ఈ భాగంలో అనుభవాలు:
1. బాబా చేసిన గొప్ప సహాయాలు
2. సమస్యలు తీర్చే సాయితండ్రి
బాబా చేసిన గొప్ప సహాయాలు
సాయి మహరాజ్ కి జై. సాయి బంధువులందరికీ నమస్కారం. నా పేరు భాస్కర్. మాది తాడేపల్లిగూడెం. 2026, మార్చి 3న మా నాన్న మాకు భౌతికంగా దూరమై, మమ్మల్ని అనాథలను చేశారు. దాంతో ఇంటికి నేనే ఒక్కగానొక్క మగ దిక్కు అయ్యాను. అప్పటిదాకా అన్నీ నాన్నే చూసుకోవడం వల్ల నాకు బయట ప్రపంచం గురించి అంతగా అవగాహన లేదు. అప్పుల గొడవలు, పోలీసులు, కోర్టు వంటి వ్యవహారాలు ఏం తెలియదు. అలాంటిది మేము నాన్న పోయారన్న దుఃఖంలో వుండగా అనుకోకుండా ఒక లాయర్ నోటీసు మాకు వచ్చింది. మేమంతా ఆశ్చర్యపోయాము. ఆ నోటీసులో మా అమ్మ 2 సంవత్సరాల క్రితం మాకు తెలియని ఎవరి దగ్గరో 6 లక్షల రూపాయలు అప్పు చేశారని, ప్రామిసరీ నోటు కూడా ఉందని వుంది. నిజానికి మా అమ్మ గుమ్మంలో కూరగాయలు కొనడానికి కూడా ఏనాడూ బయటకు రాని మనిషి. అందుచేత ఆ నోటీసుతో పిడుగు పడినట్టై వణికిపోయి నిద్రలేని రాత్రులు గడిపాము. మా నాన్న ఆర్థికంగా మాకు అన్నీ అమర్చి వెళ్ళిపోయారు. బాబా దయవల్ల మాకు ఏ లోటూ లేదు. కాబట్టి 6 లక్షలు ఇవ్వడం సమస్య కాదు. కానీ నాన్న గుప్త దాత. సమాజంలో ఒక్కరితో కూడా మాట పడకుండా, అందరితో మనిషంటే ఇలా బ్రతకాలి అనిపించుకున్నారు. అలా మచ్చ లేకుండా దానకర్ణుడిలా వెళ్ళిపోయిన మా నాన్న మీద ఆయన వెళ్ళిపోయిన 3వ నెలలోపే ఇలాంటి అపవాదు రావడం ఆయన గౌరవానికి పెద్ద మచ్చ అని మేము కుమిలిపోయాము. నేను సదరు లాయరుకి ఫోన్ చేస్తే, "కోర్టుకు రండి, మాట్లాడుకుందాం" అన్నాడు. విషయం తెలిసిన ఇంకో లాయర్ సెటిల్మెంట్ చేయిస్తా, రండి అన్నాడు. ఇంకా ఎవరెవరో కల్పించుకొని ఏమే
నేను బ్యాంకులో పని చేస్తున్నాను. ఆ బ్రాంచులో పని ఒత్తిడికి నాకు గుండెనొప్పి వచ్చేలా ఉంటుంది. నేను చాలా బాధపడుతూ ఆ ఉద్యోగం మానేసి బిజినెస్ పెట్టుకుందామని అనుకోని రోజు లేదు. కానీ కొన్నాళ్ళు ఆ ఉద్యోగం తప్పనిసరిగా చేసేలా నాకు బాధ్యతలు ఉన్నాయి. అదికాక నాన్న మరణంతో నా మీదే ఆధారపడ్డ మా అమ్మ, చెల్లి, మేనకోడలు, నా భార్య, నా కూతురు అందరూ ఆడవాళ్లు
నేను డ్యూటీకి వెళ్ళిపోతే ఒంటరిగా ఉండాల్సిన పరిస్థితి.
