వద్దు" అన్నారు. మేము, "మీ దర్శనం చేసుకోవాలి, వస్తాం" అని అంటే, "సరే, వస్తావా? రా. ఎలా వస్తావో, నేను చూస్తాను" అని అన్నారు బాబా. ఇది జరిగిన 15, 20 రోజుల తర్వాత మేం అనుకోకుండా మహారాష్ట్రలో ఉన్న మా పెద్దమ్మ వాళ్ళింటికి వెళ్ళాల్సి వచ్చి వెళ్ళాము. అప్పుడు మా పెద్దమ్మ, "ఇక్కడిదాకా వచ్చారు కదా! శిరిడీ వెళ్ళి బాబాను దర్శించుకోండి" అని చెప్పింది. అప్పటివరకు శిరిడీ వెళ్లాలన్న విషయమే మాకు గుర్తు లేదు. బాబానే మా పెద్దమ్మ ద్వారా గుర్తు చేసి మరీ తమ దగ్గరకు రప్పించుకొని తమ దర్శన భాగ్యాన్ని మాకు ప్రసాదించారు. ఆ తండ్రికి వేల కోటి ప్రణామాలు. ఇది జరిగి 30 సంవత్సరాలవుతుంది. అయినా రద్దీ లేని ప్రశాంతమైన ఆ దివ్య దర్శనం నాకు ఇప్పటికీ బాగా గుర్తుంది. ఎప్పటికీ మర్చిపోలేని మధురానుభూతి అది.

సర్వం శ్రీ సాయినాథార్పణమస్తు.

---

అవే టిక్కెట్ల మీద ప్రయాణానికి అనుమతించేలా దయచూపిన బాబా

నేను ఒక సాయి భక్తురాలిని. సాయిబాబా నాకు అనేకసార్లు అభయమిచ్చి ఆదుకున్నారు.  పెద్ద-చిన్న అని తేడా లేకుండా ప్రతి సమస్యకు నేను వారినే ఆశ్రయిస్తాను. ఆయన చాలాసార్లు అనుగ్రహిస్తారు. అంతెందుకు ఏ భగవత్ స్వరూపాన్ని చూసినా నా నోట పలికేది, మనసున మెదిలేది 'బాబా' అన్న పదమే. 2024, జూలై 24 తెల్లవారుజామున హైదరాబాద్ నుంచి నేను, మా కోడలు, మనుమరాలు కలసి చికాగోకు లుఫ్తాన్సా ఎయిర్ లైన్స్‌లో ప్రయాణమయ్యాం. ఫ్రాంక్ఫర్ట్‌లో దిగి చికాగోకి వేరే ఫ్లైట్ తీసుకోవాల్సి ఉండగా హైదరాబాద్ నుండి ఫ్రాంక్ఫర్ట్ వెళ్లి ఫ్లైట్ ఆలస్యమైంది. అదీకాక సెక్యూరిటీ చెక్‌లో కూడా ఆలస్యమైంది. కాళ్ళనొప్పుల వల్ల నేను ఎక్కువ దూరం నడవలేను. వీల్ చైర్ బుక్ చేసుకున్నాను. కానీ ఫ్రాంక్ఫర్ట్ ఎయిర్ పోర్ట్‌లో వీల్ చైర్ సకాలంలో అందకపోవడంతో చికాగో ఫ్లైట్ మిస్ అయ్యాం. అటువంటి క్లిష్ట పరిస్థితిలో బాబాని బాగా ప్రార్ధించుకున్నాను. మొదట, "మేము ఏమి చేయలేము. ఆలస్యానికి, ఫ్లైట్ మిస్ అవడానికి మేము బాధ్యులం కాము" అన్న ఎయిర్‌‌లైన్స్‌వాళ్ళు మర్నాటి ఫ్లైట్‌కి అవే టికెట్ల మీద అనుమతించారు. నేను ఇది బాబా దయగా భావిస్తూ వారికి ప్రణమిల్లుతున్నాను. "బాబా! నీ మహిమ అద్భుతం, అనంతం".

---

Read More