ఈ పరిస్థితుల్లో బాబా చేసిన సహాయం చూడండి. ఆయన విచిత్రంగా నా సొంత వూరిలో మా ఇంటి ప్రక్కనే ఉన్న బ్రాంచ్కి నాకు బదిలీ అయ్యేలా అనుగ్రహించారు(ఈ బ్రాంచ్లో పని తక్కువ). నిజానికి నాకు బదిలీలు అస్సలు ఉండవు. కానీ, ప్రక్క బ్రాంచ్లో ఒక ఫ్రాడ్ జరగడంతో నన్ను అక్కడికి బదిలీ అయ్యేలా బాబా ఏర్పాటు చేశారు. ఇప్పుడు నేను నా కుటుంబానికి, పిల్లలకు ఎంతో సమయాన్ని కేటాయించగలుగుతున్నాను. "బాబా! మీ పాదాలను కౌగిలించుకుని ఆనందంగా ఏడవాలని ఉంది. ఇంతకు మించి మీకు నేనేం ఇవ్వగలను నాన్నా".
సమస్యలు తీర్చే సాయితండ్రి
నా పేరు మల్లారెడ్డి. నేను హైదరాబాద్ నివాసిని. ఆ సాయినాథుని వారి ఆశీస్సులు ఎల్లప్పుడూ సాయి భక్తులపైన అమృత వర్షంలా కురిపించాలని ప్రార్థిస్తూ నా అనుభవాన్ని పంచుకుంటున్నాను. మూడు నెలల పాటు మా ఇంటిలో ఉన్న ఒక రూమ్లోకి ఎవరూ అద్దెకి రాలేదు. అప్పుడు నేను, "మా రూమ్లోకి ఎవరైనా అద్దెకు వచ్చేలా అనుగ్రహించండి బాబా. అలా జరిగితే గ్రేనిల్స్ కాలనీలో ఉన్న దత్తాత్రేయ సాయిబాబా దేవస్థానంకి ప్రసాదం తీసుకొస్తాన"ని మొక్కుకున్నాను. అంతే! రెండు, మూడు రోజుల్లోనే ఆ రూమ్లోకి అద్దెకు వచ్చారు. నేను చాలా సంతోషించి నా అనుభవాన్ని బ్లాగుకి పంపుదామనుకున్నాను కానీ, ఆలస్యమైంది. ఆలోపు సాయి చూపిన మహిమను ఎలా వర్ణించాలి? నాలాంటి అనుభవాన్ని 2026, మార్చి 9, సోమవారంనాడు చదివేలా చేసారు. దాంతో నా అనుభవాన్ని బ్లాగుకి పంపాను. తోటి సాయి భక్తుల అనుభవాలను మన అనుభవాలుగా భావించి చదువుతుంటే ఒక్కోసారి కళ్ళ నుండి ఆనందభాష్పాలు వస్తాయి. అది నేను అనుభవించాను. ఇకపోతే, మాకున్న ఇంకొక రూమ్లోకి కూడా రెండు నెలలు ఎవరూ అద్దెకు రాలేదు. ఆ రూమ్లోకి కూడా అద్దెకు రావాలని బాబాను కోరుకుంటే, ఆ కోరికను కూడా నెరవేర్చారు. కొన్నిరోజులకి నాకు కొన్ని ఆరోగ్య సమస్యలు వచ్చి చెప్పరాని చోట విపరీతమైన బాధను అనుభవించాను. అప్పుడు బాబా ఊదీ ధరించి, కొంచం ఊదీ నీటిలో వేసుకొని త్రాగాను. బాబా దయవల్ల ఆ ఆరోగ్య సమస్య పరిష్కారమైంది. సాయి పాదపద్మములకు నా ప్రణామములు. "సాయినాథా! మీ కరుణారస ప్రేమామృతాన్ని నాపై ఎల్లప్పుడూ కురిపించు తండ్రీ. నా మనసు ఎల్లప్పుడూ మీ పాదాల చెంత నిలిచేటట్లు ఆశీర్వదించండి".
ఓంసాయి శ్రీసాయి జయజయసాయి
Om Sairam
ReplyDeleteSai always be with me
Om sri sairam 🙏🙏
ReplyDeleteOm sri sai ram
ReplyDeleteఓం సాయిరామ్ 🙏
ReplyDelete